عرض للطباعة
السلام عليكم....
بما اني داخل علي مشروع زواج قريب ان شاء الله..وعقبالكم جميعا....قلت اعدي اشوف اسعار الصالونات والانتريهات...رحت مفكو حلوان ف عباس العقاد...لايت اسعار رهيبه...
اوضة نوم ب 25 و 30 الف....وبصراحة متستاهلش برضه...العفش عنده غالي جدا....وحسيت ان العمليه فيها نصب شوية
فين افضل مكان اشتري منة صالون وسفرة واوضة نوم وخلافة....حد عنده تجربه...مش عايز انزل دمياط..لان طبعا الموضوع مرهق...في محلات اكيد اسعارها افضل...
شكرا مقدما
وعليكم السلام
ألف مبروك مقدما
مفيش غير دمياط :)
فيها الحلو والوحش الغالي والرخيص الجيد والرديء
هتنزل انت والجماعة تستنضف معرض محترم هتلاقي كل حاجة والأسعار أرخص من هنا بكتير لأن أغلب المحلات اللي هنا أصلا بتجيب من دمياط لكن لازم تكسب طبعا فانت روح للمصدر علطول بس خلي بالك لازم تفاصل وتفاصل جامد كمان علشان بيزودوا هناك أوي وبيعملوا حساب انك هتفاصل فلو قالك الحاجة ب١٠ آلاف قوله هاخدها ب٦ أو ٧ وياريت تاخد نجار من طرفك يكون شاطر ومعرفة ومضمون بس خده من هنا مش من دمياط وتجنب تتعامل مع السماسرة هناك علشان بيعملوا مصالح مع أصحاب المعارض ومن مصلحتهم انك تشتري غالي علشان نسبتهم تزيد
بعد ما تشتري وكله تمام هتتفق مع عربية هتاخد في حدود ١٠٠٠ جنيه وتسبقه على البيت تجهز العمال اللي هيرفعوا العفش وخلص الحوار
مفكو حلوان اسعاره غاليه
فممكن تشوف فى معارض الهرم وفيصل. فيه معرض فيه عفش كويس فى شارع العروبه فى الهرم اسمه تقريبا النجار وطبعاً هتفاصل معاه خاصة لو هتاخد كذا اوضه.
وفيه فى شارع فيصل كذا محل بيبع موبيليا واسعاره كويسه بس فى محلين فى فيصل ( اعتقد فى محطة المطبعه ) بلاش منهم لاحسن اسعارهم اخر استهبال
فيه برضه فى طنان ممكن تجيب منها سفره او نوم فقط انما اوض الاطفال فيها اى كلام
اسمع ان فيه معارض تبع الجيش
وألف مبروك
دميــــــــــــــــــــــ ــــــاط.........
لو على الارهاق حضرتك هتروح دمياط سفر تقريبا 3 او اربع ساعات
واقل مشوار فى القاهره هيعدى الوقت ده واسعار مبالغ فيها
لكن فى دمياط فرصه الاختيار والمقارنه كبيره جدا جدا جدا
وهتخلص طلبك ومن هناك هيوصلك حاجتك لحد بيتك وهتتفق على التوصيل والسعر
لكن كفرصه اختيار ومفاضله وسعر متاحه بشكل كبير
وبعدين ارهاق ايه يافندم دا انت داخل على جواز وكل حاجه عايزه ارهاق وتفكير ومجهود ذهنى وبدنى كبير
ربنا معاك وييسر لك امورك ويرزقك بالسعاده والاستقرار والذريه الصالحه
لو حضرتك محتاج مساعده فی دمياط
ممكن تكلمنی
01006898520
اذا ذكرت دمياطاقتباس:
المشاركة الأصلية كتبت بواسطة عصام غنايم
ذكر عصام غنايم
منور يا برنس
اخي الفاضل
قبل ماتسافر شوف انت عايز ايه
مودرن ولا كلاسيك ؟
الناس كانت بتسافر عشان الكلاسيك
وعلى فكره بقت كللها محصله بعض وخسارة السفر
لو حابب انا ممكن اساعدك باللي اعرفه
بس انا مش تاجر ولا وسيط ولا ليا مصلحه
لو اللي انت شفتهم انتريهات تركي مودرن واسعارها عاليه ممكن اساعدك برضه لو ربنا اراد
خد لفه في المحلات الموجوده ومولات المفروشات الاول وبعدين اقوللك لو حابب تعرف اي معلومه
والله ياباشا لسا بفكر ف موضوع دمياط دة...بس انت ادتني فكرة كويسه ماشاء الله...شكرا جزيلا وعقبال عندكاقتباس:
المشاركة الأصلية كتبت بواسطة أبو آسر
طنان سمعت عنه...واعرف ان في ف الهرم برضه ناس كويسه..ممكن تقولي طنان مكانة فين بالظبطاقتباس:
المشاركة الأصلية كتبت بواسطة amr011111
هههههه تصدق احبطني ..مجهود ذهني وبدني وكبير كمان ههههاقتباس:
المشاركة الأصلية كتبت بواسطة طارق _عبد السلام
ياباشا انا بحااااول من الاول ابعد عن المتاعب .....لازم تحبطني ههههههه...شكرا لاهتمامك وربنا ييسرلي وييسر للناس
بالظبط دمياط يا باشا
وكل الخيارات هناك متاحة وهتعرف تنزل بشكل كبير
ومبروك مقدما
الله يخليك ياباشا...طبعا....حضرتك سندي الوحيد فى الغربيه بس استحملنا بقي :))اقتباس:
المشاركة الأصلية كتبت بواسطة عصام غنايم
شنووووووري باشا....عقبلك ان شاء اللهاقتباس:
المشاركة الأصلية كتبت بواسطة shnory
والله انا هاخد لفه هنا برضه فى القاهره....لو ملقتش هروح دمياط....انا كنت بستفسر عن محل متجرب او حد اتعامل معاه قبل كده....بحيث اني اروح اخلص على طول ...ملفش كتيراقتباس:
المشاركة الأصلية كتبت بواسطة abdulkhaleq
ان شاء الله ..ربنا يسهلاقتباس:
المشاركة الأصلية كتبت بواسطة s o p h o s
انزل مول الاثاث بتاع القوات المسلحة اللى عند سور الكليه الحربيه فطريق المطار ومش هتندم اطلاقا وهتدعيلى :)
لأ انت لازم تلف شويه معلش لكذا سبب
السوق فيه تركي وصيني
والحاجه اللي هتجيبها من محل في مدينة نصر
غير اللي هتجيبها من محل في الحلميه (كسعر يعني)
عايز رائى انتت تشوف شكل اوضة النوم على النت وتروح لنجار بيفهم هيعملك اوضة نوم عمولة هتخشلها من 10 الاف الى 15 الاف
العمولة ثم العمولة ثم العمولة
اعمل عند نجار موثوق فيه عفشك هيعيش عشرين سنة ويزيد
وكده كده هتدفع فلوس فلو دفعت 20% زيادة انت الكسبان عن تجربة
بس المهم انك تدور على نجار امين وشاطر ومش حرامى
انا لسه على بالى النجارين اللى عملولى عفشى من 15 سنة وباذكرهم بكل خير مع انى ماشفتهومش من ساعتها
ولو محتاج ادلك عليهم ممكن هما واحد فى الهرم وواحد فى ارض اللواء من ش السودان
+1اقتباس:
المشاركة الأصلية كتبت بواسطة esam_refaat
حضرتك قولت اللي عايز اقوله بالضبط حتى المدة الزمنية (15 سنة)
الفرش بالكامل على مزاجك ممكن تعدل فى الصور اللي حتختارها
حتشوف الخشب قبل الدهانات و الكسوة+ختختار درجة الالوان+حتختار الوان وخامات و ممكن تنسق ما بين الوان المكان و الستائر.................و الاختيارات احسن بكتيييييييييييييييييير
15 سنة 3 اطفال بنهد فى الفرش و خبط و رزع و ما شاء الله جديد
و كل الابواب و المطبخ و الشبابيك و المكتبات و الديكورات كل الخشب اللي في البيت عمولة و ميه واحدة
الحمد لله البيت كله ستايل واحد
تحياتي ومبروك مقدما
بص كنج المحلات فى دمياط و بقاله فرعين هنا فى مصر محل البدرى و ليه فرعين فى مدينة نصر و المهندسين على حسب مين اقربلك
بص انا كنت زيك محتار نفس حيرتك وفي الاخر بعمل الحاجة عمولة عند نجار معرفة جبتله الصور من علي النت وهو بيعملهالي واحسن حاجة كمان انك بتفصل اوضة النوم علي الاوضة عندك يعني هتطلع مظبوطة معاك ونفس النظام طبعا في باقي العفش فنصيحة لوجه الله شوف نجار كويس وأمين يعملك العفش عمولة هتوفر فلوس وهتاخد خشب واستايل نضيف يقعد معاك سنين
افضل مكان عن تجربة جهاز الخدمات للقوات المسلحة اللى فى العباسية او اللى عند سور الكلية الحربية احسن مكان فى مصر ومفهوش نصب وفاصل كويس
حضرتك لو نزلت دمياط اسال على حسان راجل برنس وعدو مصنع ومبيشتغلش فى الصينى
عندو اثاث وموديلات محترمة
روح دمياط :)
صدقنى ده احسن شئ. ممكن تلف على كام معرض هنا فى القاهرة والحاجة اللى تعجبك صورها بالموبايل وانزل دمياط وهتلاقى زيها واحسن منها ان شاء الله.
بالتوفيق ان شاء الله.
العمولة حلو وكل حاجة وانا عامل عفشى عمولة على فكرة فى دمياطاقتباس:
المشاركة الأصلية كتبت بواسطة adel1212
بس مشكلته حاجة واحدة: انك لازم كل شوية تنزل للورشة وتخبط المشوار علشان تطمن على الشغل لأن فيه صناييعة بتقلش وبتحب تحط التاتش بتاعها فبتلاقى الشكل الأخير مختلف شوية عن اللى كنت عايزه. بس هو كشغل وخامة بيبقى ممتاز مادام ثقة.
انا نزلت مول دمياط اللى ف مدينه نصر...6 ادوار...عنده حجات روعه جدا
والاسعار الى حد ما معقوله
يعنى النوم فى حدود 15 او 16 الف والخشب كويس
وعند سفر كويسه وانتريهات برصه...عجبني كذا حاجه وان شاء الله هنزل تانى ع الاتفاق علي طول
وشكرا لمشاركاتكم المفيده
باشا فين مكانه في مدينه نصراقتباس:
المشاركة الأصلية كتبت بواسطة ahmad--ezzat
السفر والانتريهات فى حدود كام عندهم ولك جزيل الشكر
دمياط طبعا ...........
معارض فيصل والهرم اى كلام خامات وحشه واسعار نار ولو لقيت خامات كويسه هتلاقى اسعار نار نار
انصحك تروح تتفرج فى محل اسمه فرع امام نادى البنك الاهلى عند معهد القلب المعرض دا وهمى بجد بس طبعا هتتفرج بس وهشوف الازواق وملكش دعوه بالاسعار خالص وفى الاخر انزل دمياط اسعار معقوله جدا بس برضوا خلى بالك لان هناك نصابين كتير جداااااااااااااا وفاصل براحتك وربنا معاك يا باشا
حج عصام غنايمالسلام عليكم ورحمه الله
اتمنى تكون بخير وان شاء احتمال نزوركم فى دمياط خلال الفتره القادمه
مع خالص الشكر
مفكو حلوان اسعارها معقوله وخشب طبيعي
انا كان ليا تجربه معاهم بس من حوالي 10 سنين مواعيدهم ممتازة و خاماتهم جيدة جدا
الله اعلم لو كانوا علي نفس المستوي لحد دلوقتي ولا بدأوا يعكو