كنت عايز اغير زيت الفتيس لعربيتي سيفيك 2008 وبعد ما دورت عندي ملقتش زيتها الاصلي قلت اروح موبيل لان ليا مهندس اعرفه في التوكيل ومش هايزهق لو قعدنا نعمل سيرش على اقرب زيت لهوندا atf z1 اللي موصي بيه في الكتالوج فاكتشفت التالي :
لقينا اقرب زيت لزوجه وفلاش بوينت وكذا معيار تاني ناسيهم خاصين بدرجه الحراره وكده (atf 220)
استغربت جدا لاني معلوماتي القديمه بتقول ان الناس بتحط (atf 320) ولانه اغلى كمان من الاولاني فكنت مفكر انه انسب فكنت عايز حد يصححلي المعلومه او يأكدهالي
للعلم انا غيرت 3 كيلو من (atf220) عشان كنت لازم اغير الزيت عشان عدى معاده ولان كان عندي دبه كده وانا طالع من اي مطب والعربيه تكون قبلها وهيا ماشيه وصلت للخامس مثلا كنت بعد مادوس فرامل واطلع المطب وانزل اجي ادوس بنزين تاني عشان اكمل مشي تحصل دبه كده وتاخير استجابه من العربيه وتكمل بعدها عادي
للعلم انا لسه ممشيتش بالزيت الجديد الا 100 كيلو والدبه لسه موجوده بس الزيت القديم كان نازل اسود
والف شكر يارجاله لانكو السبب اني اشتريت العربيه المجرمه دي لاني كنت طول عمري بركب الماني بس بجد العربيه دي احساس تاني ههههههه
كنت بالجولف 3 الناس بتفتحلي الغرز من نعره العربيه وابص العداد الاقي نفسي ماشي 120 اما في السيفيك بوصل 160 وانا بربش
المفضلات