الموضوع: اصحاب الخبره في الاوبل استرا الجديده ارجو الافاده سريعا للأهميه

اصحاب الخبره في الاوبل استرا الافاضل ارجو الافاده سريعا للأهميه ،،
معروض عليا اوبل استرا موديل 2013 انجووي ، انا كنت جربت الكوزمو تيربو قبل كده مع واحد صاحبي
فعايز رأيكم في العربيه بشكل عام ،
وعايز اعرف ايه الاختلافات بينها وبين الكوزمو بالظبط ، ايه اللي موجود في الكوزمو ومش في الانجوي
و لاحظت في العربيه انها مفهاش usb فهل اقدر اغير الكاسيت بكاسيت اخر تاتش ولا مش موجود للأسترا ، بدل منظر الشاشه الصغيره والدرج اللي تحتيها ده اللي مش لطيف للأسف
والشاشه اللي في النص مابين العدادات بتعرض السرعه ديجتال زي الكوزمو ؟
ومن خارج العربيه مفيش فيها الفريم النيكل اللي حولين الازاز ، هل ده بيتباع يعني اقدر اركبه بعد كده ( اصل بصراحه ظابط شكل العربيه )
واخر سؤال ليا سعر العربيه في رنج كام ، مع العلم ان العربيه انجوي 2013 لونها فيراني فابريكه بالكامل عداد 33 الف كيلو

معلش انا اسف لكتر اسألتي بس انا عارف ان رجاله اوبل في الموقع هنا محترمين جدا ومش بيبخلوا على حد بالنصيحه والافاده ، وانا خايف اجيب العربيه واحس انها فقيره في امكانياتها ،، وبعتذر مره اخرى على الاطاله

المشاركة الأصلية كتبت بواسطة احمد فهمى

الفروقات كتير والتربو اتوقف انتاجها وكانت اعلى فئه وصعب تركب الكماليات بينهم ﻷن فى فروق جوهريه زي نظام التعشيق والفرامل الالى ومحدد السرعه يعنى تعمل حسابك تتعايش بنفس المواصفات لنفس الفئه او تشوف موديل اعلى بس 33 الف كيلو ده قليل بس لو انت مش بتركب المانى متشتريهاش ﻷن كل الجديد عايز صيانات وتوكيل ودوشه ميعرفهاش مالكى اليابانى والكوري

انا عارف ان التربو اتوقف انتاجها ، انا قصدي ايه الفروقات اللي بينها وبين الكوزمو العاديه ؟
ويعني ايه في فرق في نظام التعشيق ؟ ، ومع العلم ان الانجوي برده فرامل اليد كهرباء
وياريت لو تعرف تقولي الانجوي بالحاله دي بتلعب في رنج كام فلوس

ومتشكر على الرد والاهتمام :)