الموضوع: محتاج رايكم فى المقارنة الجبارة دى - عاوز اخد قرار نهائى

الشارك او الرينو
لو هتشباك السيات

المشاركة الأصلية كتبت بواسطة mr_mizo

السلام عليكم ورحمة الله وبركاته

اخوانى الكرام انا ان شاء الرحمن نويت ابيع عربيتى الصنى موديل 2008 واتوكل على الله واجيب حاجة عالية

المبلغ المرصود هو 160,000 ان شاء الله والحقيقة انا لفيت كتير اوى وطبعا المعرض اللى انا شخصيا برتاحله هو سمير الريان ولقيت ان الموديلات الاتية هى اللى فى الفئة السعرية دى مع العلم ان الترتيب ده لا يدل على ترتيب افضليتهم عندى ده مجرد ترقيم :

1- كيا سيراتو2015 الفئة التالتة 165,000 ... بصراحة عندى قناعة ان مفيش كورى يستحق السعر ده مهما كان فما بالك كمان انها فئة تالتة بالسعر ده مش هاى لاين كمان ... مش عارف بصراحة ...شكلها جامد ...بس الشكل مش كل حاجة

2- لانسر شارك هاى لاين 160,000 والحقيقة انا مايل ليها خاصة انها يابانى 100% بس برده رايكم وانت اهل الخبرة افضل منى ...وتحديدا بعد حوار التخفيضات فسعرها وان اللى موجود منها كله خليجى

3- كيا سول 2015 هاى لاين - 157,000 عربية جميلة اوى من جوه وبره وكمان انها عالية عن الارض وده مهم جدا فبلدنا ...بس قلقان من عدم انتشارها ومن اعادة البيع

4- النترا 2015 هاى لاين تقريبا برده عاملة 160,000 ... طبعا حدث ولا حرج عنها ...بس بصراحة اسوأ عربية تنفع فشوارع مصر من كتر ماهى واطية جدا وهتحك فى المطبات لما نقول يا بس

5- بريليانس v5 2015 هاى لاين - 157,000 ..... بصراحة على قد معجبانى على قد مخايف ادفع المبلغ ده كله فعربية مهما كان صينى

6- فلوانس 2015 اول فئة - 155,000 .... بصراحة وهمية ...الاوروبى على ابوه ... بس المشكلة عربية بالتمن ده واول فئة وكمان فرنسساوى يعنى قطع الغيار الغالية واعادة البيع الزبالة مقلقانى

7- سيات ليون 2015 هاى لاين 165,000 .... معرفش عنها حاجة غير انها المانى على ابوه ... وكمان مش منتشره خالص

8- كروز 2015 - 153,000 هاى لاين ... بصراحة شكلها وتصميمها حلو ...بس مش واثق هل تستحق سعرا وادائا ان الواحد يفكر فيها ...خاصة انها كمان واطية ...وكمان انها 1600 cc بس على الجسم التقيل ده



ارجوكم محتاج تصويت منكم وبجد اعلى نسبة بعون الله هتكون اختيارى


جزاكم الله كل الخير

استبعد تماما البرليانس و الالنترا و بالنسبة للكيا سول و سيراتو شغاليين بس انا معاك في حتة ان السعر غالي عليها فكده أفضل حاجات بالترتيب من وجهة نظري
1- السيات ليون
2- الانسر شارك
3- الرينو فلوانس
الليون احلاهم بس عيبها الفتيس الdsg مشاكله كتير و بالنسبة للفلوانس هي اشيك من الشارك بس العربيات الفرنساوي سوقها تقيل في البيع لسوء سمعتها بسبب كثرة المشاكل بالأخص الكهرباء و الحساسات لكن الفلوانس حتي الأن مفيش منها شكاوي و بالنسبة للشارك أنا لو مكانك اختارها لأنها اكثرهم اعتمادية و ياباني 100% لسه فتريح دماغك من مشاكل الفتيسات و الحساسات و الكلام ده
و بالنسبة للكروز بصراحة مقدرش افيدك فيها اوي هي فخمه و ركوبتها حلوة و ثابتة بس معرفش ظروفها الفنيه ايه