الموضوع: استطلاع لمالكى الكورولا الجنوب أفريقى بخصوص الفتيس Mmt

سبعاوى باشا

فى كلام إن الكرولا حتنزل أتوماتيك فقط مش MMT
ما تستنى لما تشوف المعرض و تتأكد من المعلومة دى

أظن دى حتبقى مناسبة ليك

المشاركة الأصلية كتبت بواسطة sab3aawy

انت هنا عملت زى اللى قال" ولا تقربوا الصلاه " وسكت عن استكمال الآية، انا بالفعل قلت ان لو تويوتا عملت تكاتك الناس فى مصر هتشتريها، لكن مقلتش نهائيا ان كل انتاج تويوتا ردئ، لكن ده لا يمنع ان تويوتا ليها حاليا اكتر من منتج تباع فى مصر لا يقال عنها سوى انها بالفعل رديئة، لكن لها منتجات اخرى نرفع لها القبعة احتراما، وعموما انا لو لقيت انى يوم ما هشترى تويوتا هدفع جنيه واحد زيادة عن مثيلاتها فى السوق علشان اسم تويويا فصدقنى لن ادفعه و ده بالمللى اللى حصل معايا عند شراء سيارتى الحالية ومقارنتها بالموديل السابق من الكورولا اللى كان فيه مبلغ لا يقل عن 20 ألف زيادة عن مثيلاتها دون فروق تكنلوجيه علشان اسم تويوتا، والعشرين الف كانت معايا لكن فضلت ان غير بها سيارة زوجتى بالمرة على انى ادفعها فى حتة علامة معدنية،فبالتالى انا يوم ما اشترى سيارة بدوع على قيمة حقيقة احط فيها فلوسى، لا الخوجة تويوتا هو ابن عمى ولا هو قاتل ابى، لو تويوتا عندها قيمة كويسة بسعر منافس هشترى، معندهاش يبقى تولع بكل منتجاتها

بذمتك دا كلام قارنت الصنى بالكورولا الشكل القديم ولاقيت ان هتدفع 20 الف جنيه زيادة فى الكورولا ومفيش فرق؟

مع ان توقيعك عن التجميع المحلى للصنى بيقول غير كدة

طول عمر الناس فى مصر بتعبر العربية Fixed asset يعنى وقت اما يعوز فلوس ممكن يبيع العربية بأعلى سعر ودا اللى موجود فى تويوتا ومش هتلاقيه فى الصنى وعلى رأى التجار التويوتا جنيه دهب عمره ما يقل تمنه

ان لتويوتا لا بنت عمى ولا بنت خالتى ولا تفرق معايا فى حاجة

الفتيس مش عاجبك ودا رأيك انما توقعك ان العربية فاشلة وان فيه عيب فى الجير بوكس لمجرد ان العربية مش عاجبك دا الاختلاف

المشاركة الأصلية كتبت بواسطة sab3aawy

كلام يحمل تلميحات محبش ارد عليها

النوايا الحسنة واضح انها مش موجودة انت فهمت الكلام بطريقتك

المشاركة الأصلية كتبت بواسطة sab3aawy

انت صح 100% طبعا، لكنها سياسة دفاعية متبعة فى مجتمعنا وبعض المجتمعات الاخرى، ان لما يكون فيه توجه عام لمناصرة قضية معينة بين المتناقشين ويأتى من يكون له رأى مخالف تنقلب الآية كلها لمناقشة مدى عقلانية ذور الرأى المخالف ومدى موضوعيته ، بل والتهكم على شخصه وطريقة تفكيرة واختياراته، وذلك لكى يقف فى موقف المدافع عن نفسه وعن حالته العقلية فيما يتضمن ضمنيا ابعاده تماما عن طرح اى رأى مخالف لرأى جماعة المتناقشين، يعنى اللى يدخل منتدى تويوتا علشان يغلط فى ستنا الكريمة العظيمة السيدة تويوتا فالموجودين هنا لن يقارعوه الحجة لكن سيتهمونه فى قواه العقلية لأن اسم تويوتا يجب ان يبقى بعيدا عن دنس المدنسين

عموما انا ساتوقف عن مناقشة هذا الموضوع لانى دخلت اناقش قضية فنية صرف تتعلق بآلية تحمل مجموعة من المشاكل ، لكنى وجدت ان الرأى العام هنا ان المشكلة ليست موجودة اصلا ولكن انا اللى جاهل وبيتهألى ، حتى ولو قال العالم كله خارج ساحة تويوتا بمنتدى نايل موتورز ان فيه مشكلة ، لكن العالم كله جهلاء وعندهم تهيؤات مثلى ، وبالتالى لم اصل لأى رأى له علاقة بالفنيات، ولذلك فسانسحب بما تبقى من كرامتى واعود لساحات الجهال، هنيئا لتويوتا اتباعها المخلصين، بس اللى فعلا عرفته ان الوضع لم يتغير عن 3 سنوات مضت عند المقارنة السابقة، وان الناس لا تزال تدفع عدة عشرات من الآلاف للحصول على علامة تويوتا فقط ولذلك فهم لا يسمحون لاحد بالغلط فى الماركة المقدسة ، وحيث ان ده مش اسلوبى فى الحياه فاعتقد قصتى مع تويوتا انتهت على كدة وقبل ان تبدأ اصلا

روق دمك يا استاد سبعاوى
احنا بنخش على الانترنت وعلى المنتدى عشان نستمتع بعالم السيارات اللى احنا محرومين منة بسبب قانون الجمارك اللى مخلى معظم الناس مش عارفة تجيب العربية اللى بتحلم بيها وملاهاش لازمة نزعل او نزعل الناس منا

المهم انا هحكيلك حكاية حصلتلى واكيد حصلت لناس كتير

انا من 8 سنين اشتريت فيات 128 موديل 1971 و كانت اول عربية وكانت عربية قديمة جدا زى ما انت شايف بس بصراحة حالتها كانت ممتازة وماكنتش مزعلانى وكنت بسافر وباعمل اللى انا عايزة

العربية كنت جايبها من 8 سنين ب 14 الف جنية وكانت حالتها ممتازة وكل الناس عارفة قد اية الناس بتعشق الفيات 128 لرخص قطع الغيار وفى نفس الوقت كل الصنيعية بتفهم فيها

المهم من خمس سنين قررت اغير العربية وكان فى الوقت دة الاسعار غالية قبل نزول الجمارك الاخير

وكان كل اصحابى نفسهم يشتروا منى العربية لدرجة انى كنت لما ادخل بنزينة الاقى واحد يجى يسالنى ( تبيع يا استاد؟؟)

طبعا ما اخبيش عليك كان احساس جميل انك بتبيع العربية وبتطلب المبلغ اللى انتا عايزة والناس بتدفع لانها عربية مرغوب فيها المهم بعت العربية بعد استخدامى ب 3 سنين ب 17 الف جنية يعنى بزيادة 3 الاف جنية

لما جيت اجيب عربية تانية فى الوقت دة كانت العربيات غالية فى الوقت دة وكانت السويفت والهيونداى اكسل اللى حالتهم كويسة ب 50 الف

المهم انا عملت زيك دلوقتى وقلت انا لازم اركب عربية محترمة وتعجبنى وكون مقتنع بيها

اشتريت وقتها فورد اسكورت موديل 99 والناس اللى معاها العربية يقولوا اد اية العربية دى محترمة وبقالها معايا 5 سنين وبصراحة معملتش معايا حركة نقص وعرفت اماكن قطع الغيار والناس اللى ممكن تصلحها

المهم لما جيت ابيع الفورد اليومين دول تخيل سمعت كام؟؟؟ سمعت 25 الف جنية!!!!
يعنى خسارة 50 % فى خمس سنين
طبعا انا مابعتيش وكانت النتيجة انها لسا معايا!!

فى مثل فى السوق بيقول ( حسن السوق ولا حسن البضاعة)

يعنى لو البضاعة جيدة بس سوقها ماشى احسن من البضاعة الممتازة اللى سوقها واقف

طبعا دة قانون من قوانين السوق اللى محدش يقدر يوقف قدامة واللى هيفكر يعاند هتكون النتيجة زى ما حصل معايا وطبعا محدش يرضا الخسارة لحد

ودة مش فى العربيات وبس

دة فى كل حاجة تقدر تقولى الناس لية بتجيب نوكيا وسايبة الموتورلا و السونى اريكسون العظيم

ياريت اكون قدرت اوصلك وجهة نظرى وفى الاخر كل ماركات العربيات عظيمة ومنتشرة فى كل بلاد العالم زى المتسوبيشى والتويوتا والهيونداى والنيسان والفيات والاسكودا ومش احنا اللى هنقيم الشركات دى فى مصر وعلى فكرة مصر تعتبر سوق صغيرة لمعظم الشركات ودة عشان الجمارك

وتقدر تشوف معرض السيارات فى دبى ومعرض السيارات فى القاهرة وانت هتعرف قصدى

واسف للاطالة

يا جماعة مش عايزين الحماس يا خودنا ونقول كلام غريب!!!

احنا بنتكلم على التويوتا –عربيات المليون كيلو

يعنى لو حد راح عمرة او بيشتغل فى الخليج وركب تاكسى عربية كامرى - عادى انة يلاقى عداد العربية عامل 700 الف كيلو والعربية حالتها زى الفل والتكييف هناك فى العربيات شغال بالنهار والليل ودرجة الحرارة بتعدى 50 درجة والرطوبة بتعدى 80%

التويوتا معروف عنعها انها(Law Running Cost) او اقل مصارييف تشغييل مقارنة بالامريكانى والاوروبى

احب اكلم عن الميكروباص اللى الاخوة اتريقوا علية قبل كدة وقالوا بيركب بالنفر

التويوتا لما عملت الميكروباص والسواقيين جربوة على الطرق المصرية – فى الوقت دة السواققين قالوا ( راحت على البيجو 79) ودة لاسباب كتير منها انة اقل مصاريف تشغييل زى ما قلنا قبل كدة

وطبعا كلنا عارفين اية هو البيجو 79 ال 7 راكب معجزة الطرق المصرية اللى شغال لحد النهاردة على الطرق بين المحافظات