ارجو الافادة من الناس اللي راكبين العربية عندي الزيت بينقص جامد و مفيش ترشيح ولا حاجة مكسورة بتنقط بس اللمبة بتنور و لما اروح اغير زيت بينزل ناقص ومش فاهم حاجة هل ده بسبب مشكلة في الموتور ولا عيب في الزيت يا ريت الافادة
عرض للطباعة
ارجو الافادة من الناس اللي راكبين العربية عندي الزيت بينقص جامد و مفيش ترشيح ولا حاجة مكسورة بتنقط بس اللمبة بتنور و لما اروح اغير زيت بينزل ناقص ومش فاهم حاجة هل ده بسبب مشكلة في الموتور ولا عيب في الزيت يا ريت الافادة
عامل كام الف
100 الف بس ايه العلاقة
عامل كأم كيلو وهل فى دخنة بيضا من الجكمان
مفيش اي دخنة خالص بس لمبة الزيت بتنور و خلاص كدة
100 الف رقم موش قليل في الصيني شوف الاول الموتور فية بخر ولا لا عن طريق غطا الزيت والعربية سخنة ولما تتاكد ان مافيش تسريب وفية بخر كدة يبقي موتور وابتدي استعمل زيت اتقل بتاع ال5 تلاف او 3 تلاف متحطلهاش زيت تخليقي خالص
طيب هعرف موضوع البخر ده ازاي وانا بحط موبيل دلوقتي
100 الف يعني الموتور لسه بحالته
حاول تروح لحد مختص باسبرانزا وتاكد تماما ان مفيش تسريب وفيس كبس الموتور علشان تعرف كفائته
هل هو فعلا خفيف وبيودع
ولا في سبب تاني
انا روحت محطة موبيل امبارح ورفعت العربية ومفيش اي تسريب وغيرت زيت موبيل غي المحطة قلت يمكن الزيت كان مضروب والراجل قاللي مفيش اي سبب يخلي الزيت ينقص كدة انا محتار ومش فاهم و خايف عالعربية
الاخ سامح بعد البحث والتذكر
راجع بلف السايكون هو المسؤل عن الفايظ والبخر بتاع الزيت
وفي تعديل كمان بيتعمل بتشتري البلف بتاع ما بعد 2011
انا اشك فى نوع الزيت و الله اعلم و صوت الموتور فى الدوران الصبح عامل ايه ؟؟؟؟؟؟ 100 الف كيلو قليل جدآ على موتور زى موتور الاسبيرانزا و تحياتى لك
صوت الموتور طبيعي جدا جدا و العربية مفيش فيها اي تغيير في المشي والسحب خالص و ده اللي مخليني مستغرب اللي بيحصل بس عاوز اسال استاذ هوجان هو غين بلف السايكون ده عشان انا خبرتي قليلة في العربيات وازاي اعرف انه بايظ ولا سليم
أنصحك تقرا الموضوع ده الأول..
http://www.nilemotors.net/Nile/418186-a.html
...
زي ماقولت لك محتاج تروح لحد مختص باسبرانزااقتباس:
المشاركة الأصلية كتبت بواسطة samehsalem
بلف السايكون انا غيرته قبل كده
بس في تعديل عليه من موديلات 2011 بنوعيه افضل وميكانيزه خلاف الموديلات السابقه
الافضل تروح مركز زي المتحده بعيدا عن العك بتاع الورش
اضافة صغيرة بس ... لو البلف باظ العربية بتبلرجل مع الدوارة ... والا يبقي البلف بيقفل و يفتح مظبوط ....
اهم حاجة غطا الزيت و دخنة الشكمان و تسريب لو فيه ... لو مفيش يبقي الزيت كان مضروب ولله اعلي و اعلم ...
ان شاء الله هتبان مع التغييرة دي و ابقي طمنا
انا رحت ل ابانوب قاللي بلف السايكون نزلت اشتريته من بكين في شارع دمشق , و غيرته و ربنا يسهل و يتظبط
بلاش بكين حاجته كلها مضروبهاقتباس:
المشاركة الأصلية كتبت بواسطة samehsalem
يازكي جرجس
يا فرع ابو الفتوح اﻻفضل
البلف ده بالذات هاته من ابو الفتوح "دمشق او تكنو"
حضرتك نقص الزيت دة مع عدم وجود دخنه من الجكمان والعربيه بدور عادى ومفيشهاش اى مشكله دة حصل معايا
وكان طقم شنبر عاوز يتغير