السلام عليكم
من فضلكم عايزة اعرف لسه فى مشكلة فى dsg ؟ ولا اتحلت ؟
لاننا عايزين نجيب الليون وخايفين من النقطه دى
عرض للطباعة
السلام عليكم
من فضلكم عايزة اعرف لسه فى مشكلة فى dsg ؟ ولا اتحلت ؟
لاننا عايزين نجيب الليون وخايفين من النقطه دى
ياريت تتأكدي كويس لآن انا واحد صاحبي لسه مستلم الابيزا 2015 والفتيس dsg و بينتش معاه كل شوية
فياريت اتأكدي كويس وربنا يرزقك القرار الصح ان شاء الله
اتخن واحد في مصر والشركه الام نفسها ميقدرش يرد علي هذا السؤال القاتل
انا هموت علي الليون وخصوصا الكوبيه منها . بس خاااااايف من نفس النقطه دي
ولحد النهارده مش بسمع ردود دامغه كلها عن سمع ... زي مثلا
ان شاء الله خير .... المشكله اتحلت في 2011 ... انقل مانيوال في الزحمه
... هات الs مود في الزحمه ... حط بنزين 95(مع اني مش عارف ايه علاقه البنزين بالفتيس اساسا)
كله كلام بس اللي هيجرب في الاخر و يدفع ال200 لحلوح هو انا ولو في اي حاجه لقدر الله اللي هيشرب
هو انا ... امشي علي المثل الجامد اللي بيقول
الباب اللي يجيلك منه الريح سده و اتاتستريح .
حرام اجرب في 200 الف جنيه .. شوفوا ماركه تانيه وخلاص .
لو الهسهس موجود بلاش
انا عتدي الهسهس دا بس كنت قابل للموضوع
ياريت الاستاذ اللي بيقول عربيه زميله فتيسها بينتش يفيدنا اكتر عشان الواحد مقلق كده
والموضوع حصل معاه ازاي
والتوكيل عمل ايه
احنا توكلنا على الله واشتريناها اول امبارح
العربيه ما شاء الله تحفه
و رحنا بيها مشاوير كتير لحد دلوقتى ملحظناش حاجه وجوزى اتصل بالتوكيل قبل ما نشتريها وسألهم قالولوا اننا جايلنا تنبيه من الشركة الام ان المشكلة دى خلاص اتحلت فى موديلات ٢٠١٥ وانها كانت فعلا موجودة فى موديل قبل كده بس دلوقتى خلاص معرفش بأه ده كلام بيريحونا بيه ولا ايه
وبالمناسبه احنا حطينا بنزين ٩٢ عادى مش ٩٥ يعنى
ادعولنا بالبركة وان ربنا يرزقنا خيرها ويكفينا شرها يارب وتبقي قدم سعد علينا
ومتشكرة لردودكم واهتمامكم
بالتوفيق ربنا يدليكم خيرها ويكفيكم شرها
ألف مبروك
العربية جميلة و مع واحد صاحبي عاملة 6000كم حتى الان
و بدأت تنتشر جامد في الشارع...في اليوم بشوف حوالي 4-5 عربيات منها
الله يبارك فيكم
ربنا يطمنكم
اولا : الف مبروك و ربنا يبعدك عن شر طريقها ...
ثانياً : فى الزحمة خليها وضع المانيوال ( استبترونك ) افضل لتفادى اى مشاكل
ثالثاً : يفضل بنزين 95 عشان الـ 92 مع الوقت هتسمع صوت تكتكة فيفضل 95 احسن ... احد الاعضاء جرب خلط 95 على 92 و كان تمام بس الله و اعلم