الموضوع: فين احسن مكان تشتري منه عفش محترم

المشاركة الأصلية كتبت بواسطة أبو آسر

وعليكم السلام
ألف مبروك مقدما
مفيش غير دمياط :)
فيها الحلو والوحش الغالي والرخيص الجيد والرديء
هتنزل انت والجماعة تستنضف معرض محترم هتلاقي كل حاجة والأسعار أرخص من هنا بكتير لأن أغلب المحلات اللي هنا أصلا بتجيب من دمياط لكن لازم تكسب طبعا فانت روح للمصدر علطول بس خلي بالك لازم تفاصل وتفاصل جامد كمان علشان بيزودوا هناك أوي وبيعملوا حساب انك هتفاصل فلو قالك الحاجة ب١٠ آلاف قوله هاخدها ب٦ أو ٧ وياريت تاخد نجار من طرفك يكون شاطر ومعرفة ومضمون بس خده من هنا مش من دمياط وتجنب تتعامل مع السماسرة هناك علشان بيعملوا مصالح مع أصحاب المعارض ومن مصلحتهم انك تشتري غالي علشان نسبتهم تزيد
بعد ما تشتري وكله تمام هتتفق مع عربية هتاخد في حدود ١٠٠٠ جنيه وتسبقه على البيت تجهز العمال اللي هيرفعوا العفش وخلص الحوار

والله ياباشا لسا بفكر ف موضوع دمياط دة...بس انت ادتني فكرة كويسه ماشاء الله...شكرا جزيلا وعقبال عندك

المشاركة الأصلية كتبت بواسطة amr011111

مفكو حلوان اسعاره غاليه

فممكن تشوف فى معارض الهرم وفيصل. فيه معرض فيه عفش كويس فى شارع العروبه فى الهرم اسمه تقريبا النجار وطبعاً هتفاصل معاه خاصة لو هتاخد كذا اوضه.
وفيه فى شارع فيصل كذا محل بيبع موبيليا واسعاره كويسه بس فى محلين فى فيصل ( اعتقد فى محطة المطبعه ) بلاش منهم لاحسن اسعارهم اخر استهبال

فيه برضه فى طنان ممكن تجيب منها سفره او نوم فقط انما اوض الاطفال فيها اى كلام
اسمع ان فيه معارض تبع الجيش

وألف مبروك

طنان سمعت عنه...واعرف ان في ف الهرم برضه ناس كويسه..ممكن تقولي طنان مكانة فين بالظبط

المشاركة الأصلية كتبت بواسطة طارق _عبد السلام

دميــــــــــــــــــــــ ــــــاط.........

لو على الارهاق حضرتك هتروح دمياط سفر تقريبا 3 او اربع ساعات

واقل مشوار فى القاهره هيعدى الوقت ده واسعار مبالغ فيها
لكن فى دمياط فرصه الاختيار والمقارنه كبيره جدا جدا جدا
وهتخلص طلبك ومن هناك هيوصلك حاجتك لحد بيتك وهتتفق على التوصيل والسعر
لكن كفرصه اختيار ومفاضله وسعر متاحه بشكل كبير
وبعدين ارهاق ايه يافندم دا انت داخل على جواز وكل حاجه عايزه ارهاق وتفكير ومجهود ذهنى وبدنى كبير
ربنا معاك وييسر لك امورك ويرزقك بالسعاده والاستقرار والذريه الصالحه

هههههه تصدق احبطني ..مجهود ذهني وبدني وكبير كمان هههه
ياباشا انا بحااااول من الاول ابعد عن المتاعب .....لازم تحبطني ههههههه...شكرا لاهتمامك وربنا ييسرلي وييسر للناس