هل متسوبيشي أتراج أفضل أم رينو لوجان؟ ولماذا؟

**S O P H O S** · 31-01-2015 02:47 PM

بعيدا عن القوة والضعف
ارشح اللوجان

**Mohamed bakr** · 27-02-2015 09:53 AM

المشاركة الأصلية كتبت بواسطة Ahmed emad has

الاستاذ الفاضل اللي بيقول ان انا بفتي . و اساسا هو مش واخد باله انه بيقول الكلام وعكسه . موتور بيطلع 78 حصان !! موتور ساوايست الصينية موتور متسيوبيشي بيطلع 120 و فتيس cvt برضوا موتور byd l3 بيطلع 108 و برضوا فتيس cvt . و اهم عيوب الاتراج ان وزنها 900 ده يدل علي ثباتها الضعيف و مكونتها و صاجها كمان مقارنة بان l3 وزنها 1205 و الv3 نفس الكلام .فكرة المواتير vvt اللي انتا بتتكلم عليها موجوده في l3 و في معظم العربيات اساسا . و byd l3 , soueast v3 في نفس سعر الاتراج واحسن منها كتيير

انا معايا اتراج من 8 شهور و متفق مع الاستاز البيقول ان حضرتك بتفتى لان byd l3 الفتيس DCT 6 سرعات ملوش علاقة ب CVT ثانيا ال120 حصان و ال108 دول عربيات 1600CC يعنى فى فئة تانية خالص بالنسبة للبنزين و بعدين دى عربيات تقيلة جدا بالنسبة للاتراج و مش هتحس بفرق سرعة او قوة زى مامتخيل
بالنسبة للعربية اللوجان الحقيرة ماتورها 1600 بيشرب بنزين وبتكنولوجيا متخلفة و بيطلع 83 حصان و اتراج 78 حصان اظن هيكون الفرق لمصلحة الاتراج
اخر حاجة اعتقد ان اللوجان مفيش منها اوتو و دا دليل على تخلف الوكيل و بعدين مين لسة بيشترى مانوال ؟؟
و هل فى مقارنة بين العربيات اليابانى و العربيات الفرنساوى هنا فى مصر ؟ العربيات الفرنساوى حلوة جدا بس بظروف الوكلاء و الميكانيكية و قطع الغيار و سعر اعادة البيع لو اتباعت اظن الفرق كبير لصالح الاتراج
و بالنسبة لوزن العربية مش ملوش اى تاثير على تماسكها و ثباتها و الكلام دا كان فى القرون الوسطى

**svneleven** · 12-05-2015 06:18 AM

تكييف و باور علي موتور كهربا يعني مش بيحمل علي موتور العربية؟ امال بيجيب الكهربا بتاعته منين؟ انا مش عارف مين اللي بيفتي.

**mohbasyouni** · 12-05-2015 07:53 AM

رينو لوجان

**Abo_Mazen** · 12-05-2015 09:29 AM

المشاركة الأصلية كتبت بواسطة ahmed emad has

الاستاذ الفاضل اللي بيقول ان انا بفتي . و اساسا هو مش واخد باله انه بيقول الكلام وعكسه . موتور بيطلع 78 حصان !! موتور ساوايست الصينية موتور متسيوبيشي بيطلع 120 و فتيس cvt برضوا موتور byd l3 بيطلع 108 و برضوا فتيس cvt . و اهم عيوب الاتراج ان وزنها 900 ده يدل علي ثباتها الضعيف و مكونتها و صاجها كمان مقارنة بان l3 وزنها 1205 و الv3 نفس الكلام .فكرة المواتير vvt اللي انتا بتتكلم عليها موجوده في l3 و في معظم العربيات اساسا . و byd l3 , soueast v3 في نفس سعر الاتراج واحسن منها كتيير

يا ه ه ه ه ه ه...هي لسه فكرة إن العربية التقيلة في الوزن ثابته عن العربية الخفيفة في الوزن ما زالت موجوده ...متهيألي الكلام ده معادش موجود دلوقتي بعد ما تم تطوير علوم الإيروديناميك وقدروا يستفيدوا منها كويس جدا

**salahudin solt** · 13-05-2015 09:24 PM

الثبات ليس له علاقة بوزن العربية
الثبات عغشة وجنوط وارتفاع عن الرض
علي كدة العربيات النقل اثبت
المهم
اتراج او رينو حسب احتياجاتك العربية
بس لو غاوي كماليات او بتحب تجري او هادي كدة

**salahudin solt** · 13-05-2015 09:26 PM

الفكرة في تحميل التكييف علي الموتور انة بياخد ضغط للكمبروسور من الموتور
لكن لما يبقي كهربا بيسحب كهربا من البطارية والدينامو

**Ahmed emad has** · 14-05-2015 02:17 AM

المشاركة الأصلية كتبت بواسطة m_m_sh_a

يا ه ه ه ه ه ه...هي لسه فكرة إن العربية التقيلة في الوزن ثابته عن العربية الخفيفة في الوزن ما زالت موجوده ...متهيألي الكلام ده معادش موجود دلوقتي بعد ما تم تطوير علوم الإيروديناميك وقدروا يستفيدوا منها كويس جدا

معدش موجود !! انا مش فاهم حضرتك الصراحة هل تقصد ان الفكرة كانت زمان صح ودلوفتي بقت غلط ولا هيل زمان كانت غلط والناس فكراها صح ؟!؟!

طالما فتحت كلام يبقي نجيب الموضوع من الاول .. .......

اربع حاجات اساسية بتأثر علي الثبات :
1- الوووووزن : و المقصود بيه حاجتين تناسب الوزن مع ابعاد السيارة وتوزيع الوزن علي السيارة .

2- مركز الثقل وده حوار طويل .

3-نظام التعليق خاصة الخلفي وده برضوا حوار طويل .

4- تصميم السيارة الخارجي : والمقصود استخدام الهواء في زيادة ثبات السيارة بدلا من تقليل الثبات

في حاجات تانية بتساهم في الثبات :
1- العفشة واستقبالها للجنوط والجنوط نفسها .
2- الاضافات زي الاسبويلر والبلوك اير و حاجات كتير .
3- الارتفاع عن الارض .

احب اضيف حاجة مهمة جدا وهي التصميم العام للسيارة وتناغم توزيع الوزن مع مركز الثقل و نظام التعليق وارتفاع السيارة عن الارض واكتر حاجة ممكن تضيف ثبات للعربية المساعدين علي ما اعتقد بيسموها مساعدين الكترونية ودي انتا بتتحكم فيها عن طريق عصاية سوده عند الفتيس و دي اللي بتستخدم في الdridt دايما و نظام الثبات الالكتروني esp وده بيقيس ويتحكم في سرعة السيارة وسرهة كل عجلة علي حدي و اتجاه السيارة و واتجاه كل عجلة علي حدي وعدد لفات الموتور علشان يحقق اللي انتا بتطلوبة من تارة القيادة وده نظام معقد جدا . اما الوزن فزمان كان هيا دي الحاجة الوحيدة اللي بيستخدموها لتحقيق الثبات اما دلوقتي الموضوع معقد جدا جدا ومش اي حد يستطيع تصميم سيارة ووضع معادلات لثبات السيارة واتمني حد من الخبراء ياكد او ينفي وجه نظري ...،،