هل متسوبيشي أتراج أفضل أم رينو لوجان؟ ولماذا؟

**elfer3onpiro** · 29-01-2015 01:50 AM

هل متسوبيشي أتراج أفضل أم رينو لوجان؟ ولماذا؟

**Ahmed emad has** · 29-01-2015 01:55 AM

مش محتاجة سؤال هتجيب الاتراج ام 3 سلندر تعمل بيها ايه !!

**J A G U A R** · 29-01-2015 01:57 AM

خليك فى المضمون وشوف اللوجان

**maio_do** · 29-01-2015 05:49 AM

انا من راى بلاش اتراج طبعا 1200 واستاذ الفاضل قال 3 سلندر ادخل على الرينو وشوف لو فيها مشاكل ولو كده توكل على الله

**mestca** · 29-01-2015 11:38 AM

كل ما اشوف تعليقات ال 3 سليندر على الاتراج اضحك و اعرف . ان الفتى لا دين لة
يا جدعان انا مالك للاتراج من 6 شهور و الله العربية دى احسن عربية نزلت فى فئتها السنة دى بس لسة بدرى عليكم لما تعرفو التكنولوجيا الحديثة دى . الاتراج عبارة عن موتور 3 سليندر 1200 cc بيطلع 78 حصان . دول بقى بتستفيد بيهم العربية كلها لية بقى لان التكيف على موتور كهرباء و الباور كهربا يعنى مفيش حمل على الموتور اساسا غير وزن العربية ال 900 ك . و الركاب . يعنى لما شركة دودج و شركة كرايسلر يتفقو مع ميتسوبيشى اليابان على انتاج الاتراج تحت علامة دودج و علامة كرايسلر فى امريكا الجنوبية بنفس المواصفات دى يبقى احنا فى سكة و العالم فى سكة . ثانيا بقى و دة المهم موتور الاتراج حاصل على جائزة فى اليابان و هو موتور مايفك 12 صباب على 2 كامة و لعلمك بقى بتكنولوجيا جديدة . يعنى كل بستم بيتحرك حركة لوحدة زى السلم بالظبط يعنى تلاقى بستم قافل فوق و بستم فى الوسط و بستم تحت . و دة بقى اللى مخلى الموتور قوى . الفتيس ال cvt بقى دة كلمة السر فى الاتراج و دة زكى جدا و نصف العربية فى حد ذاتة الاتراج توفير فى البنزين بتعمل معايا وسط البلد فى حدود 320 ك فى الصفيحة و بتعد 390 ك فى السفر . يبقى لية ما نفتيش و نقول 3 سليندر . ال البيجو ال 301 ليها موتور 3 سليندر . الاودى A1 نازلة موتور 3 سليندر و المينى كوبر و البولو الجديدة نازلة بموتور 3 سليندر و موتور 4 سليندر والرينو كليو نازلة 3 سليندر و الفورد فيستا نازلة 3 سليندر و موتورها وصف بانة انقلاب فى التكنولوجيا الجديدة و مستقبل صناعة المواتير . و لما تلاقى ان المقالات العالمية بتقول لماذا سنة 2014 سنة 3 سليندر و التوقعات بتحول جميع الشركات لل 3 سليندر . يبقى احنا فى وادى و العالم فى وادى تانى . فكرنا فى اختيار العربيات بنبص على الهيافة زى بصمة لا مريات ضم لا بلوتوس و اساسيات العربية مش بنبص عليها . العربيات زمان كانت 6 سليندر واليابانى نزلها 4 سليندر و بقى كل العالم 4 سليندر و دلوقتى الاتجاه الحديث للتوفير و تصغير الحجم مع البقاء على معاير القوة .

**mestca** · 29-01-2015 11:41 AM

دودج اتراج

**mestca** · 29-01-2015 11:42 AM

كرايسلر اتراج
نفس المواصفات و بردو 3 سليندر

**amr011111** · 29-01-2015 12:10 PM

انا رايى اللوجان
ولو هتجيب اتراج اعمل ليها تيست درايف الاول لانى قريت موضوع هنا ان حد اشتراها وقال ان سحبها مع التكييف بيقل جداً وصوت الموتور بيعلى فاحسن حاجه انك تعمل لها تيست درايف بنفسك
وبالتوفيق

**Ahmed emad has** · 30-01-2015 02:07 PM

الاستاذ الفاضل اللي بيقول ان انا بفتي . و اساسا هو مش واخد باله انه بيقول الكلام وعكسه . موتور بيطلع 78 حصان !! موتور ساوايست الصينية موتور متسيوبيشي بيطلع 120 و فتيس cvt برضوا موتور byd l3 بيطلع 108 و برضوا فتيس cvt . و اهم عيوب الاتراج ان وزنها 900 ده يدل علي ثباتها الضعيف و مكونتها و صاجها كمان مقارنة بان l3 وزنها 1205 و الv3 نفس الكلام .فكرة المواتير vvt اللي انتا بتتكلم عليها موجوده في l3 و في معظم العربيات اساسا . و byd l3 , soueast v3 في نفس سعر الاتراج واحسن منها كتيير