ياريس و لا 301

**khaledserag** · 07-02-2015 07:01 PM

شكرا لكل من اهتم
للاسف انا مش هقدر ازود المبلغ اطلاقا
و شايف الاعلبية اجمعت على الياريس
و دى كانت وجهة نظرى من الاول
انا دلوقتى عايز اسال هو لو استنيت للمعرض ممكن الاقى عروض اسعار و لا مش فارقة

**ahmedz310** · 07-02-2015 08:55 PM

الياريس افضل ودي مجرد وجهة نظر انا كنت بجيب في نفس الفئة السعرية بس فضلت ريو الفئة dab&abs
بالنسبه بقي للمعرض فمن رأيي تشتري دلوقتي افضل عشان الدولار اللي في الطالع ده فمحدش ضامن الأسعار

**Ahmed emad has** · 07-02-2015 09:14 PM

السوزوكي سياز حلوة برضوا وهتوفر شويتين

**khaledserag** · 07-02-2015 11:07 PM

المشاركة الأصلية كتبت بواسطة ahmedz310

الياريس افضل ودي مجرد وجهة نظر انا كنت بجيب في نفس الفئة السعرية بس فضلت ريو الفئة dab&abs
بالنسبه بقي للمعرض فمن رأيي تشتري دلوقتي افضل عشان الدولار اللي في الطالع ده فمحدش ضامن الأسعار

الريو من اجمل العربيات اللى موجودة فى الفئة السعرية دى ربنا يبارك لك فيها
بس سالت كتير معاهم قالولى ان عندهم مشكلة حك العربية فى المطبات مع التحميل ورا
و انا غالبا العربية بيكون ولادى معايا فيها و كمان الشنطة بيبقى كتير فيها حاجات فده اللى قفلنى منها
مع انى لما فكرت انى اغير عربيتى كان السبب الاساسى اعجابى بالريو

**ابو هنا** · 09-02-2015 09:21 PM

لو استخدامك اكتر في وسط المدينة والذحام الشديد الياريس حتكون افضل واريح
اما لو استخدامك خارج المدينة وطرق سريعة في الحاله دي اواكدلك ان البيجو 301 حتكون صفقة رابحة
بالنسبة لقطع الغيار فالبيجو ارخص من الياريس دة بالنسبة لو حتتعامل مع التوكيل
البيجو مش ممكن تلاقي قطع غيارها خارج التوكيل بعكس الياريس
المساحة الداخلية وحجم الشنطة البيجو حتكون مرضية جدا
طبعا اعادة البيع الياريس افضل بكتير
برستيج وهيبة وقيمة البيجو افضل استخير ربنا واشتري الي انت حبه

**محمد مجدي محمد** · 10-02-2015 11:30 PM

بلنسبة لتحمل المشاوير فالبيجو بتستحمل كويس
بالنسبة للتوكيل ممعرفش بصراحة توكيل مين افضل
بالنسبة لقطع الغيار اعتقد ال301 ممكن تكون موجودة منتشرة اكثر لانها منتشرة اكثر من الياريس
بس بالنسبة للتوكيل و قطع الغيار بقول لحضرتك تاني انا مش متاكد مالبقولهولك