السلام عليكم
طبعا انا بفكر فى عربيه جيب مستعمله فى حدود ٢٠٠٠٠٠ طبعا فى الشيروكى kk و الرانجلر ال٢٠١١ و شيفورليه كابتيفا
و ناس كتير قالت طلع الكابتيفا من المقارنه لكن انا عجبنى جدا الرانجلر لكن عندى بعض الاسئلة :
١-هل الرانجلر عفشتها نشفه زى الشيفورليه دبابه النقل موديل التسعينات مثلا ؟
٢- هل الرانجلر ثباتها مش حلو على سرعة ١٣٠ كم ؟
٣- هل الرانجلر تستاهل انك تدفعلها ضريبه و بنزين ؟
٤- هل يوجد فرق بين الرانجلر 2010و2011 ؟
٥- بحس ان الشيروكى صغيره شويه فهل هى فعلا ضيقه ؟
الكابتيفا فعلآ بره المقارنه
١-هل الرانجلر عفشتها نشفه زى الشيفورليه دبابه النقل موديل التسعينات مثلا ؟
ناشفه وانشف من الدبابه ربع نقل
٢- هل الرانجلر ثباتها مش حلو على سرعة ١٣٠ كم ؟
اخرها 120 لو عايز تفضل مسيطر وده كل الجيب كده بس بنسب يعنى الkk افضل والجراند افضل
٣- هل الرانجلر تستاهل انك تدفعلها ضريبه و بنزين ؟
اللي محتاجها المصاريف دي والا حاجه ﻷن استخدامها مفيش له بديل
٤- هل يوجد فرق بين الرانجلر 2010و2011 ؟
نفس المحرك والتعليق بس غيرو الطابلوه والفرش كلو وده الطابلو والفرش اللي كمل ل2015 بس المتور اتغير فى 2012
٥- بحس ان الشيروكى صغيره شويه فهل هى فعلا ضيقه ؟
اوسع من الرانجلر شويه بس يالفعل كل الجيب مش واسع للدرجه ده لو قارنتو بالجيب اليابانى مثلآ زي الاند كروز او البرادو او التيوتا فورتشنر مثلآ..
اهم عنصر ايه احتياجك الاول ونقيم عليه انسب عربيه لك
هى الkkشكلها من جوه احلى من الرانجلر لكن شكلها من بره بحس ان الرانجلر شكلها ضخم و بحس انها اوسع .
انا عندى شيفورليه دبابه علشان كده سالت هى عفشتها انشف منها ولا لا علشان اعرف اقيس درجة نشوفية العفشه
بس لو عفشتها زى الدبابه و خصوصا العفشه اللى ورا يبقى حرام طيب هل الكلام ده منطبق على الkk برضه ؟
انا اللى مخلينى حابب الرانجلر هو انى هشترى مستعمل فلو اشتريت الkk هشترى موديل 2008 لكن لو رانجلر هشترى ٢٠١١ فهتبقى حالة الرانجلر احسن لكن انت ايه اللى مخليك مش حابب الكابتيفا ؟
انا قولت فى الموضوع ان ناس كتير قالت طلع الكابتيفا و طبعا انت اللى قولت الكلام ده فى موضوع تانى لكن انا بثق فى خبرتك انت و الاستاذ احمد عبدالفتاح و مش بجاملك لكن عايز اعرف منك ثبات الجيب علشان الصراحه انا مش مصدق ان الجيب مش ثابته وهل ثبات الرانجلر و الkk مثل ثبات الدبابه ؟
مع العلم ان انا احتياجاتى كالاتى :
١- عربيه عاليه و عائليه
٢- شياكه و تستاهل الفلوس اللى بتندفع فيها
٣- يكون ثباتها كويس لحد سرعة 130 كم
٤-اوبشنز معقول
و لو ينفع تبين سبب رفضك للكابتيفا ياريت توضح
ولو تعرف اسعار قطع الغيار ياريت تقولى
الجيب بأنواعها مش حاتغلبك فى قطع الغيار التوكيل عنده كل حاجه أصلى بس أسعاره أغلى من السوق - والسوق أرخص بس مش أصلى فى الغالب - بس فى حاجات بتلاقيها فى السوق رخيصة وكويسة وشغالة زى الفل - أنا عن نفسى بأشترى تيل الفرامل والبوجيهات من التوكيل لأن اللى فى السوق جربتهم وتعبونى جامد وإضطريت أشترى الحاجه تانى من التوكيل بس حبيت أغير طلمبة المية مرة لقيتها فى التوكيل بـ ٢٠٠٠ جنيه تقريباً وبعدين لقيت نوع برة فى السوق شغال مع ناس كتير إشتريتها بـ ٣٧٥ جنية وشغالة زى الفل - أنا عندى تيل الفرامل فى التوكيل جبته تقريبا بـ ١٠٠٠ جنيه من التوكيل للأمامى والخلفى مش فاكر بكام بس ارخص من الامامى - طقم البوجيهات بـ ٣٠٠ جنيه بس فرق جامد بينه وبين اللى فى السوق خصوصاً فى إستهلاك البنزين وراحة النقلات للفتيس الاوتوماتيك .اقتباس:
المشاركة الأصلية كتبت بواسطة elenawy
**** عندى شوية حاجات إضافية عاوزك تعرفها :
١- لازم تجرب كل عربية فى العربيات إللى إنت ذكرتها : رانجلر و kk وكابتيفا مرة وانت سايق ومرة وانت راكب ورا السواق بالذات (علشان تشوف الوسع بتاعها) .
٢- إكشف كويس قبل ماتشترى لأنك دافع مبلغ كبير مش قليل .
٣- إستهلاك البنزين عالى فى العربيات دى أنا عندى بتعمل من ١٤ : ١٦ لتر لكل ١٠٠ كم داخل المدينة وبتزيد شوية فى الزحمة وعلى الطوالى فى السفر بيكون حوالى ١٢ لتر لكل ١٠٠ كم وممكن يقل حسب السرعة واحسن استهلاك حصل معايا على سرعة ٩٠ كم/ساعة بيوصل لـ ١٠ لتر وأقل فى الـ ١٠٠ كم بس الصراحة مبقدرش استمر كتير كده :) بس فى المتوسط ١٢ لتر فى الطوالى على سرعات مختلفة وعلى سرعة ١٢٠ كم/ساعة باحس إن العربية مستريحة وأنا مستريح أكتر :) - بس لما بتعوز تقرص علشان تعدى عربية تانية بتبقى فى ثانية عربية سباق :) ولو طريق حلو معاك زى مانت عاوز.
الرانجلر استهلاكها فى البنزين اعلى شوية بسيط .
٤- الرانجلر فى الأفرود أحسن من الـ kk لكن برضه الـ kk حتوديك أى حته إنت عاوز تروحها فى أى مكان وتحت أى ظروف للطريق ومش حتخذلك .
٥- لو إشتريت أى نوع من الجيب خليك مستعد لأنك لازم تراعيها بالصيانات بتاعتها علشان متتعبكش يعنى عينك عليها وإيدك فيها تبقى هارش نظام الكشف بالإسكانر واللمبات بتاعة الاعطال - هى مش بتحصل كتير ومتتخضش لأن كل العربيات كلها كده دلوقتى ويمكن الجيب بأنواعه والتويوتا من اكتر العربيات اللى مافيهاش مشاكل كتير زى باقى الماركات بلا استثناء.
متأسف على الإطالة بس أنا حبيت أوضحلك بأمانة كل حاجه وبالتوفيق إن شاء الله وتحت أمرك فى أى استفسار
اول حاجه احب اشكركم يعنى الاستاذ احمد عبد الفتاح كاتب ياما قوى
انا ميهمنيش الاوفرود انا اصلا مبدخلش فى مناطق وعره ولا كمان يهمنى الفورباى فور لكن انا اللى شدنى ليهم التلاته هو الحجم و قوة الموتور و علوهم عن الارض و انهم بتمن السبورتاج هههههه.
و كمان انا مبروحش صيانات خالص ولا اعرف التوكيل اصلا لان انا فى فوه كفر الشيخ .
و عايز اعرف اسعار الkk المستعمله
و ياريت تكون المقارنه كعربيه فقط
و عايز اعرف ثبات الكابتيفا عامل ايه بالمقارنه مع الجيب
ارجو الرد
كده تمام لو ملكش فى ال4x4 ولا بتدخل فمناطق وعره ولا بتروح تعمل صيانات يبقى ابعد عن الجيب انت كده يناسبك كروس اوفر يعنى قشقاي او سبورتج او توسطن العمل وتشوف نيسان اكس تريل وكده دي اختيارات مناسبه لطلبكاقتباس:
المشاركة الأصلية كتبت بواسطة elenawy
يعنى حتى الكابتيفا مش حلوه
لا مش حلوه لا جيب ولا سيدان ولا كروس اوفر حاجه كده ميكس وكفايا ان وكيلها منصور تغوراقتباس:
المشاركة الأصلية كتبت بواسطة elenawy
معلش دخلت في الموضوع.
لو قدامي عربيتين
Bmw x3 موديل ٢٠٠٩. حالتها ممتازه و عدادها قليل
Kk موديل ٢٠١٠ حالتها ممتازه و عدادها قليل
و انا اللي يهمني عربيه محترمه و عائليه و مريحه. مش حقعد ادخل بيها في صحرا و مدقات و كلام من ده. اخري سفريات عاديه.
ايه ممكن يكون الاحسن ؟
من غير معلش اهلاً بيك ومرحباً بأى سؤال او استفساراقتباس:
المشاركة الأصلية كتبت بواسطة Khaledelkarama
طبعاً المفروض فى قسم الجيب نقولك البى ام وحشة والجيب احلى كتير
لكن بمنتهى الامانة والحيادية انا حاقولك رأيى كأنى انا اللى سائل السؤال ده :
انا قبل ماأقارن بينهم حسأل نفسى كام سؤال الأول:
١- فيه كام عربية بى ام اكس ٣ وكام عربية KK باشوفهم فى اليوم الواحد وانا ماشى فى شوارع مصر؟
٢- فيه كام توكيل او مركز صيانة لبى ام وكام مركز صيانة للجيب ؟
٣- فيه كام واحد بيبيع قطع غيار الـ بى ام وكام واحد بيبيع قطع غيار الجيب جديد أو إستعمال
٤- سعر إعادة البيع للإتنين ؟
٥- إستهلاك البنزين؟
٦- الراحة والشعور بالفخامة الداخلية؟
٧- الشكل الخارجى حسب وجهة النظر المصرية ( يعنى بتخوف العربيات اللى بتغلس عليك) ؟
٨- الإعتمادية ؟
٩- أسعار قطع الغيار؟
١٠- الأداء فى الأوفرود (مع إن النقطة دى ماتهمكش بس هو أوبشن إنت دافع فيه فلوس وسواء إستعملته أو ماستعملتهوش ليه صيانة وليه أعطال)؟
حاول تجاوب على الأسئلة دى الأول ولو عاوزنى أغششك قول :aloha:
اقتباس:
المشاركة الأصلية كتبت بواسطة م/أحمد عبد الفتاح
و الله يا استاذ خالد انا محتار فى نفس رينج السعر اللى انت محتار فيه و احتياجاتى نفس احتياجاتك و الاستاذ احمد فهمى نصحنى انى طالما مبدخلش اوفرود يبقى احسن اجيب سبورتاج او قاشقاى و الحاجات دى بس الصراحه حرام ادفع المبلغ ده فى عربيات كورى والحاجات دى انا كل لما تعجبنى السبورتاج اول لما ابص للشيروكى اقول لنفسى مين اللى يسيب الشيروكى و يجيب عربيات ورق من ديه الجيب بسم الله ما شاء الله عربيه وحش بس البى ام x3 شكلها مش حلو
و الجيب اقوى منها و مش مهم الضرايب و الاستهلاك نضحى بيهم علشان قوة الجيب
انا لسه بفكر لو هجيب فوق ٢٠٠٠ سى سى هجيب شيروكى .
و لو ١٦٠٠ سى سى يبقى هقارن بين البيجو 3008 و السوبارو xv
معلش طولت عليكم
تسلم يا باشا. ربنا يوفقك