اصحاب الخبره في الاوبل استرا الافاضل ارجو الافاده سريعا للأهميه ،،
معروض عليا اوبل استرا موديل 2013 انجووي ، انا كنت جربت الكوزمو تيربو قبل كده مع واحد صاحبي
فعايز رأيكم في العربيه بشكل عام ،
وعايز اعرف ايه الاختلافات بينها وبين الكوزمو بالظبط ، ايه اللي موجود في الكوزمو ومش في الانجوي
و لاحظت في العربيه انها مفهاش usb فهل اقدر اغير الكاسيت بكاسيت اخر تاتش ولا مش موجود للأسترا ، بدل منظر الشاشه الصغيره والدرج اللي تحتيها ده اللي مش لطيف للأسف
والشاشه اللي في النص مابين العدادات بتعرض السرعه ديجتال زي الكوزمو ؟
ومن خارج العربيه مفيش فيها الفريم النيكل اللي حولين الازاز ، هل ده بيتباع يعني اقدر اركبه بعد كده ( اصل بصراحه ظابط شكل العربيه )
واخر سؤال ليا سعر العربيه في رنج كام ، مع العلم ان العربيه انجوي 2013 لونها فيراني فابريكه بالكامل عداد 33 الف كيلو
معلش انا اسف لكتر اسألتي بس انا عارف ان رجاله اوبل في الموقع هنا محترمين جدا ومش بيبخلوا على حد بالنصيحه والافاده ، وانا خايف اجيب العربيه واحس انها فقيره في امكانياتها ،، وبعتذر مره اخرى على الاطاله
المفضلات