انا ازاي غلطت الغلطة دي ؟ انا اسف يا باشا !
النهارده ماشي على الاتوستراد
الطريق فتح قدامي , بازود بنزين عشان اطلع
مرة واحدة لقيت بوز عربية امجراند بيكبس عليا من الشمال عايز يدخل قدامي بالعافية
كرد فعل تلقائي حرقت و منعته
و لأن هو غشيم و كان داخل بغشم كان هايلبس في اللي قدامه و فرمل جامد
بعد ما الطريق فتح انا مشيت بسرعة ثابتة كعادتي
لقيت جاي جنبي بسرعة نفس العربية الامجراند و اكتشفت انها مفيمة غميييييييق
جه بنفس سرعتي يميني و قعد يبص لي باحتقار و ازدراء و تحدي و انا بابص له بدهشة ...
مش فاهم هو ازاي له عين يزعل :helloogreen:
فتح الطريق قدامي راح حارق عشان يكسر قدامي ...
قلت لنفسي شكله مجنون مش طالباها اعند معاه و سبته ...
بعد ما دخل قدامي شفت النسر المتين على النمرة اللي ورا اللي معمولة عمولة و اظن على الزجاج الخلفي المفيم كمان ....
و النسر مع الزجاج المفيم غميق بالكامل فهمت اللي فيها ....
انا ازاي اتعديت على حق الباشا في انه يكسر على واحد من الرعاع اصحاب الزجاج الشفاف امثالي ؟ :angelme:
ربنا يطلعنا منها على خير
تم غلق الموضوع لتحويله عن مساره
م.ع 8