اللي قري تاريخ ايام المدرسه يقدر يفتكر كده ان الفن و الطرب كانو بيزدهرو ازدهار غير مسبوق دايما في الفتره السابقه لانهيار الدوله
وده يمكن راجع لاعتبارات ايدولوجيه من حيث ان مادام مفيش انتصارات او تقدم و ازدهار حقيقي يبقي اللي فاضل انهم ينسو الشعب كافه مشاكله
و في اوقات الازمات كان التفكير المجتمعي بيتجه للدين و التدين و الاحساس بقرب نهايه العالم
نيجي بقي لموضوعنا
احنا كعرب و مسلمين بقالنا قرون بنعاني من فشلنا في كافه المجالات (باستثناء الفن طبعا) و نتيجه للاحباط ده بنحاول جاهدين لايجاد اي وسيله للشعور بقيمتنا
ماتشات كوره نكسبها و لو علي فريق الوفاء و الامل, تلاقي الناس بتفرح بجنون
كلمه عاديه بيقولها الاجانب عند سؤالهم عن رأئيهم في البلد, و هي ان البلد جميله او كويسه تلاقي الدنيا بتشدو بالتقدير الاجنبي لبلدنا
ده حتي يحضرني الاشاعات ان slim shady عربي مسلم و ان اسمه سليم شادي!! و ده طبعا لما تألق في سماء الفن
و كذلك شاكيرا و اصولها العربيه
و كأن كل ده بيغير من الواقع الاليم!!!!!!
فموضوع الرئيس الامريكي و الفرحه بانتخابه فكانت موجوده ايام كلينتون و بوش الابن و ستكون موجوده برضو في الرؤساء اللي بعده
عارفين ليه؟
هو مش لسبب واحد انما كوكتيل من الاسباب
يمكن علشان الفرحه انه منتخب بجد
يمكن عشان فقدنا الامل في التغيير و التطوير عندنا
يمكن علشان ابوه و امه من البسطاء العاديين
يمكن من قهرنا و قله حيلتنا بقينا مستنيين المعجزات عن طريق الاغراب
لكن الواقع بيقول هو و العقل
يا جماعه ده رئيس امريكي
مش الفرد الاله زي شعوبنا, يعني اولا مش اللي ينام يحلم بيه يصحي ينفذه لازم دراسات الاول(و علي السيره حد يقدر يشرحلي ازاي محافظه حلوان اللي جنوب العاصمه يتبعها الشروق و بدر اللي في طريق السويس؟!!!!!!)
ثانيا دي دوله مؤسسات و القرار بيبقي ناتج عن الموؤسسات دي مجنمعه