فلوس في البنك ولا شراء محل

**mohamed2002** · 06-02-2015 12:54 AM

معايا مبلغ من المال هل اسيبة في البنك واخد فايدة سنوية 6.5% و اشتري محل واؤجره؟

ايهما افضل كاستثمار

**مُصْطٓفٓى** · 06-02-2015 01:06 AM

الفلوس في البنك والحصول على فائدة ثابتة منها حرام فهي ربا
بالإضافة إلى أن قيمة الفلوس تقل مع الوقت
فالذي ستستطيع شراؤه اليوم بمبلغ ما لن تستطيع شراؤه غدا بنفس المبلغ
وكذلك قيمة الفائدة التي ستحصل عليها اليوم ستقل مع الوقت
بالاضافة الى عدم وجود البركة في ذلك المال

والافضل لك هو استثمار المبلغ بدون المخاطرة به
فكرة شراء محل وايجاره فكرة جيدة
ولكن كل محل وله قيمته وعليك اختيار المكان ذو القيمة الاعلى

الاستثمار في العقار فكرة رائعة اذا توفرت الشروط ان شاء الله

**abd_el_7amid** · 06-02-2015 01:09 AM

محل . معاملة حلال . وان شاء الله ايجاره يكون افضل من الفايدة

**lolnk** · 06-02-2015 01:26 AM

البنك افضل طبعا

وبعدين 6.5% ليه اشترى شهاده 11%

المحل صعب جدا تبيعه وابعد عن العقارات علشان مملة جدا وعايزة صبر وبال طويل

اذا كان الشقق بتعت سنين علشان تتباع ما بالك بمحل

عندى ارض مبنى ومش عارف ابيعها بقالى 6 شهور اهوة

خليك فى البنك افضل لو ناوى على استثمار طويل ممكن تقولى المبلغ كام وهبعتلك دراسة لمده معينة تعرف فيها فلوسك هتكون قد ايه

**AmrAlex** · 06-02-2015 11:50 AM

المحل طبعا سعره حيزيد مع الوقت وممكن تاجره بسعر كويس وانت شايف القدرة الشرائيه للجنيه في النازل
بس اهم حاجه يكون في موقع متميز لسهوله ايجاره او بيعه لو احتجت سيوله في اي وقت

**Bassem Youssef** · 06-02-2015 12:49 PM

لو هتحط الفلوس في وديعه في بنك saib هتاخد فايده 12% بس لاحظ ان الفلوس قيمتها بتقل مع الوقت و ممكن تكون الفايده دي ربا و الله اعلم

لو هتشتري عقار متفكرش تبيع قبل 5 سنين علي الاقل عشان يبقي عمل فرق سعر محترم بس في ظل الظروف الاقتصاديه و السياسيه المتنيله دي ممكن تاخد سنتين تانيين عشان تعرف تبيع و الناس تعد تبيع و تشتري فيك لان المعروض اكتر من المطلوب و حركه البيع و الشراء نايمه

عن تجربه محاولات لمده 6 شهور لبيع المحل بتاع والدي :(((

ربنا يهديك للطريق الصحيح

**eng.m7md.ali** · 06-02-2015 01:14 PM

ليه مفكرتش في شقق بسعر المحل؟؟؟ الشقق سعرها بيزيد اسرع واكتر وكله بيتهافت علي ايجارها

**maio_do** · 06-02-2015 01:36 PM

راى اتقالك بس هقولوا تانى ومش هقول حرام ولا حلال لو قلت حاجة منهم هبقى افتيت وانا مش مفتى

كنت بتعامل مع بنك ونسبه شهرية محترمة وتتصرف كل 3 شهور ولكن استحرمت وقلت اتوب من الذنب يقولوا ليك انك شريك فى الاستثمار وانا قلت هو اية استثمارهم غير قروض بنسب اعلى بكتير من اللى احنا بناخدها وقروض عربيات من غير امتلاك البنك للعربية

فى استثمارات تانى علامة استفهام استفتى قلبك واتكل على الله راى انا المحل وتختار مكانه كويس جدا ويبقى فى مكان شغال وسعره السعر الاصلى للمحل هيزيد وبتاخد ايجاره توكل على الله واختار المكان المناسب مكان يكون فيه الطلب اكتر من العرض والله الموفق والمستعان

**abdulkhaleq** · 06-02-2015 02:56 PM

طيب اشمعنى محل ؟
انت هتشغله يعني ؟ ولا هتأجره ؟ ولا هتسقعه وتبيعه اما تحتاج فلوس ؟؟
المنطقه حيويه ولا مكتفيه بالمحلات اللي فيها ؟
خللي بالك المحلات في البيع والايجار ممكن تبقى اتقل من الشقق
لكني اعتقد انه مقارنه الايراد ايا كانت الحاله هيكون افضل من البنك والله اعلم

**Secret-Man** · 06-02-2015 03:15 PM

خد محل فى مناطق سياحيه وسقعوا من دلوقتى

شرم والغردقه وسهل حشيش ومكادى وخليج نبق

كل ده دور فيه والمحل هناك فى خلال 3 او 4 سنين هيجيب معاك فرق بيع او ايجار افضل

القاهره مظنش حاجه تناسبك تجيب عائد بالمبلغ ده