الموضوع: المفاجأة النهاردة انى هعكنن عليكم, بالشفا

المشاركة الأصلية كتبت بواسطة hunting_eagle

الشيء اللطيف ان هناك من يعتقد ان الغاء الدعم هدفه توجيه الأموال لقضايا أهم (على افتراض ان الوقود شيء ترفيهي تافه لا يقتضي الدعم في بلد فقيرة زي مصر )

بس الحقيقة ان الحكومة بتلغي دعم الوقود علشان تسد بيه عجز الموازنة .. يعني علشان تداري على خيبتها .. يعني بدل ما تبتكر حلول لتدفق الأموال .. بتاخد طاقية ده تلبسها لده .. زي ما كان الفاسدون بتوع توظيف الأموال بيعملوا في الثمانينات

معنى كده .. ان الفشلة لما يتزنقوا في فلوس تاني .. هيدورو على حاجة تانية يشيلو من عليها الدعم .. ساعتها ممكن يبقى التعليم مثلا زيه زي الوقود .. رفاهية

الدعم سبب عجز للدولة

الدعم قدمه عبد الناصر للمصريين لزيادة شعبيته
(و عاملا بعكس الحكمة القائلة : لاتعطيني سمكة و لكن علمني كيف اصطاد )
مصادر الدعم كانت بتأميم ممتلكات بعض المصريين الاغنياء
(فى تقرير فرنسي مليون مواطن مصري هاجروا بعد الاصلاح الزراعي 1954)
عبد الناصر ادخل فكر فهم على اساس جعل الجميع اغنياء
بس المال الحرام ما بيدومش
بعد سنوات طويلة من اعتماد الدولة على ناتج التأميمات و تقديم دعم للجميع
اصبح الدعم مصدر من مصادر العجز
و بالمنطق لا يمكن علاج العجز ما لم يتم الغاء الدعم

الخلاصة
الله و اعلم عبد الناصر كانت نيته ايه؟
بس اللى انا شايفوا على ارض الواقع ان تصرفاته حولت الشعب المصري الى انسان سلبي جدا منتظر يد العون و منتظر من يقدم له كل شئ فى حياته و بتصرفاته تفتت الارض الزراعية و جرفت و بنيت و دمر التعليم لاسباب كثيرة جدا و دمر الصناعة لانه اقام مصانع رائعة و لكنها فقدت القدرة على الاستمرار لعدم الاستثمار فى الجهود البشرية الصحيحة و انتشرت المحسوبية و الرشوة و الجهل(غير الامية) و العشوائيات و كافة اشكال التجاوزات و اصبحت القوانين حبر على ورق .

الاف من المصريين اصبحوا مليونيرات عن طريق استغلال كل تصرف غير مدروس اتخذه عبد الناصر منها دعم الوقود الذي اصبح مصدر دخل لالاف المليونيرات و بل كافة اشكال الدعم تستغل ببشاعة .

دا رأى الشخصي

لك الله يا مصر .

المشاركة الأصلية كتبت بواسطة ashrafwolf

يا باشا ده اسلوب تهيئه نفسيه و حرب اعصاب
يعني في الفتره القادمه هتلاقي الجرايد الصفره و صفحات الانترنت بتنزل شائعات زيادة الاسعار و كالعادة القنوات المصرية و الجرايد الحكومية هينفو الكلام ده
لحد لما الخازوق يلبس صح و يعلنوها في القنوات الحكوميه زي كل مره

حتى لو دا اللى حيحصل
بلاش نكون مصدر للشائعات
لان كل معلومة بلا سند شائعة
و حتى لو دا حصل و لغوا الدعم حتتقفل صفحة جدال كبيرة
رغم ان المفروض الدولة توافر حلول ذكية و سريعة

اللهم اخربيتنا احنا ياشيخ

المشاركة الأصلية كتبت بواسطة M.ABDOU

يا جماعه هوا قايل كده من الاول انه ممعهووش ومفيش

وقال انه حيشيل كل الدعم خلال 4 سنوات

امال عجز الميزانيه يسده ازاى

انا عن نفسى موافق اننا نشد الحزام ..... بس نشد الحزام كلنا ..... مش رفع معاشات القوات المسلحه بأثر رجعى من 2007 ومن ناحيه تانيه نرفع الدعم ونضيق على الخلق
خلط اوراق
معاشات القوات المسلحة بتدفعها القوات المسلحة و ليس الحكومة بل القوات المسلحة ساندت الدولة من الاحتياطي النقدي الخاص بها
اما
الدعم فسؤلية الحكومة

منهج اننا نشد الحزام والتقلييل من الرفاهيه حتى تحسن الوضع انا موااافق عليه تمااامااا بس يبقى على الكل ميبقاش فى ابن البطه البيضه والبطه السودا
هو فعلا ممكن يكون فيه تفرقة الله اعلم

وعلى فكره الكلام ده برضه بالونه اختبار على لما يحصل بجد يبقى مخدتهاش وش فى وشك كده ... لا لامؤاخذه خدت الخابور واحده واحده علشان متحسش
ما قلنا نخلينا ايجابيين و بلاش شائعات
لو بالونة اختبار يبقى لازم نحسسهم بعدم توقع زيادة

رفع الدعم يؤدي الي رفع اسعار السلع و الخدمات مما يؤدي الي التقليل الاجباري في الصرف و المشتروات مما يؤدي الي اضمحلال اقتصادي و ركود في السوق مما يؤدي إلى اغلاق خطوط الانتاج لقلة السحب على البضائع و زيادة حجم البطاله مما يؤدي إلى التقليل في الإنفاق ..... الخ الخ

المشاركة الأصلية كتبت بواسطة mahmoudysf

السعر هيزيد ايوا هيزيد...
واللي بيقول بلاش شائعات يفتكر قبل الزيادة الاخيرة قالو مفيش زيادة الا بعد رمضان وتاني يوم او تالت يوم رمضان كان السعر زايد....
اما بخصوص الناس عادي ولا حاجة هيدافعوا ويبررو بحاجات هما مش مقتنعين بيها اساسا....وفيه ناس هتغني تسلم الايادي لكن هينهشوا في بعض ويخلصوا من بعض كلا في مهنتة هيحاول يعوض على حساب التاني......تنمية زيرو....سياحة زيرو....بطالة في ازدياد....رفع اسعار....الناتج ربنا يسترها علينا في اللي جاي..

والله كلامك صح