الموضوع: استفسار بخصوص وحدة رفع زجاج فلوانس

مشكور هشام بيه على الأجابات الكافيه الوافيه....
بالنسبة للحساسات هى عبارة عن مربع بلاستيك غامق يقع خلف أكرة الباب الخارجية و مثبتة فى باب السيارة عند باب السائق فقط.....بمجرد وضع يدك لفتح اكرة الباب ( ما بين الأكرة و الباب لجذبها ناحيتك) يتم قطع شعاع الأشعة تحت الحمراء الخارج من هذا الحساس فيقوم باعطاء اشارة فتح سنتر العربية....يعنى بمجرد وضع يدك على الأكرة مع الشد للخارج العربية تفتح دون الحاجة للضغط على الزر الموجود فى الأكرة (مكنش الزر بينزل أصلاً) و الكلام ده كان موجود فى الفلوانس القديم و خاصة الهاى لاين و اول دفعات من الفلوانس فيس ليفت هاى لاين برده...لاحظ ان مكنش ينفع تقفل السيارة من الحساس كما هو الحال مع الزر الان...يعنى علشان تقفلها كان لازم تبعد عنها او تقفلها من الريموت
ابتدوا بعد كده يشيلوا الحساس بتاع باب السائق فقط و وضعوا مكانه الزر الأسود الخارجى مع الاحتفاظ بمكان الحساس لانه اسطمبه فى الباب و لكن دون ان بكون فعال
ثم تطور الموضوع و كنت انا من اوائل الدفعات اللى استلموا بأربع ازرار سوداء واحد فى كل أكرة باب

هو ده التطور اللى حصل بالنسبة نظام الفتح و الغلق فى الفلوانس

تحياتى

المشاركة الأصلية كتبت بواسطة reemooo

متشكرة جدا استاذ هشام وبشمهندس هاني

بس بالنسبه للقفل عن طريق الزر اللي موجود في الاكرة لاحظت ان بقدر افتح عادي عن طريق الزر مش لازم بالكارت. وهنا في سؤال او استفسار استوقفني

سواء انا قفلت بالزر دا او اعتمدت على العربيه تقفل لوحدها بمجرد اني انزل وابعد عنها (في كلا الحالتين العربيه كده كده ممكن تتفتح عن طريق زر الاكرة) طالما انا قريبه منها

واللي لاحظته كمان ان العربيه بتحس الريموت على مدى كبير، يعني ممكن اكون انا قعدة في مكان على بعد 5 او 10 متر من العربيه وانا سايباها مقفوله عن طريق زر الباب، وفي هذه الحاله سهل جدا اي حد يفتحها.. صح ؟؟؟

يعني على حسب مانا فاهمه فا كدا مفيش امان اني اسيب العربيه تقفل لوحدها، ولا حتى اعتمد على قفلها من خلال زر الابواب ؟؟

ياريت توضيح اكتر منكو بخصوص النقطه دي

بالنسبة لسؤال حضرتك:
و الكارت فى شنطتك، لا يمكن التحكم فى العربية سواء بالفتح او القفل من زر اكرة الباب الا من مسافة اقصاها ١ متر فقط.......
اما بالنسبة للتحكم فى العربية سواء بالفتح او القفل من الكارت نفسه، فالمسافة المتاحة فوق ال ١٠ متر و قد تصل ل ٢٠ متر مع عدم وجود عوائق
لا تقلقى ابداً، مفيش اامن من العربيات الرينو
تحياتى