مقارنة العمالقه (سبورتاج-xv-ix35-قاشقاى-3008)

ناس كتير فى المنتدى يهمهم المقارنه دى جدا و انا واحد منهم
المقارنه بين :كيا سبورتاج و هيونداى ix35 و نيسان قاشقاى و سوبارو xv و بيجو 3008
بس لازم تلتزموا بهذه الشروط اولا :
١- تكونوا حياديين
٢- محدش يقول دى كورى ودى يابانى و الكلام ده المقارنه كعربيات مش كصناعه
٣- المقارنه دى هتهم ناس كتير و ناس هتشترى بناء على المقارنه دى فياريت كل واحد يتكلم بصراحه
٤- الشكل مهم
٥- المقارنه من حيث : الثبات و الاتزان على الطريق و الكماليات و الراحه و الخامات و جودة التقفيل و استهلاك البنزين و الوسع و قوة الموتور . يعنى تقريبا كل حاجه .

ياريت اعرف الخلوص بتاع ال 3008 والقشقاى الجديدة عن الأرض كام سم ؟

البيجو 3008 أقوي موتور و أحسن سحب فيهم

من وجهة نظرى الشخصيه السوبارو تحقق لك الثبات و الاتزان على الطريق و الكماليات و الراحه و الخامات و جودة التقفيل و الوسع و قوة الموتور و لكن تستهلك وقود بكميه ملحوظه

فى انتظار باقى الردود

سوبارو

ياريت اللى عنده راى يجاوب على الاستطلاع.
انا اصلا احترت
الكيا : استهلاك البنزين عالى و وسائل الامان فيها مش زى الالمانى و اليابانى
هيونداى : الثبات فيها اقل شويه من السبورتاج
السوبارو : العربيه سقفها واطى و صغيره و مفهاش كماليات زى الكورى و مش منتشره
البيجو : بحس انها صينى و شكلها وحش جدا جدا كمان انا هشترى الشكل القديم
القاشقاى : لسه جديده و مش متجربه و شكلها مش هتنتشر علشان الموتور التربو

بسم الله الرحمن الرحيم

اﻷخ الفاضل elenawy

أرى أنك قد رأيت ما بكل سياره من عيوب و لكن هل رأيت ما بها من مميزات؟.

أخى الفاضل . . كل سياره لها مميزات و عيوب و قد أوضحت لك مميزات السوبارو و ها أنت تعلم عيوبها (و لكن من وجهة نظرك ﻷن العيوب التى ذكرتها أنا مثلآ ﻻ أعتبرها عيوب بل قد ﻻ ألتفت لها من اﻷساس).

ولو طلبت منى رأى ثانى . . . سأؤكد إختيارى السابق و أختار للمره الثانيه السوبارو

هداك الله ﻷرشد أمرك و أقومه

السلام عليكم و رحمة الله و بركاته

بالنسبة لي الموضوع قتل بحثا لمده شهرين و فغلا الموضوع في غاية الصعوبة
اختياري الاساسي كان قشقاي من قبل ما ابيع عربيتي الاولى للاسف مش موجودة الشكل قديم خلص و اللي في السوق بيطلب اوفر في السعر يصل لأكثر من 20000 ج وده بالنسبة لي مستحيل و الشكل الجديد على الابواب يعنى مغامرة كبيرة و الشكل الجديد غامض لا مواصفات و لا سعر ولا اي تفاصيل
وبدأ البحث عن البديل
البيجو+السوبارو استبعدهم من البداية نظرا لعدم الأنتشار و اعادة البيع و التوكيل(رغم انهم الاكفاء و الافضل كسيارات)
تبقي الكوري بعد صراع داخلي عنيف توكلت على الله ف الهيونداي (فى كيميا و حب راحة شخصية عن السبورتاج)
وبعد تجربة 3 شهور اقدر اقول لك العربية ثابتة بشكل ممتاز طرقي اغلبة دائري
هذه تجربتي و عليك انزل و اتفرج واقرا تقارير و اتفرج على اليوتيوب وشوف قلبك حيختار ايه
خالص امنياتي بحس الاختيار

السوبارو ولومكنش يبقي مش هبتعد عن الكيا او الهيونداي
مجرد رأي

طيب ايه رايكم فى الكابتيفا ؟
بالنسبه ليه انا مستبعد البيجو و القاشقاى .
البيجو استبعدتها علشان مش معقول ادفع الفلوس دى كلها فى عربيه مش منتشره و مش مطلوبه و كمان شكلها مش ظريف و بعدين الفرنساوى اصلا معروف بكثرة الاعطال يبقى الموتور التربو اللى فى البيجو هيبقى عامل ايه فى العطال
و القاشقاى استبعدتها علشان لحد دلوقتى مشوفتش واحده ماشيه فى الشارع و كمان الموتور ال١٢٠٠ سى سى تربو ناس كتير قالت ان ١٢٠٠ سى سى ارهاق للعربيه و كده الموتور عمره هيقل
لكن على الاقل السبورتاج و الهيونداى حتى لو مش حلوين لو اشتريت واحده منهم و معجبتنيش ابيعها تانى يوم بسعر اعلى من اللى انا شارى بيه
اما السوبارو هى انتشارها معقول بس حكاية الحجم دى بقى مشكله كبيره .
عايز اعرف ثبات السبورتاج ولا الهيونداى اللى احسن ؟

اقتباس:

---

المشاركة الأصلية كتبت بواسطة elenawy

لكن على الاقل السبورتاج و الهيونداى حتى لو مش حلوين لو اشتريت واحده منهم و معجبتنيش ابيعها تانى يوم بسعر اعلى من اللى انا شارى بيه
اما السوبارو هى انتشارها معقول بس حكاية الحجم دى بقى مشكله كبيره .
عايز اعرف ثبات السبورتاج ولا الهيونداى اللى احسن ؟

---

طالما وصلت في تفكيرك لحد كده يبقى توكل على الله في واحدة منهم، وأعتقد إن الاتنين واحد في كل حاجة، شاسيه وموتور وكله، تتبقى الراحة النفسية التي بالنسبة لي تتوفر في الهيونداي .. والله أعلم.

انا برضه لسه مش مقتنع باى واحده فيهم لان كل واحده فيها عيب قصاده ميزه.
انا اصلا كنت هشترى جيب شيروكى ٢٠٠٩ بحوالى ٢٠٠٠٠٠ او بى ام دبيو x3 او كابتيفا بس ناس قالت دى مش احتياجاتك شوف سبورتاج او سوبارو .
لسه الموضوع مستمر للنقاش و كل واحد يقول رايه

لسه الموضوع مفتوح يا جماعه لسه فى نقاش

البيجو قوة موتور و خامات و تقفيل و مش منتشره اوي و مفهاش بلوتوث القشقاي ابشنز و توفير في البنزين اللي بالنسبالي شيء خطير جدا و سمارت كي لكن انا مبفضلش الxtronic cvt السوبارو عربيه كويسه و متكامله لكن التوكيل مختفي ودي اكبر مشكله و مش منتشره برضوا وبالنسبه للكوري الكوري فيه كل الابشنز بس تحس العربيه فقيره و بتتبهدل بسرعه و مفيش العزل و وسائل الامان والتقفيل كمان مايتقارنش بالمركات التانيه لكن الانتشار القوي و سعر اعاده البيع يخلي ناس كتير تفضلهم , دي مميزات و عيوب كل عربيه بالنسبالي و اختياري هيكون للقشقاي بالرغم ان سقفها مش بيتفتح

حتى القاشقاى الجديده سقفها مش بيفتح برضه !!!!

Nissan Qashqai , MADE in Engalnd ,100% Qqaulity Garanteed

متابع بشدة
و رأئي اهم شىء سرعة اعادة البيع علشان لو مرتحتش بالعربية على الاقل تقدر تبيعها بسهوله
و الان خياراتي بين ix35 أو السبورتاج و محتار بينهم و عاوز مقارنه محايده بينهم

أرجو الافاده ...في امكانيات ix 35 fully loaded ....لان مش امكانياتها ايه بالظبط عن بقيه الفئات بتاعتها

انا لسه لحد دلوقتى مش عارف اخد قرار كنت خلاص هشترى الهيونداى اول فئة و بعدين لقيت ناس بتقول كده هتعوم بالجنط ال16
و ياريت يا dod33 تشوف السوبارو و السوزوكى s cross هما الاتنين فيهم esp و 8 ايرباج و كماليات تانيه
بس انا ابتديت افكر فى السياز ب122,000 و اريح دماغى

Sx4 .. ياباني .. وكماليات كتير جدا ..واوفر

:tumb:اتوكل علي الله وهات كرولا هاي لاين افضل من كل دول

بسم الله الرحمن الرحيم
السلام عليكم ورحمة الله وبركاته.
بالنسبةً للمقارنة المهمة انا شخصيا من مستخدمي بيجو 3008. واحب اوضح انها من افخم واشد السيارات ال استخدمتها في حياتي ما شاء الله عليها التقفيل الاوروبي مابعده شئ بصراحة موتور ماشاء الله قوي جدا 163 حصان تيربو ولا يوجد اي سيارة اخري 1600 سي سي بمثل هذه القوة بالاظافة الي تقل السيارة ورساوتها علي الطريق حدث ولا حرج سيارة بمعني الكلمة قوة لا مثيل لها ما شاء الله واي استفسار انا حاضر وجاهز لكم ان شاء الله

بسم الله الرحمن الرحيم
السلام عليكم ورحمة الله وبركاته.
بالنسبةً للمقارنة المهمة انا شخصيا من مستخدمي بيجو 3008. واحب اوضح انها من افخم واشد السيارات ال استخدمتها في حياتي ما شا الله عليها التقفيل الاوروبي مابعده شئ بصراحة موتور ماشاء الله قوي جدا 163 حصان تيربو ولا يوجد اي سيارة اخري 1600 سي سي بمثل هذه القوة بالاظافة الي تقل السيارة ورساوتها علي الطريق حدث ولا حرج سيارة بمعني الكلمة قوة لا مثيل لها ما شا الله واي استفسار انا حاضر وجاهز لكم ان شا الله

انا محتار جداا ما بين السوبارو و النيسان الجديده

السوبارو عفشه افضل و اعتقد اعتماديه اكتر بس شكلها مش قد المستوى و كماليات مش فد المنافسين
النيسان شكل افضل و اجدد و عيبها الماتور رغم انه اسرع لكن 1200 سى سى و تربو

اقتباس:

---

المشاركة الأصلية كتبت بواسطة eslax

انا محتار جداا ما بين السوبارو و النيسان الجديده

السوبارو عفشه افضل و اعتقد اعتماديه اكتر بس شكلها مش قد المستوى و كماليات مش فد المنافسين
النيسان شكل افضل و اجدد و عيبها الماتور رغم انه اسرع لكن 1200 سى سى و تربو

---

بسم الله الرحمن الرحيم

أخى الفاضل

أنت تقارن ما تملكه كل سياره و لكنك لم تقارن بما تحتاجه من كل سياره. و من فضلك إنتبه لكلمة تربو لأنها تحمل الكثير بين حروفها من المطبات الخفيه

هداك الله لأرشد أمرك و أقومه

السلام عليكم و رحمة الله و بركاته

انا رايي خليك في اللي اعادة سعر بيعه كويسة و منتشرة و العيونداي مش بطال طالما مبتحبش تحري وقوي و ملفات علي السرعات .. اما لو مش فارقة معاك سعر البيع و هتاخد عربية لادا ياباني بنكهة الالماني خليك في السوبارو