حطيت بنزين 95 فى لانسر مصرى؟!!!!

**mohamedway** · 05-11-2008 01:35 PM

سمعت كتير فى الفتره الأخيره ان البنزين ال95 بيخلى العربيه حاجه تانيه خالص و قويه جدا و فوق كل ده استهلاكه قليل قوى و بيقعد كتير و سمعت التجربه من كذا شخص قام بالتجربه على عربيات غير الانسر أصلا و انا أعرف ان الانسر الخليجى لما بيتحطلها 95 بيفرق معاها جامد.......
المهم انا عربيتى 1600 مواصفات مصرى و يكفيها بنزين 90 لأنها مصممه عليه و دايما كنت باحط 92 و لما حطيت 95 كنت متوقع ألاقى فرق و لو بسيط عشان عربيتى مش خليجى و لكن اللى حصل ان الأداء متغيرش خالص و لا بنسبه صغيره حتى و اللى زاد عليه ان اشتهلاك العربيه زاد جدا و البنزين بيخلص بسرعه رهيبه...........المهم قولت اللى خلانى حطيت 95 للتجربه و انا أصلا باحط 92 طيب ما أجرب ال90 و فعلا جربته وإذا بالمفاجأه ان أداء العربيه اتحسن قليلا و استهلاك البنزين اتحسن كثيرا وده طبعا مش فى كل العربيات لأن ليا واحد صاحبى معاه يارس و لما جرب ال90 حس ان العربيه بقت خشنه جدا و رجع لل92 تانى .......اللى عاوز أقوله ان العربيه لو مصممه على ال90 فال90 هيكون احسن حاجه ليها و احسن كمان من ال92 بس مربط الفرس هى العربيه مصممه على ايه و كبس المتور بتاعها عالى و لا قليل (نسبه انضغاط الخليجى 10 و المصرى 9.5 )

**salem** · 05-11-2008 07:36 PM

mesh yemken yekon fe feshit octane tozbot beeha el 3rbya feeha banzen eh?!

**mohamedway** · 06-11-2008 03:31 PM

المشاركة الأصلية كتبت بواسطة salem

mesh yemken yekon fe feshit octane tozbot beeha el 3rbya feeha banzen eh?!

ياريت لو حد عنده معلومه عن حاجه زى كده فى الانسر يقولنا (انا أعرف ان فيشه الأوكتان ده موجوده فى الانوس).

**salem** · 06-11-2008 05:59 PM

mana 3andy nafs el fkra de mel lanos bardo
ma3rafsh eh el nezam fel hagat el tnya

**MoDyBeNz2008** · 06-11-2008 10:39 PM

تلاقي البنزين كان مغشوش جرب تحط من عند امارات مصر و شوف كدة

**limo** · 07-11-2008 12:10 AM

هيه فعلا بتفرق من عربيه لعربيه
يعنى انا مثلا لما بحط فى الكليو 92 صوت المتور هوه هوه والاداء هوه هوه واستهلاك البنزين اعلى من ال90
بعكس الانوس لما كنت بحط ليها 92 كانت العربيه بتفوق تماما والاداءها بتحسن وصوت المتور بيوطى وبتعمل كم اكتر من 90

اما الانسر انا معايا الخليجى ومكتوب على التانك توصيه باستخدام ال95 وفى الكتالوج كاتبين انه فى حاله عدم وجود البنزين ال95 يمكن استخدام بنزين 91 وولكن سيلاخظ ان اداء المحرك سينخفض قليلا

انا بستخدم ال92 وماشى كويس جدا ونفسى اجرب ال95 بس خايف علشان فى ناس قالولى لو هحط 95 اثبت عليه لانى لو حطيت 95 ورجعت لل92 العربيه هتسقف مش هتكون مضبوطه (انت ايه رايك فى الكلام ده ؟)

صحيح انت عربيتك 1600 مانوال استهلاكها فى الببنزين اد ايه اليومين دول ؟

**mohamedway** · 09-11-2008 10:01 AM

المشاركة الأصلية كتبت بواسطة limo

هيه فعلا بتفرق من عربيه لعربيه
يعنى انا مثلا لما بحط فى الكليو 92 صوت المتور هوه هوه والاداء هوه هوه واستهلاك البنزين اعلى من ال90
بعكس الانوس لما كنت بحط ليها 92 كانت العربيه بتفوق تماما والاداءها بتحسن وصوت المتور بيوطى وبتعمل كم اكتر من 90

اما الانسر انا معايا الخليجى ومكتوب على التانك توصيه باستخدام ال95 وفى الكتالوج كاتبين انه فى حاله عدم وجود البنزين ال95 يمكن استخدام بنزين 91 وولكن سيلاخظ ان اداء المحرك سينخفض قليلا

انا بستخدم ال92 وماشى كويس جدا ونفسى اجرب ال95 بس خايف علشان فى ناس قالولى لو هحط 95 اثبت عليه لانى لو حطيت 95 ورجعت لل92 العربيه هتسقف مش هتكون مضبوطه (انت ايه رايك فى الكلام ده ؟)

صحيح انت عربيتك 1600 مانوال استهلاكها فى الببنزين اد ايه اليومين دول ؟

عربيتى بتعمل 200 كم فى الصفيحه جوه البلد تزيد أو تنقص حسب قرصى على العربيه لأنى بصراحه سواقتى كلها قرص ولما ما بقرصش عليها ممكن تعمل 230 كم /الصفيحه بس كل ده مع البنزين 90 و مع انواع البنزين الأعلى الاستهلاك بيزيد عن كده و ما بتفرقش فى حاجه بالنسبه لنعوميه الموتور و السحب. أما فى السفر على سرعه 100 كم /س بتعمل 300كم /الصفيحه أو من 260-270 كم /الصفيحه لو قارص على سرعات عاليه زى 160 و 180 و كده.

**mohamedway** · 09-11-2008 10:03 AM

المشاركة الأصلية كتبت بواسطة MoDyBeNz2008

تلاقي البنزين كان مغشوش جرب تحط من عند امارات مصر و شوف كدة

كنت حاطه من الامارات مصر اللى على الدائرى!!!!!!!!!!!!!!

**NFS** · 16-12-2008 01:03 AM

انا بحط 95 و العربيه خليجى بيفرق معيا طبعا فى كل حاجه صوت المتور بيوطى والسحب بيبقى حاجه تانيه و علشان انا مانيوال بحسها اكتر ان ال95 مش سهل خالص ان العربيه تكركر منك او تسقف و بتطلع طلعه الدبرياج وانت مستريح خالص, بس ده مش معناه ان 92 مش بيمشيها ياعنى.

**NFS** · 16-12-2008 01:13 AM

المشاركة الأصلية كتبت بواسطة limo

انا بستخدم ال92 وماشى كويس جدا ونفسى اجرب ال95 بس خايف علشان فى ناس قالولى لو هحط 95 اثبت عليه لانى لو حطيت 95 ورجعت لل92 العربيه هتسقف مش هتكون مضبوطه (انت ايه رايك فى الكلام ده ؟)

انا بحط 95 من امارات مصر و توتال بس مش ديما بلاقىه فى كل حته و بحط 92 العربيه بتمشى عادى بس بيكون فى فرق, مش عارف علشان انا متعود على ال 95 ولا ايه.

الموضوع: حطيت بنزين 95 فى لانسر مصرى؟!!!!

LinkBack

أدوات الموضوع

عرض

-

-

-

المواضيع المتشابهه

حطيت بنزين 80 للاسف

حطيت بنزين ٩٥ بالصدفة حقيقي الدنيا اختلفت

ماتأثير نوع البنزين على كفاءة محرك السيراتو ياجماعة حطيت بنزين في السيارة وتغير سحبها

النهاردة حطيت بنزين 47.5 لتر

ايه الى يحصل لو حطيت بنزين 80 فى الافيو

الكلمات الدلالية لهذا الموضوع

المفضلات

المفضلات

ضوابط المشاركة