شراء قطع غيار من النت ؟؟ مين يقدر يفيدنا كلنا ( للبيتلز )

**Astromic** · 18-02-2009 03:45 PM

المشاركة الأصلية كتبت بواسطة El.Hossieny

واضح ان حضرتك لسة جديد في المنتدي ؟؟
و عاشق للبيتل ..... ممكن تعرفنا بنفسك

فعلا انا جديد هنا. انا شريف من الاسكندرية, و مدمن بيتل, و لو اي حد محتاج اي نصيحة بالنسبة للعربية دى او لتعديلها انا تحت امركم و امر اي عاشق للعربية دى...
و على فكرة انا عربيتي 1303 موديل 74 و موتورها 1.6, و انا الان في مرحلة تجميع موتورها القادم و هو 1.8 و سيكون بقوة 110 حصان لو حساباتي لم تخونني انشاءالله, يعني اكتر من ضعف قوة ال1.6.

**ابوهاشم** · 19-02-2009 12:59 AM

اهلا بيك يااستاذ شريف صديق جديد لعشاق البيتلز
ان شاء الله يكون فى تعاون كبير بينا ونفيد بعض
واحنا كلنا هنا فى المنتدى اخوات هدفنا نفيد بعض بكل المعلومات عن
البيتلز وكله لوجه الله تعالى واحنا كلنا تحت امرك فى اى استفسار
وبرضه هنستفيد من خبراتك فى البيتلز اللى كلنا بنعشقها

**ihab** · 19-02-2009 09:08 AM

المشاركة الأصلية كتبت بواسطة El.Hossieny

يا جماعة ... البيتلز طبعا دلوقتي بقي حبيبتي ...و لقيت موقع هنا في المنتدي بيبيع كل حاجة للبيتلز جديدة زيرو ...فهل يا تري ممكن الحوار امشي فيه ... و لو تمام ... ايه اخبار الجمارك في مصر و هدفع كام و كدة ؟؟؟

الموضوع ده جميل يا احمد لو اتنفذ صح فعلا
بس هى النقطة حاتعرف منين الحاجات الكويسة من الحاجات المضروبة + كيفية السداد و الاستلام و التخليص فى الجمارك و الشحن

**feras_elngar** · 20-02-2009 02:12 PM

انا هقلكم على طريقة حلوة بس فى شحن الحاجات الخفيفة مثلا بحد اقصى 4 كيلو لو عايز توفر فيها وهى خدمة

SHOP & SHIP من شركة ارامكس هتفتحلك صندوق بريدى باسمك فى امريكا وانجلترا بتكلفة حوالى 50 جنيه

وبعدين انت تشترى الحاجة بالفيزا وتشحنها على العنوان بتاعك فى امريكا او انجلترا والشركة هتشحنهولك لمصر بتكلفة رائعة مقارنة بالشركات الكبيرة زى DHL و fedEx

والاسعار هى 62 جنيه لاول نص كيلوجرام وكل نص كيلو بعد كده ب 45 جنيه و 75 جنيه مصاريف تخليص جمركى لو الشحنة عليها جمرك فقط

يعنى لو شحنة 2 كيلو مثلا بيقى 62+45+45+45 = 197 جنيه

انا جربت فيديكس و دى اتش ال اول نص كيلو عندهم ب 400 جنيه غير 100 مصاريف تخليص جمركى و عمولات وووووو....

انا بستعمل الخدمة من زمان وشاحن عليها يجى 20 شحنة كاميرات و قطع غيار ماكينات للشركة عندنا وحاجات كتير و بالتوفيق

**pharos** · 22-05-2009 03:36 PM

المشاركة الأصلية كتبت بواسطة Astromic

فعلا انا جديد هنا. انا شريف من الاسكندرية, و مدمن بيتل, و لو اي حد محتاج اي نصيحة بالنسبة للعربية دى او لتعديلها انا تحت امركم و امر اي عاشق للعربية دى...
و على فكرة انا عربيتي 1303 موديل 74 و موتورها 1.6, و انا الان في مرحلة تجميع موتورها القادم و هو 1.8 و سيكون بقوة 110 حصان لو حساباتي لم تخونني انشاءالله, يعني اكتر من ضعف قوة ال1.6.

أنا أيضا من الأسكندرية و أريد البريد الأليكترونى الخاص بك و رقم موبايلك لو أمكن
sameh.saleh@gmail.com