الأخ kaza
هههههههههههههههههههههههه
بجد انت مثال للمواطن المصري الأصيل
ربنا يخرب بيوتنا احنا يا شيخ ويخليكوا لماسر ويخلي ماسر ليكوا
عرض للطباعة
الأخ kaza
هههههههههههههههههههههههه
بجد انت مثال للمواطن المصري الأصيل
ربنا يخرب بيوتنا احنا يا شيخ ويخليكوا لماسر ويخلي ماسر ليكوا
هههههههههههههههههههه
ياعينى يا ربى
الفضااااااااااااااااااا
اه منه الفضااااااااااا ده يعمل اكتر من كده
اى كلاااااااااااااااااااااام فى اى اتجاه
ما تشغلوا وقتكووووو بدل ما انتو قاعدين للنت تجيبوا سيرة الناس وتخترعوا مواضيع وتاخدوا سيئات
وتروح للناس حسناتكم ببلاش
على الاقل ايلى انتو بتجيبوا فى سيرتهم دول واقفين فى البرد على الحدود بسلاحهم بيحميكم
مش قاعدين على النت بالسيجار واالنسكافيه وتحت البطانيه وبيقولوا تخااااااااااااااااااااااا ااريف
ياعينى ياربى
ربنا يعافينا
مع احترامي لحضرتك
الاستاذ تامر ولا حد فينا محتاج يفبرك او يألف قصص
الكلام ده بيحصل وحصل معايا شخصياً
ظابط برتبة نقيب او رائد مش فاكر ايه بالظبط بس كان داخل عكس في شارع انا ماشي فيه وميعديش غير عربية واحدة
الباشا صمم ان انا ارجع علي اساس بقي هخاف وكدة وكان لابس الميري وبيتكلم في الموبيل وبيشاورلي ارجع
ولاجل حظه الجميل كان معايا 2 صحابي ظباط جيش برتبة ملازم اول "حاجة على القد كدة" واحد فيهم جاري وصاحبي من زمان والتاني اول مرة اشوفه كان جاي مع صاحبي ده .. لما عرف حاجة زي دي للاسف كان منظره وحش اوي ووشه جاب جميع الالوان ورجع وقعد يتأسف كتير
الخلاصة ان الباشا في باشا اكبر منه واللي ليه ضهر مينضربش على قفاه
تخيلي بقى حضرتك لو مكانش معايا حد كان هيجبرني ارجع والا هبقي ارهابي في نظره وممكن يلبسني قضية وانا عندي اهل محتاجني والله يعني مش مرمي في الشارع
"
"
على فكرة الموقف ده مش من تأليفي وده واقعي 100% وحصل من حوالي سنة
استاذ kaza
انا معرفش حضرتك بتشتغل ايه بس من الواضح عن دفاعك عن الشرطة دايماً انك ظابط شرطة وده على عنينا طبعاً الكويس بيتقال عليه كويس والوحش بيتقال عليه وحش
لو حضرتك شايف انك ماشي كويس وبتأدي شغلك على حسب مايقول ضميرك يبقى مش من حقك تزعل ولا تضايق من الكلام اللي بيتقال هنا .. اكيد بردو ليك زمايلك كتير فيهم الكويس والوحش ومينفعش باي شكل انك تنكر ان الوحش اكتر بكتير من الكويس
احنا مش ناس فاضية ولا قاعدين في بيوتنا احنا ناس علطول في الشارع بنجيب اكل العيش بنشوف بردو الكويس والوحش والمواقف اللي بتحصل دي بتحصل لناس كتير جداً مننا عشان كدة لتاني مرة بقولها لو حضرتك راجل بتقوم بشغلك كامل يبقي متزعلش من الكلام اللي بيتقال هنا ومتخدهوش عليك
لما تبقى ظاهرة معروفة في كل مصر إن ضباط الشرطة هم أول مخالفي القوانين
ده هو اللي الناس بتتكلم فيه
إنسان مبيحترمش القانون
ومتكبر على خلق الله ومتغطرس
ومطلوب منه يراقب تنفيذ القانون اللي هوا بيخالفه ويعاقب المخالفين وهوا ماشي بدون نمر
فاقد الشيء لا يعطيه
عموماً في الغالب ربنا بيسلط عليه اللي بيطلع كل ده منه
سبحان الله
ـ
انا مش قصدي اي كلام في السياسة
اي حاجة في الدنيا فيها الحلو و فيها الوحش
بعد فض رابعة السنة اللي فاتت كنت بشوف ظباط عربياتهم فيميه و استيكر اللي هو المفروض مخالفة ملصقات و في العربياتهم زي عربية اي حد
في اللجان بنلاقي عربيات ملهاش نمر و متفيمة مش بيتاخدوا مخالفات لا رادار و لا عكسي و لا اي حاجة
ايام ما كان الزينون مخالفة ظباط كتير من اللي بيسحبوا الرخص عربياتهم مفيمة و مركبة زينون عادي جدا
الحكاية دي من زمان اوي مش الفترة دي
البلد بلدهم مش بلدنا خالص
ربنا يطلعنا منها على خير
هما شعب و احنا شعب
الظابط اللى بيتنطط على خلق الله سيبوه يتنطط زى ما هو عاوز
و 50 كومنت في التوبيك مع احترامى ليهم مش هايودو ولا هايجيبو ولا هايغيرو حاجه
ريحو نفسكو أحسن
انت ازاى يا بو ازاز شفاف تعمل كده اعرف قيمة نفسك هههههههههههههههه يا بو ازاز شفاف
انا هزرت فى الكومنت اللى قبله بس انا هتكلم جد الموقف ده اى حد فينا بيعملوا فى وقت من الاوقات لما يكون متعصب او مستعجل او الدنيا جاية عليه باى شكل بدون القاب ولا ظابط ولا اى حاجة
اللى بيقول البلد مش بلدنا لا بلدنا كلنا ومفيش بلد مينفعش تمشى من غير دكتور مهندس ظابط عامل نظافة مزارع مقاول كل المهن
بالنسبة ليا لو انا ظابط هفيم وهمشى بعربيتى من غير نمر والحمد لله ربنا كاتبلى انى اكون عادى وماشى بازاز شفاف وزى الفل
كل واحد ليه دوروا محدش يقدر ينكر شغلهم وصعب ويقرف انك تكون راجع البيت بليل وهو يكون واقف فى الشارع برد ولا الصبح فى عز الحر علشان يحميك
وبماسبة الايجابية انا هقول موقف حصل معايا فى شبرا واول مرة انزلها بسبب واحد صاحبى جالى القاهرة عرفتة هنا فى المنتدى وقالى عايزين نروح مشوار واحنا مشغلين ال gps بيقولى لف الطريق مش من هنا وداخلين عكس فى مفترق طرق والظابط قاعد جنبنا وخد الرخص ولما نزلنا اتكلمنا معاه وعرف ان اول مرة ننزل المكان ده وشايفين ناس بتلف فى الشارع بس داخلتنا احنا كانت غلط قدر ومحسبش مخالفة
الموقف كان مرفوض من ظابط او من غيره واحيانا احنا بنعمل حاجات غلط واحنا بنسوق على حسب الحالة اللى بتكون فيها
انا مش فاهمه والله
ده انتو متغاظين غيظ من الضباط
يااااارربى
ايه كان نفسكوا تطلعوا ضباط وسقطوووا فى كشف الهيئة مثثلا؟؟؟؟؟؟؟؟
ولا عاوزين تفيموا عربياتكم ومش عارفين ؟؟؟؟؟
اتقوا الله بقى
وعلموا اولادكم حب الوطن وجيش بلدكم وشرطتها ايلى بتحميكم
احنا شعب منستاهلش اى حاجه حلوة تتعمل لنا
مش ورانا الا التريقه والنقد والكراهيه ولحقد وبس
بذمتكم ده توبيك تعملوا منه قصه وحدوته
وتخرجوا عن هدف الجروب ليه ؟؟؟؟؟
ده مش منتدى سيارات وبس
ولا انتو بتدخلوا الجيش والشرطه فى جملة مفيدة وخلاااص
اتقوا الله بقى
قاعدين فى بيوتكم وسط اهلكم و ولادكم
ومش حاسين بايلى متمرمطين فى العريش وسيناء وسايبين اهلهم عشان البلد
وبيموتوا بدم بارد كل يوم من الارهابيين القتلة
وفىالاخر بيتشتموا كمان
ايه الظلم ده
والله كله عند ربنا
حتى لو فيه سلبيات
انتو مالكو انتو هتحاسبو ا العبااااد ناصبين محكمه وكل واحد بكلمه
اهو ده ايلى احنا فالحين فيه
وفى الاخر نقول فال الله وقال الرسول وعاملين متدينين
واحنا عاملين نجيب سيرة الناس ونغتابها
دع الخلق للخالق
ربنا يهديكم صفوا قلبكم
حبوا بلدكم شويه
حبو جيشها ايلى بيحميها كان زمنا بقينا زى سوريا ولا العراق
حبو شرطتها
وانسوا اى سلبيات
البشر مش ملاك
اللهم لاتجعلنا ممن أورثتهم الدنيا حب الذل ... فاننى أرى عبادا لك ذلوا واستذلوا حتى باتت قبلتهم لغيرك ... وسجودهم لسواك ... اللهم لا تجعلنا منهم ... ولاتحشرنا معهم .... و فرق اللهم بيننا وبينهم
أمين
الناس اللي قاعدة تقول فضا و فاضيين .... معنى ان حد بيوصف غيره بكده من غير ما يسأل ولا يعرف شغالين ايه ولا فين ولا بيعملوا ايه في حياتهم هل يكون حاجة من اتنين ؟
يا اما انه بيشتم , و بالتالي هانرجع للاصل و نعامله على انه (...) و غلط ؟؟
يا اما ان ده الطبيعي بالنسبة له و بالنسبة للبيئة اللي هو عايش فيها ففاكر ان كل الناس كده ؟؟؟
مش لاقي احتمالات تاني الصراحة :11:
اما كارهين و مش كارهين , مبسوط , ابعت لنا صورك و انت بتبوس الكاوتش :angelme:
و يستحسن لو معاه كمان الحتة الشمواه بالمرة :)
الظريف جدا ان رأس الموضوع نفسه لما كتبته ما جبتش سيرة مؤسسة ولا وزارة ولا اي حاجة , اتكلمت على شخص , ما قلتش حتى هل فئته كلها كده ولا ده تصرف فردي ولا ايه
بس تقريبا فيه ناس البطحة وجعتها جدا عشان حد متضايق من حاجة هما راضيينها على نفسهم , ربنا يزيدهم منها يا رب :)
ادي كمان حكاية
اللهم آميناقتباس:
اللهم لاتجعلنا ممن أورثتهم الدنيا حب الذل ... فاننى أرى عبادا لك ذلوا واستذلوا حتى باتت قبلتهم لغيرك ... وسجودهم لسواك ... اللهم لا تجعلنا منهم ... ولاتحشرنا معهم .... و فرق اللهم بيننا وبينهم
يا جماعة أهدوا شوية الله يخليكم
أرجوكم خلوا الحوار معتدل
أرجوكم يا أحبائى
لا
كان نفسنا نطلع ظباط بس مجموعنا في الثانوية العامة كان فوق ال 90% بشوية
فبكده فقدنا أهم شروط الإلتحاق بالشرطه
أن لا يزيد مجموعه في الثانوية العامه عن 55%
فمتغاظين قوي
ينفع يطلعونا ملحق يمكن المجموع ينزل شوية ونبقى فشله ونقدم براحتنا
كلمهلنا بسرعة
لحسن إحنا متغاظين قوي
أو الطريقة التانية
الراس ب 50 ألف وتدخل شرطه حتى لو أحول زي واحد مشهور قوي كلنا عارفينه
الحمد لله على فضله ونعمته
ـ
تم وقفك لمخالفه قاعده رقم 9 من قواعد وقوانين المنتدي
م .ع 8
كل مجتمع فيه الصالح و فيه الفاسد
و كل فئة فيها الكويس و فيها الزفت
بس لما نتكلم عن فئة المفروض انها تنفذ القانون و المفروض ان واجبها حماية المواطن الغلبان هنا لازم وقفة جدية شوية علشان المظاهر دي فعلا منتشرة كتير بين الضباط ذوي الرتب الصغيرة
و للعلم الضباط ذوي الرتب الكبيرة عمرهم ما يعملوا كده أبدا
أنا زي كل الناس شوفت المظاهر دي أكتر من مرة و مش حأحكي عنها لأنها في الأخر كلام فاضي
بس حأحكي ليكم عن حاجة تانية أنا شفتها بنفسي في أحدي الحملات المرورية أللي كان واقف فيها ضابط برتبة لواء و قفش عربية متفيمة و من غير نمر خالص و راكبها ضابط صغير برتبة نقيب (علي ما أعتقد). عارفين بهدل النقيب لدرجة أيه؟؟؟ بصراحة أنا وقفت أتفرج لأني كنت مبسوط بالموضوع ده و ما زعلتش من الغرامة أللي خدتها علشان الستارة الخلفية. و في وسط الكلام ده عربية تانية برضه فيها فيميه و برضه من غير نمر و اللواء بنفسه وقفه بس يا خسارة طلع وكيل نيابة.
و بالرغم من أن اللواء ما يقدرش يعمل له حاجة الا أنه سم بدنه بكلمتين من العيار التقيل و بعدها خلاه يعدي.
لما يقابلك حاجة زي كده أوعي تسيب حقك بس يكون موضوع يستاهل في عند الوزارة حاجة أسمها التفتيش ممكن تعمل فيها شكوي و تأكد أنهم حايعملوا الواجب و زيادة.
مش معني كلامي أنهم ملائكة بس زي ما فيه وحشين في برضه ناس كويسة جدا.
مش حضرتك لوحدك اللي كان مجموعك فوق 90وفية كتير دخلوا كليات شرطة وجيش بمجموع كبير علشان يبقي ظابط ويدافع ويحرس امثال حضرتك وبمزاجة مش غصب عنة علشان مجموعة مادخلوش هندسة ولا طب ...االفرق ان اللي ربنا شاء له يدخل الكليات دي بعد كشف طبي ونفسي وخد بالك من نفسي ولياقة وهيئة انة اجتاز الاختبارات دى زيادة وبنجاح والله اعلم بظروف من لم يوفق ..قد يكون سيادتك من غير الموفقين ...كلامك مالوش وصف غير حالة نفسنة وحقد بين
فية تجاوزات زي ما فية في اي حاجة في البلد ولا القطاع الخاص بياخد بالكفاءة ومافيش مديرين لسة متخرجين امبارح دون خبرات ...ككل حاجة في البلد بس حضرتك وجعاك شوية حتة ضباط دي ....استاذي الضابط بيتعرض لحاجات يشيب لها شعرك من مسؤلية عن جنود وماكلهم ومشربهم وسلامتهم ....الخ غير انة مهدد في جميع تحركاتة بالقتل والخطف اليومين دول ....وسايب بيت واسرة واولاد علشان يحمي ابوة وامة واختة واخوة وابنة ..اهلة اهل بلدة مصر....ددة اللي بنتعلمة في الكليات ام 50اللي بتقول عليها ومش عجباك الضابط اتحبس في عز شبابة وبيشتغل في وقت حضرتك بتتمرغ في الجامعة وسط القطاقيط البيضا والسمرا وصاحي وقت سيادتك ما بتطرمخ في النوم ......اانا اسف علي كلامي الحاد بس ما يتردش عليك غير كدة وكفاية المهزلة دي وسلامي للمشرف
علشان يبقي ظابط ويدافع ويحرس امثال حضرتك
....استاذي الضابط بيتعرض لحاجات يشيب لها شعرك من مسؤلية عن جنود وماكلهم ومشربهم وسلامتهم ....الخ غير انة مهدد في جميع تحركاتة بالقتل والخطف اليومين دول ....وسايب بيت واسرة واولاد علشان يحمي ابوة وامة واختة واخوة وابنة ..اهلة اهل بلدة مصر....ددة اللي بنتعلمة في الكليات ام 50اللي بتقول عليها ومش عجباك الضابط اتحبس في عز شبابة وبيشتغل في وقت حضرتك بتتمرغ في الجامعة وسط القطاقيط البيضا والسمرا وصاحي وقت سيادتك ما بتطرمخ في النوم [/quote]
كلامك صحيح....بس بفلوس و برستيج يعنى بمقابل
كلامك صحيح....بس بفلوس و برستيج يعنى بمقابل[/quote]
م احمد تحيتي ليك ....ححضرتك بتقول مقابل وبرستيج .....ياريت حضرتك تسال علشان تعرف ....ححضرتك لولا ان اهل الضابط بيساعدوه علشان يتجوز ويفتح بيت يموت من الجوع هو وبيتة....وااسال عناي ضابط ..جرب وهتعرف حقيقة المقابل الفظيع دة
البلد اتباعت من زمان
يا خونا افهمو
كتر خيرهم انى هما استحملونا
افهمو بقى
ﻷموخذه يا إخوانا هوا مش قسم أحوال الشارع المصري إتقفل إيه اللي فتحه هنا تاني .
ما علينا
مع إحترامي للأستاذ صاحب الموضوع
و للأخوة اللي بتشتم و الأخوة اللي بتدافع
الأستاذ صاحب الموضوع تقبلها مني بصدر رحب حضرتك غلطان
كان المفروض حضرتك تقفل عليه و تلبسه في اللي قدامه
ولو نزل إتكلم كنت دوسته بعربيتك عادي جدا
دا أبو 50% مايتحقش يعيش
كونك سيبته يعيش دا فضل وكرم هوا ما يستحقهوش
(حسب طريقتك في الكلام اللي بتدل علي كره عميق و عدواة شديدة لاي شخص من أبو 50 % )
سيدي الفاضل أنا بقالي فتره مابعملش مشاركة بسبب عنصرية أعضاء المنتدي
و الطريقه اللي بعض الزملاء الأخوة بيعملوا فيها فريق الهجوم ﻷثارة موضوع غالبا بيبقي ضد الناس بتوع ال50 % علي حد كلامكم
سيدي الفاضل خلي بالك إنت راجل قديم في المنتدي
ودايما خليك فاكر حكاية رصيد الستر
ياخوانا الله يخليكم بلاش المواضيع إيها دي و خلونا منتدي عربيات و إخوات بنتبادل المعرفه و الخبرات و بس
مافيش داعي الله يكرمكم
حتي الان مش فاهم المغزي من الهجمة الشرسة علي افراد الجيش والشرطة والقضاء علي صفحات المنتدي
ومش فاهم بتخاطب مين بالبلد اتباعت وكتر خيرهم انهم استحملونا ......منطق شاذ واسف علي كلمة شاذ بس اقل ما يوصف بة كلام زي دة ....يااستاذ كل من بيتنفس علي تراب الوطن جندي ان كان في الجيش ولا الشرطة ولا القضاء ولا طبيب ولا مهندس ولا محاسب ولا حتي سيدة وام بتربي الولاد في البيت ....مين اللي استحمل مين وبلد مين ومش بلد مين ...مين في مصر ماعندوش قريب ضابط شرطة ولا جيش وةلا وكيل نيابة زلا دكتور ولا مهندس .....وحضرتك تقصد مين .....وهو الضباط بس اللي بيفيموا ولا نص شباب بلدك .....انا افهم اننا نطالب بتفعيل القانون علي الجميع وبلا استثناءات افهم ان نطالب بتغليظ عقوبة الاعدام علي كل من بيتعامل مع المخدرات والمغيبات اللي مضيعة شباب الوطن لكن مهاجمة فئة من شباب ونسيج الوطن بالشكل دة غير مسموح بة وبيوغر النفوس واظن ما بيخدمش الوطن -اللي البعض هنا بيسموه الوتن- قمة الشذوذ والانحراف النفسي والفكري وعدم الاهتمام او الاكتر اث بفداحة قول سفية زي دة ....تاني اية المطلوب ...هل المطلوب ان افراد وضباط الجيش والشرطة ووكلاء النيابة دونا عن باقي المجتمع يبتهلوا لكم انهم عايشين ودة لية علشان كسر علي سعادتك وانت مش في المود فزعلت ....طيب لما بيزنق عليك محاسب ولا دكتورولا توكتوك كويس .....منطق غريب والتعليق ومساندتة اغرب وغير منطقي
يااستاذ البلد كلها في فوضي والفوضي علي الكل مش الضابط ولا الوكيل لا كل الناس مسئولة وان كنا هنقعد ورا البورد ننتقد..اسهل حاجة دي لكن ابدا بنفسك في الاساس وبلاش عنجهية الانا وتسفية الاخرين
كلنا ابناء التراب دة ومالناش غيرة واللي مش مصدق ما يجرب يسافر ويشوف هيتعامل ازاي لبرة بلدة ويجرب يبلطج علي حد من البلد اللي سافر ليها ولا يجرب يكلم ضابط شرطة ولا جيش ويقولي هيتعمل فية اية ....في بلاد القوانين وحقوق الانسان ....ياريت نخلي المنتدي للسيارات والسيارات وبس وبلاش خوض في المواضيع السخيفة دي واللي مالهاش 30 لزمة وياريت اللي في نفسة حاجة تجاه ضابط ولا عسكري يفتكر برضة الدكتور اللي مابيعالجكش والمهندس اللي بيطربق البيت علي دماغك والحرامي اللي بيسرقك والتاجر اللي بيغشك ولا دول برضة البلد متباعة ليهم ....خلونا في العربيات بلاش وجع قلب وعلي رائ المثل لا تعايرني ولا اعايرك الهم طايلني وطايلك ....سلام
و رغم ان هو اللي كسر عليا ...... بس انا اللي يتقال كان مفروض اقفل عليه و البسه ، طبعا على اعتبار انه حقه يعمل كده ، زي ما هو مفكر بالظبط
الله ينور ما اروعك
زمان كانت الناس بتنكر على السلوكيات القذرة لامثال هؤلاء و غيرهم و تقول دي حالات فردية
دلوقت وصلنا لان عندنا عينة مش عاجبها ان واحد اتضايق من سلوك قذر من كائن قذر
لا الصراحة بقى انا عن نفسي هافضل اتضايق من السلوكيات القذرة ايا كان فاعلها
خصوصا بقى لما يكون مسئول عن منعها و بيعملها اصلا
و اللي مش عاجبه فيكم يروح يبوس الكاوتش ولا حتى يبوس الكوتشي ، ما يخصنيش
بقى هو يكسر عليا عافية و غصب و تقولوا لي اصله اجرم و ابقى بعد كده لبسه و اصلك بتكرهه يا شوية ... مش هاقول اللفظ احتراما للمنتدى بس
انما اللي هايدافع عن سلوك شائن فعلا هايلقى ما لا يرضيه ، اللي يرضى القرف ده على نفسه ما يجيش يعمل الشويتين دول علينا هنا
نفس السلوك ممكن يحصل من واحد من غير نسر ,ما هو محدش بيعرف يسوق وواخدنها عفيجه
كلمتين ابرك من مليون
كل واحد دخل و حاول يدافع عن ظباط الشرطة على اساس انهم فئه ملايكة ده غلطان
كله عارف و حتى ظباط الشرطة المحترمين عارفين ان نسبه الفساد عندهم كبيرة جدا ولازم يعترف بحاجه زى دى لان الفاسد بيسئ له
لكن الفاسد استحاله يعترف بفساد حتى عضو واحد فى المؤسسة لأنه اول واحد هيتشال منها
ذلتونا عشانهم و كأننا هنبوس الاقدام عشان يشتغلوا
لو بتحاولوا بكلمه يقف فى البرد دى تذلونا فلو فيه ظابط واحد واقف فى البرد فيه ادامه 100 عسكرى مبياخدش جنيه واحد مقابل حبه للبلد و فى الاخر هيرجع يبقى مواطن عشان ياخد على رقبته
لو على البرد فيه عمال أمن و فيه ناس شغاله على سقالات بتعمل محارة للعماير و الابراج و لو وقع هيموت و الاخر هتلاقيهم خريجين كليات
بص يا باشا انت و هوا الفرق بينا و بينكم
ان الشعب لو اخد من حضراتكم الم على وشه مش هيعرف يشتكيكم لمين
بس لو حد خبط فى كتفكم فى الشارع بتلحسوه تراب الشارع
احنا خريجين كليات لا تقل عنكم و استحاله تقل عنكم بس مالناش شغل محترم
من النهايه زى مانتم معرضين لخطر كله معرض للخطر
بس الشرطة لو ظابط مات هيطلعله فلوس و لأهله فلوس يعنى مش هيتبهدلوا من بعده
لو تعبتم هتتعالجوا احلى علاج
غيركم لو مات او تعب اقسم بالله اهله من كتر الجوع ممكن يموتوا
و على فكرة ده مش حقد ولا حاجه
بس تذكير
لان الشعب الى بيتشاف صغير اوى دة زى النمله من حضراتكم
هوا السبب فى كل حاجه حلوة انتوا فيها
فلو شايفين اننا منستاهلش منكم تقدير او على الاقل احترام
يبقى متستاهلوش قرش نظير شغلكم
و لو هتذلونا على شغلكم
اقلعوا البدله و اتنازلوا عن مرتباتكم و معاشكم
و بدل الظابط هييجى اتنين بنص المرتب و المعاش و العلاج
برافوا تصفيق حاد
فعلا حضرتك ماقريتش كلامي و خدت مشاركتي إقتباس ورد حضرتك متوقع إنه رد ناري
عموما عاوز أقولك كل لفظ قلته أكيد هاينطبق عليك
ﻷن كل إناء بما فيه بنضح
مشاعرك بالكره عمتك عن قرأءة الكلام و إستيعابه
مرة تانيه
برااااااااااافوا تصفيق حاد
و نصيحة
إقرا الكلام بهدوء الأول و بعد كدا إبقي رد
ولا أقولك ماعلينا
إنت شاطر برااااااااااافو تصفيق حاد لسيادتك
أعتذر لسيادتك عن مشتركتي
واصح تحيز حضرتك الفكري
شكرا لحضرتك
[/QUOTE]
م احمد تحيتي ليك ....ححضرتك بتقول مقابل وبرستيج .....ياريت حضرتك تسال علشان تعرف ....ححضرتك لولا ان اهل الضابط بيساعدوه علشان يتجوز ويفتح بيت يموت من الجوع هو وبيتة....وااسال عناي ضابط ..جرب وهتعرف حقيقة المقابل الفظيع دة[/QUOTE]
أستاذ Kaza
ملخص الموضوع في وجهة نظرى:
- أنا ضد موضوع ابو 50 % و الكلام الفاضى دا و اللى ادانى الدورة العسكرية في الكلية كان عقيد الرابع على الجمهورية في الثانوية
-سواء حضرتك او حد قريبك قناعته انه واحد من الشعب دا شىء ممتاز و هو دا المفروض بس و هو دا ابن الناس بس للاسف ياريت حضرتك تراجع تصريحات اصحب القوة و الحصانة و التى تمثل فكر عام ليس بالضئيل
مدير أمن : إحنا أسيادهم
الزند :لن يستطيع احد وقف الزحف المقدس ....ابن القاضى هيبقى قاضى ....و لا عايزين نجيب لكم قاضى ابن بواب !!!
يتبقى الفئة اليتيمة التى بلا قوة و لا حصانة و التى اذا ارادت الانضمام....فتحت شروط و كشف هيئة و هو ما يخالف العدل
مقبول ان اى شاب عادى يفيم عربيته و يكسر الاشارة و يعمل المخالفة فيتحاسب طبقا للقانون بس مش مقبول ان صاحب تطبيق القانون المخالفة تيجى منه
اكيد الدفاع عن تجاوزات و اعتداءات قطاع من افراد الشرطة ضباط او امناء .. او حتى غيرهم .. اكيد هيكون دفاع عن قضية خسرانة .. ما فيش حد هتلاقيه الا تعامل او سمع عن حادثة فيها عنف بالالفاظ او الافعال منهم .. او اساءة استخدام السلطة .. طبعا انا مش هقول عن الضغط العصبى في الشغل و ممكن يحول الانسان لايه .. و لا هتكلم عن شخص حياته مهددة هو و عيلته .. او انه بيتعامل مع شريحة من عتاة الاجرام .. مش هزود اي كلام من ده علشان يتفسرش بأنه تبرير .. بس انا ببساطة بسأل الاخ تامر .. لو كان الكائن القذر ابو خمسين و ستين اللي انت قابلته .. شاورلك باعتذار .. او ابتسامة ودودة .. كنت هتعمل موضوع برضه .. تتكلم فيه عن الضابط ابو ضحكة جنان .. و لا يمكن ساعتها مكانش هيطلع ضابط اصلا .. و ممكن كان يبقى دكتور اسنان ! .. يا ريت ماتستعجلش في الرد .
أحد المواقف اللى حصلت معايا مرة كنت ماشى بالعربية فى منطقة سكنى وماشى فى شارع إتجاه واحد ويادوب يمشى فيه عربية واحدة وخلاص خارج من اخر الشارع على شارع رئيسى لقيت واحد عايز يدخل الشارع عكسى ولا كمان انا استنى لما يعدى هوه الاول ... طبعا انا كعادتى بموت فى الرخامة على الصنف ده فطبعا مخليتهوش يدخل الشارع عكسى وطبعا وقفنا نتخانق ونزلنا لقيتو ظابط قوات مسلحة قريبى من بعيد وابويا اللى اتوسطلوا ودخلوا الفنية العسكرية ... فى النهاية هو اتكسف منى وسابنى ومشى من غير مايتكلم معايا ..
خلاصة الموضوع لو ازاز عربيتك شفاف متعملش راسك براس واحد عربيته ازازها فاميه أعتبر نفسك شفاف زى ازازك علشان دى بلد الفاميه
امبارح كنت ف اسكندرية .... عند محرم بك تحديدا ... سماعة البلوتوث فصلت شحن ... كنت بكلم المستشفي اللي شغال فيها ف القاهرة بقولهم علي ادوية يكتبوها لحالة في العناية المركزة...المهم امين شرطة شافني قاللي الرخص...شافها قاللي حتدفع مخالفة عشان التليفون ....مممم قلت ماشي مش مشكلة...نزلت للظابط مﻻزم اول اصغر مني ب 6 سنين لسة متخرج... قاللي انت دكتور...قلتله اه...قاللي طيب حسحب رخصتك !! ... ليه؟ قاللي لو انت ظابط مش حسحبها ﻻنك حتبقي زميلي وممكن تكون بتتكلم ف الموبايل عشان مؤمورية...قلتله طب انا بتكلم عن حالة العناية تموت؟ ايه الفكرة انك مش عايز تدفعني مخالفة وتسحب الرخص؟
يهديك...يرضيك... ده انا لسة مخلص جيش من شهرين ولو كنت معدي نفس التعدية دي ماحدش حيكلمني وﻻ عشان الواحد مابيحبش ياخد حاجة من حقه...
في هذه الاثناء مع العلم ان امبارح الخميس: عربيات من غير نمر وشباب وبنات وعااااادي جدا عدي ياباشا مع الف سﻻمة
يﻻ .... حسبي الله ونعم الوكيل...احساس انك تستسمح لواحد زي ده صعب اوي...والله لو ماكانش ورايا شغل في المستشفيات ماكنت كلمته وسيبتهاله