تغيير اطارات التو 2015

**Hesham Kamar** · 03-02-2015 03:31 PM

السلام عليكم
من حوالي شهر المدام كانت راكنه العربية ورجعت لقت فردتين على الارض تماما. اكتشفنا بعد كده ان الراجل صاحب الورشة القريبه من المكان عمل قطع في جانب الكاوتش بآله حاده.
المهم طبعا وبحسن النيه راحت للورشه القريبة والراجل قال لها ان في كل فرده في قطع وما يزيد عن 14 خرم ولحم القطعين والاخرام بحاجه اسمها لزق حراري.
لما رجعت من السفر وريت الكاوتشات لورشه تانيه والراجل قالي اني لازم اغير الكاوتشات دي على نهاية الشتاء ده (يعني على اخر مارس او ابريل) علما بأن العربيه حركتها كتيره وبتسافر كتير.
ايه احسن نوع ومواصفات للاطار اللي ممكن اجيبه؟ ولازم اغير الاربع فرد ولا ممكن الاتنين بس؟ وسعر الفرده في كل نوع بيبقى في حدود كام ؟

**ibrahimahmed** · 03-02-2015 03:38 PM

ممكن توفر و تركب الاستبن وتشترى واحدة بس وخلى واحدة من اللى باظو يبقى استبن... بس طبعا اللى هاتشتريها لازم تكون من نفس نوع العجل ... اللى هو غالبا جووديير على ما اظن
انما فى العموم لازم الاربع فرد بتوع العربية يكونو نوع واحد لان لو نقشة العجل اختلفت بتعمل مشاكل فى ثبات العربية على الارض وبتخلى العربية تعوم منك على الطريق