معايا مبلغ من المال هل اسيبة في البنك واخد فايدة سنوية 6.5% و اشتري محل واؤجره؟
ايهما افضل كاستثمار
عرض للطباعة
معايا مبلغ من المال هل اسيبة في البنك واخد فايدة سنوية 6.5% و اشتري محل واؤجره؟
ايهما افضل كاستثمار
الفلوس في البنك والحصول على فائدة ثابتة منها حرام فهي ربا
بالإضافة إلى أن قيمة الفلوس تقل مع الوقت
فالذي ستستطيع شراؤه اليوم بمبلغ ما لن تستطيع شراؤه غدا بنفس المبلغ
وكذلك قيمة الفائدة التي ستحصل عليها اليوم ستقل مع الوقت
بالاضافة الى عدم وجود البركة في ذلك المال
والافضل لك هو استثمار المبلغ بدون المخاطرة به
فكرة شراء محل وايجاره فكرة جيدة
ولكن كل محل وله قيمته وعليك اختيار المكان ذو القيمة الاعلى
الاستثمار في العقار فكرة رائعة اذا توفرت الشروط ان شاء الله
محل . معاملة حلال . وان شاء الله ايجاره يكون افضل من الفايدة
البنك افضل طبعا
وبعدين 6.5% ليه اشترى شهاده 11%
المحل صعب جدا تبيعه وابعد عن العقارات علشان مملة جدا وعايزة صبر وبال طويل
اذا كان الشقق بتعت سنين علشان تتباع ما بالك بمحل
عندى ارض مبنى ومش عارف ابيعها بقالى 6 شهور اهوة
خليك فى البنك افضل لو ناوى على استثمار طويل ممكن تقولى المبلغ كام وهبعتلك دراسة لمده معينة تعرف فيها فلوسك هتكون قد ايه
المحل طبعا سعره حيزيد مع الوقت وممكن تاجره بسعر كويس وانت شايف القدرة الشرائيه للجنيه في النازل
بس اهم حاجه يكون في موقع متميز لسهوله ايجاره او بيعه لو احتجت سيوله في اي وقت
لو هتحط الفلوس في وديعه في بنك saib هتاخد فايده 12% بس لاحظ ان الفلوس قيمتها بتقل مع الوقت و ممكن تكون الفايده دي ربا و الله اعلم
لو هتشتري عقار متفكرش تبيع قبل 5 سنين علي الاقل عشان يبقي عمل فرق سعر محترم بس في ظل الظروف الاقتصاديه و السياسيه المتنيله دي ممكن تاخد سنتين تانيين عشان تعرف تبيع و الناس تعد تبيع و تشتري فيك لان المعروض اكتر من المطلوب و حركه البيع و الشراء نايمه
عن تجربه محاولات لمده 6 شهور لبيع المحل بتاع والدي :(((
ربنا يهديك للطريق الصحيح
ليه مفكرتش في شقق بسعر المحل؟؟؟ الشقق سعرها بيزيد اسرع واكتر وكله بيتهافت علي ايجارها
راى اتقالك بس هقولوا تانى ومش هقول حرام ولا حلال لو قلت حاجة منهم هبقى افتيت وانا مش مفتى
كنت بتعامل مع بنك ونسبه شهرية محترمة وتتصرف كل 3 شهور ولكن استحرمت وقلت اتوب من الذنب يقولوا ليك انك شريك فى الاستثمار وانا قلت هو اية استثمارهم غير قروض بنسب اعلى بكتير من اللى احنا بناخدها وقروض عربيات من غير امتلاك البنك للعربية
فى استثمارات تانى علامة استفهام استفتى قلبك واتكل على الله راى انا المحل وتختار مكانه كويس جدا ويبقى فى مكان شغال وسعره السعر الاصلى للمحل هيزيد وبتاخد ايجاره توكل على الله واختار المكان المناسب مكان يكون فيه الطلب اكتر من العرض والله الموفق والمستعان
طيب اشمعنى محل ؟
انت هتشغله يعني ؟ ولا هتأجره ؟ ولا هتسقعه وتبيعه اما تحتاج فلوس ؟؟
المنطقه حيويه ولا مكتفيه بالمحلات اللي فيها ؟
خللي بالك المحلات في البيع والايجار ممكن تبقى اتقل من الشقق
لكني اعتقد انه مقارنه الايراد ايا كانت الحاله هيكون افضل من البنك والله اعلم
خد محل فى مناطق سياحيه وسقعوا من دلوقتى
شرم والغردقه وسهل حشيش ومكادى وخليج نبق
كل ده دور فيه والمحل هناك فى خلال 3 او 4 سنين هيجيب معاك فرق بيع او ايجار افضل
القاهره مظنش حاجه تناسبك تجيب عائد بالمبلغ ده
علي حسب الفلوس
لو حتجيب محل في مكان متميز زي ميدان او شارع حي
ايجاره ممكن يوصل 10000 جنيه في الشهر او اكتر
بس دا سعره حيكون بمئات الالفات ان مكانش بملايين
انما لو مبلغ صغير وحتجيب محل في مكان متواضع فده حتتعب في ايجاره ومش حيجيبلك مبلغ كويس ومش حتعرف تبيعه بسرعه لو اتزنقت
محل واجره
يا باشا المحلات والشقق ده على حسب المنطقة بس المعظم سوق العقارات نايم وهيفضل نايم طول عمره ومش عايز احكى فى اسباب
وعامة ده قدامك وده قدامك وانا عامل زى حالااتك بس انا عندى ارض مبانى وانت فلوسك فى ايدك فبدل ما تدخل فى المتاهه دى ممكن تقولى بالظبط انت معاك معاك وهدرسلك الوضع لانى بدرسه كل يوم لنفسى وان شاء الله هقدر افيدك قبل ما تاخد اى خطوة
الكل بيقولك سوق العقارات مضمون فى الاستثمار ايوة مضمون فى الاستثمار بس ممكن ينتصب عليك عند التخلص من الاستثمار وكل شىء يروح عليك يعنى فى مخاطرة بردوا
اى تجارة فيها مخاطرة ايا كانت
فى انتظار ردك
خد مني
البيوت او الشقق افضل
لشتري شقه او اثنين في الشروق اوالتجمع اوالعبور حسب المتاح معاك
واجرها
اول شيء عائد شهري اعلي من البنك
ثاني شيء القيمه اﻻصليه لراءس المال بترتفع
ثالث شيء الطلب عليها عالي لو حبيت تبيع
هاتبيع وانت في بيتك مع اول اعلان
سواء شقه او بيت
رأي تفكر فشقة بدل المحل
انا رايى الى مجربه
ان الفلوس فى البنك مش هتكسبك حاجه غير ذب
ممكن تحطها فى بنك اسلامى للنقطه دى وتقريببا نفس الفوايد
بس انت لو معاك مشروح محل يستاهل
يعنى مكانه حلو وتعرف الى هيشركك كويس علشان مترميش الفلوس والمحل ده بقى هيفتحلك رزق من ربنا
وانت ورزقكك
بس بأكد تعرف الى شريكك او الى هتتعامل معاهم على شان بيكون سعات مشاكل كتير
وانت لازم تكون ضامن ان فلوسك هتعرف ترجعها بسهوله
واســــــــخــــــــــيــ ـر ربــــــــــأ
لو فعلا بتفكر في محل يبقي لازم منطقة كويسة وفيها شغل كتير او رجل
عندنا في شارع عين شمس العمومي المحل وصل ايجاره الشهري 18 الف جنيه مش عارف ليه وفي محلات تاني جمبو ب 7 وب 9
مفيش شقة بتجيب ايجار اعلى من البنك ده اولا
وعلشان تحسبها هديك مثال تحسب عليه
لو اشتريت شقة عادية ب 200 الف جنية هتكون فى مكان متوسط ايجارها هيكون فى حدود 600 جنية بالكتير اوى كمان لو ال 200 الف حطيتهم فى بنك هيجبولك فى الشهر 1800 جنية يعنى فرق 1200 جنية فى الشهر يعنى الشهر فى البنك بيساوى ايجار 3 شهور
يقى البنك احلى ولا العقارات
ياريت ما تقولش كلام غير لما تتاكد وتحسبها كويس
معلش حسبتك انت كلها غلط في غلط
انت مفهمتش اساسا المقصود بان الشقه اعلي من البنك
ازاي شقه ب200 الف ايجارها 600
مثال عملي
شقه 70 متر في الشروق
سعرها 140 الف جنيه
ايجارها 550 الي 600 جنيه
ولو شقه ب200 الف هاتعمل ايجار من 700 الي 800 جنيه
انا باتكلم عن شيء امتلكه
مش نظريات
ال 140 الف اللي اشتري بيهم الشقه
هاياخد عليهم عائد شهري قول 500 جنيه لكن قيمه راءس المال الاصليه هاتزيد عن قيمتها مش اقل من 10% سنويا وبربح تراكمي مش اساساي
يعني ال 140 الف بعد سنه هايكونوا 154 الف
ومفيش شبههه ربا فلوس حلال
خد مثال تاني
بيت في العاشر من رمضان كان سعره 150 الف
اتباع بعد6 سنوات ب650 الف
يبقي مين الاعلي ربح والاعلي قيمه
هي فين الشقق ام 200 الف دي يا جماعه ؟؟؟؟
شكرا لردودكم جميعا