الموضوع: محتاج مساعده ضرورى ,مش لاقي شورت بلوك للمكنه بتاعتي

دورت عليها فين وملقتهاش ؟

المشاركة الأصلية كتبت بواسطة amranwar

ازيكو يااحلي شباب يارب تكــونو بخير .
انا عندي مشكله فعلا تعبتني انا عربيتي afh ,1400 cc twiny cam , كوردوبا 2001
بقالها اكتر من شهرين مركونه عشان مش لاقلها شورت بلوك
روحت كذا مكان ولفيت كتير ومش لاقي .
لو حد يعرف مكان ممكن الاقي فيه الشورت بلوك داا ياريت يدلني او حتي
لو المكنه دي موجوده كلها ومش هتتباع غير كامله انا ممكن اشتريها
واخد منها الشورت واسيب الباقي عندي كا قطع غيار .

انا فكرت اغير المكنه كلها وخلاص اجيب مكنه 1400 سي سي كامه واحده وخلاص
لكن مقلق احسن لو عملت كدا ابقي مضطر اغير كل حاجه زي الضفيره والكونترول والكلام دا
وانا الصراحه مش عايز مكانيكي وكهربائي يلعبولي فى العربيه للدرجه دي

فكان عندي كذا استفســار .. لو فرضنا ان انا مش هلاقي المكنه دي وهغير المكنه وخلاص هل كدا هغير كل اللي جواه الكبوت يعني ضفيره وكنترول وفتس وباور والدينمو والكلام دا كلو هيتغير ولا ممكن اجيب مكنه تركب علي الحاجات دي اصلا بصراحه انا مفهمش اوي ف العربيات .

وهل ينفع اني اركب شورت بلوك بتاعه مكنه تانيه علي باقي اجزاء المكنه دي ولا لاء

وصور المكنه اهي

http://www.upimage.us/server/php/fil...213_135534.jpg

http://www.upimage.us/server/php/fil...213_135539.jpg

http://www.upimage.us/server/php/fil...213_135539.jpg

متبخلوش عليا بالنصائح
ومتشكر ليكو مقدمـــا ويارب يبقي الحل علي ايديكو

انا نصيحتي تغير المكنة .. ليه بقول كدا
ماتعرفش المكنة دي اتعمل فيها ايه اول مره صلحتها فيها
الحاجه التانية لو لقيت شورت بلوك هتلاقيه غالي و قريب من سعر ماكينة جديده

طيب نبتدي ازاي و نعمل ايه ... انا اقولك

حضرتك هتفك كنترول العربية و تحطه في شنطه كدا نضيفة و تنزل الحرفيين او الاماكن اللي بيبعوا فيها المواتير ( بورسعيد بقا ... الخ )
و انت بتدور على الموتور هتسال الراجل البياع .. عندك الموتور ده يا عم الحج (اللي هو موتورك) هيقولك أه تفاوض معاه و قوله على التركيب و الضمان ( خد بالك انك مابقتش بدور على شورت بلوك خلااااص)

طيب لفيت و مالقتش ؟؟؟؟؟ يبقا هندور بقا على موتور 1400 دفيرته تركب على كنترول عربيتك اللي معاك في الشنطه حلو يا عم الحج لحد كدا ؟؟

انا بقول انك هتجيب موتور بدون كنترول علشان تبقا ضمنت انك مش هتغير (دفيرة دواخل) و تبقا دفيرة متورك تركب على الموتور الجديد بدون بقا ما نخلع دفيرة في عضم العربية ولا الهري ده كله - انما لو الموتور جه بالكنترول نفس السوكيت و الرقم بتاعة قريب من كنترولك يبقا خير و بركه بردوا مافيش اي مشكلة
احنا في الحالتين هنبرمج كل حاجه برمجه مصنع للموتور الجديد بالكود بتاعة و برمجته هتنزل على كنترولك او كنتروله مافيش مشكله و كله هيبقا تمام باذن الله
يعني لو جبت متور جولف مثلا 2002 و ركبت عندك واحنا بنبرمج هنقول للبرنامج الموتور ده هيتبرمج جولف 2002 اللي كودها كذا .... الخ

الموضوع ببساطه كدا زي ما بحكيلك ....

انما لقيت شورت بلوك نضيف و مش عامل عتب واضح .. الله يباركلك الله يخليهملك ماتخليش خراط يفتيلك و يقولك نمسح مخرطه للبلوك .. ماشاء الله خراطين مصر (اسم على مسمى .. خراطين)
ده يادوب يادوب بنشيل العتب بس حته مش بنشيله كله بنخلي نص ملي علشان نضمن ان الشميز مايتعورش

اساسا مخارط المواتير بتشتغل كمبيوتر مش بالرجل زي مكن الخياطه اللي بيشتغلوا بيه الخراطين في بلدنا .. و معموله مخصوص للمواتير و اشكالها بتبقا مختلفه جزئيا عن اللي بنشوفها .. المخارط في مصر دي اسمها (كل شى ان كان)

اسف على الاطالة .. انما انا باكد عليك تشتري من باب انك تكون ضامن باذن الله حاجه نضيفة شغل تقفيل اوربي .. حاجه تنساها سنين

تحياتي