عايز اجيب موبايل اندرويد فى حدود 500

**Keula** · 03-02-2015 09:51 AM

سؤال هل ممكن الاقى موبايل فى حدود ال500 جنيه يكون كويس وفيه واى فاى وكده
لان انا عايزه ضرورى للواتس اب و الفيبر والايميلات لان بعمل اتصالات مهمة اغلب الوقت
للاسف انا اتورطت بسبب احد ما قبل كده فى سامسنج تاب اس 3 اللى شبه الجزمة ده واللى للاسف ركنه فى البيت مش عارف هخرج بيه ازاى ده
وامبارح كان عندى مكالمة مهمة منتظرها من برة اضطريت البس بنطلون واسع عشان اعرف احطه فى البنطلون و اليوم كان متعب ومش عارف امشى منه ولا اعمل اى فعاليات
عديت بالصدفة على فرع اتصالات وكانوا عاملين عرض على جهاز اسمه هواوى وكان فى موديلات مختلفة من 500 وانتا طالع
عموما يعنى اللى يقدر يفيدنى فى حاجة كويسة اقدر اجيبها بالسعر ده ياريت يفيدنى
وشكرا

**مُصْطٓفٓى** · 03-02-2015 10:42 AM

اشعر انه صعب تلاقي جهاز اندرويد مقبول بهذا السعر
لو فيه عرض على جهاز محدد ياريت تجيب اسم الجهاز ونبحث لك عنه ان شاء الله ونشوف هل الجهاز مقبول ام سئ
لكن لو قيمة الجهاز قبل العرض اقل من 1000 جنيه
فحضرتك حتتعب جدا مع الجهاز وبعد فترة قصيرة حتلاقي الموبايل اصبح بطئ جدا
بالاضافة انه فيه احتمال ان كثير من التطبيقات لن تعمل من الاساس لانها تحتاج مواصفات معينة سواء في الهاردوير او السوفتوير
لذلك انصحك بالابتعاد عن الاجهزة رخيصة الثمن

**A7medelfe2y** · 03-02-2015 05:01 PM

ممكن جدا ياباشا واندرويد كمان سامسونج جالاكسي ستار 500 جندي
ولو تقدر تكملهم 600يبقي بوكيت ولو توصلهم 700 يبقي ستار 2 بلس
ولو وصلو 750 يبقي ايس بلس ولو 900 يبقي عليك وعلي اس دوس تو ودي عده محترمه
ارجو اكون افادتك

**Mohamed Saber** · 03-02-2015 09:01 PM

و دى مواصفات وامكانيات وشكل البوكيت *(ممكن يبقى فى تفاوت فى الاسعار)
سعر ومواصفات samsung Galaxy Pocket S5300

*ستار 2 بلس
سعر ومواصفات samsung Galaxy Star 2 Plus

*اس دوس 2
سعر ومواصفات samsung Galaxy S Duos 2 S7582
و اى حاجه تانى نحن فى الخدمه

**ahmedfor3** · 03-02-2015 10:13 PM

اوعى تجيب ستار بلس لانه مفهوش 3 جى خليك فى الكاتيل اوى هاووى او اركوس بالسعر ده تجيب حاجه حلوه جدا الامكنايات
بروسيسر دول كور شرحتين 3 جى ذاكره داخليه 4 جيجا
العيوب
الكاميرا سيئه
نصيحه ابعد عن سامسونج بالسعر ده لان هتجيب حاجه تعباااااااانه جدا ولا تصلح للنت
بالتوفيق انا شاء الله