حد اشترى من الموقع ده قبل كده مكملات؟!
حد يعرف حد فى امريكا يبعتلنا مكملات؟!
بدل مالتجار هنا بينفخونا فى الاسعار
العلبه تبقى بره مصر ب 15دولار يعنى ب120 وهنا يقولك 450ج
طبعا مع الكم بتفرق جامد
ارجو الافاده
عرض للطباعة
حد اشترى من الموقع ده قبل كده مكملات؟!
حد يعرف حد فى امريكا يبعتلنا مكملات؟!
بدل مالتجار هنا بينفخونا فى الاسعار
العلبه تبقى بره مصر ب 15دولار يعنى ب120 وهنا يقولك 450ج
طبعا مع الكم بتفرق جامد
ارجو الافاده
فى موقع افضل من البادى بيلدنج اسمه ماسكل
Muscle & Strength: #1 Muscle Building & Fat Loss Site + Supplement Store
فيه ميزة احلى من الباادى انه بادى الشحنة بتوصل بعد 20 يوم لاكن ماسكل الشحنة بتوصل بالكتير فى 5 ايام ومصاريف الشحن فرق بسيط جدا ده اولا
ثانيا لو ناوى تجيب حاجة من بره هات اى حاجة كبسول اوعى تجيب بودر لانك لو جبت بودر هتدخل عرض وهتتبهدل وهتتظبط وهتقولى ياريت ما جبت لاكن الكبسول اسهل حاجة تدخل
الأسعار هنا مبالغ فيها جداً
جرب موقع سوق او موقع Jumia
سوق وجوميا مش عليهم كل حاجه واسعارهم برضو غاليه زى هنا لما تحسبها فى الاخر لحد ماتجيلك الحاجه
انصحك بالتجار مهما كانت غاليه لانك هتلف حوالين نفسك مع الاشكال بتاعت الجمارك ديه ربنا يرحينا منهم قريب
ياباشا انا تعبت من التجار والله
كل واحد بكلمه وكل واحد بيسوق لشركه معينه واسعار خوزعبليه بمعنى الكلمه
الاستاذ الى عاوز تجار خش اكتب على الفيس او جوجل تجار مكملات غزاائيه هتلاقى الف واحد بس المضمونين عن تجربه شركه اسمها tss
وشركه تانيه ليها كزا فرع اسمها على الفيس بوك bodybuilding house
فى محلات كتير دلوقتى فتحت فى مدينه نصر بشوفها خليك مع المحل سيبك من تجار الفيس لان اغلب المكملات مضروبه للاسف بياخدو العلب والاكياس ويعبوها تانى نشا وكاكاو ميكلفوش 30 جنيه ويبعهولك ب 600 جنيه يبالاخص مكملات زياده الوزن فيها غش كتير جدا
ثانيا ادخل اليوتويب وسيرش فى جوجل كتير واتاكد ازاى تفرق بين المغشوش والاصلى بس للاسف انت هتكون دفعت الفلوس خلاص واغلبهم فى مصر مفيش ضمير
على العموم انا قولت ده حل موقت علشان والله مش عايزك تلبس فى الحيطه هتدفع اضعاف الكلام ده فى الجمارك غير ان الحاجه هتتركن كتير وتفسد
بالاضافة لمصاريف الشحن و الجمارك فالادوية و المكملات الغذائية بتاخد الاول موافقة من وزارة الصحة و دي ليها مصاريفها عشان تتخلص من الجمرك..
احنا عاملين مشروع كدة بنجيب اى منتج انت محتاجه من امريكا خاصة المنتجات الخفيفة - صفحتنا على الفيس بوك (Fitness shop for vitamins and supplements in Egypt) - المنتجات بتوصل من 5 الى 15 يوم - كلمنى لو محتاج حاجة .
انت بتدخل على الموقع ةبتسجل عادى وبيكون فيه زى سلة للمشتريات بتدخل تختار المنتجات وبتدفع بالفيزا مسبقة الدفع ممكن تعمل فيزا من بنك كريدى اجريكول ب 20 جنية اعتقد بتدفع كل شىء حتى الشحن لحد مصر فى خلال 4 ايام الحاجات بتوصل قرية البضائع فى مصر
فيديكس هتكلمك او تبعتلك ايميل هتقولك فى شحنة ليك وهتقولك تعالى علشان فى تصريحات من وزاة الصحة لازم تخلصها بنفسك
هتروح ثرية البضائع هناك لفيدكس وتاخد الورق بتاعك وهتروح الصيدلية هتقابل دكتورة صيدلة هتعملك الاذن بحوالى 10 الى 15 جنية وتروح تانى لفيدكس تديهم الورق وهما يوصلوا الحاجات لحد باب البيت وخلص الكلام على كده
ده سيناريو البرشام
ام بقى سيناريو البورد هتتفشخ فيه ليه
علشان البورد هيدخل عرض اغذية وهياخدوا عينة مش فاكر المكان متهيالى القصر العينى مش فاكر والله الاسم هو عند مجلس الوزراء جنبه المهم هتروح هناك بعد 10 ايام وتدفع الرسوم التحليل كام يا باشا انت وحظك يعنى ايه انا وحظى يعنى ممكن مرة تلاقيها 400 جنية ومرة ممكن تلاقيها 900 جنية انت وحظك
وبعدين بتاخد الوصل توديه لفيدكس وكل سنة وانت طيب
فى كلام سمعته من مدير الجمرك قالى لو البورد كيلو كنت عديته ليك
مشكلة البورد عرض الاغذية
يعنى انا جبت مرتين مرة البورد فى الصحة قالولى عايزين 950 جنية والبورد اصلا ب 350 جنية سعره قولتلهم خلوه عندكم مش عايزة
ومرة تانية 450 جنية رسوم ولما سالت قالولى انت حظك كويس ان العينة دخلت معمل واحد شوف الفشخ بقى
دى الطرق القانونية يا باشا
فى طرف تانية من تحت الترابيزة ابحث عنها بقى
السلام عليكم .. انا قريت مشاركتك بخصوص موقع bodybuilding انا طالب اوردر كبير منهم .. ومفروض انه من يوم 18 مارس بالجمارك .. وكنت متوقع انه هيوصلى لباب البيت من غير ما اعمل اى حاجة .. بالنهاية كلمت البريد المصرى قسم تبادل بريد المطار .. اعطيتهم رقم التراك .. قالولى نفس الكلام انه بالجمرك وقالولى ابعت صورة البطاقة وش وظهر عالايميل بتاعهم .. عشان هيخدوا تصريح بيه من وزارة الصحة .. ولليوم مفيش اى جديد .. وحتى بتوع بريد المطار محدش بيرد عالايميل ولا كلمونى.. خايف الحاجة ترجع تانى .. وكل مكلم ادارة bodybuilding هما نفسهم بيقولوا الموضوع بيخص بلدك حاليا والجمارك .. السؤال هنا مفروض اعمل ايه .. واتواصل مع مين .. والاوردر مفروض يقعد كام يوم بالجمرك .. وياترى ممكن ادفع جمارك مثلا ..