اقتباس المشاركة الأصلية كتبت بواسطة scientist9508 مشاهدة المشاركة
بسم الله الرحمن الرحيم

اﻷخ الفاضل قناوى

بكل الود و الصداقه . . . أصبحت أشفق عليك من الحيره الشديده التى تعانى منها.

يا أخانا الكريم . . . هون على نفسك . . . اﻷمر ﻻ يستحق كل هذا العناء . . . على حد علمى أنك طرحت أربعة مواضيع للمناقشه و التصويت . . أنا ﻻ أقصد شىء سىء و أؤكد أنك موضع ترحيب و لكن . . . هون عى نفسك.

سأخبرك بشىء ما ربما يقلل حيرتك بعض الشىء.

لكل صناعة فلسفه و تكون هذه الفلسفه هى قاعدة إنطلاق تسويق منتجات هذه الصناعه و إليك أمثلة للتوضيح.

1 - الصناعه اليابانيه (كل السيارات اليابانيه):

فلسفة الصناعه اليابانيه (ثقافة الصناعه اليابانيه . . . حتى ﻻ يعترض أحد على مسمى فلسفة) هى تصنيع منتج طول العمر و هذا واضح جدآ فى كل المنتجات اليابانيه حتى غير السيارات و لذلك تعتنى الصناعه اليابانيه باﻷساسيات و الثوابت الهندسيه و لكنها تعمد إلى تقليل وسائل الرفاهيه و تقليل مكونات التابلوه (تابلوه فقير) ليخرج المنتج للسوق بسعر منافس.
ملحوظه :
رفاهية و غنى التابلوه يتغير من ماركه ﻷخرى كما يتغير من فئه ﻷخرى داخل نفس الماركه

2 - الصناعه الصينيه و الكوريه:

فلسفة الصناعه الكوريه و الصينيه هى تصنيع منتج جميل الشكل و المظهر يخطف القلوب و يستقطب اﻷبصار من النظره اﻷولى و لكنها منتجات قصيرة العمر إذا ما قورنت بنظيراتها اليابانيه فقيرة جدآ فى وسائل اﻷمان إذا ما قورنت بنظيراتها اﻷلمانيه . . وخير دليل على كلامى هذا أن الفئات العاليه جدآ من السيارات الكوريه و التى يتوفر فيها اﻷمان و الثبات و قوة المحرك لها ثمن مرتفع جدآ حتى ﻻ يفكر فى شرائها إﻻ القليل.

مثال للتوضيح فقط:

شركة كيا تعاقدت فى اﻷعوام اﻷخيره مع نفس الشخص الذى كان يصمم الشكل الخارجى لسيارات مرسيدس و هذا يعكس لك إهتمام شركة كيا الشديد بجمال الشكل الخارجى و هذا هو السر فى أن سيارات كيا فى السنوات القليله الماضيه لها أشكال جميله فعلآ.

3 - الصناعه الألمانيه:

فلسفة الصناعه اﻷلمانيه تتقارب جدآ جدآ مع فلسفة الصناعه اليابانيه لذلك تجد صعوبه بالغه فى المقارنه بين السيارات اليابانيه و اﻷلمانيه (هذا إن تمت المقارنه على أساس هندسى علمى و ليس على أساس المزاج و الهوى و اﻹنفعال) . . . و لكى يكون كلامى دقيق . . . فإن الصناعه اﻷلمانيه تتفوق على الصناعه اليابانيه فى تسليح سياراتها بوسائل أمان.

أكره أن أطيل فى الحديث أكثر من ذلك و خاصة أن اﻷمر كثير العناصر و حديثه يطول و يتعدد فقرات و فصولا. و ما أردت بكل هذا الحديث إﻻ أن أبلغك بأنك لن تجد كاملة اﻷوصاف أبدآ.

ربما ﻷننى مهندس فإن الثوابت و المواصفات الهندسيه هى عشقى اﻷول لذلك أضعها فوق الشكل و الرفاهيه و هذا هو سر إنحيازى لسوبارو على الرغم من إننى لست من ملاكها.

ربما لو نظرت داخل نفسك لتكتشف ﻷى الفلسفات تميل ﻷصبح إختيارك للسياره أيسرو أسهل.

أعتذر عن اﻹطاله و أرجو أن أجد فى صدرك رحابة تسع ذلك

هداك الله ﻷرشد أمرك و أقومه

السلام عليكم و رحمة الله وبركاته
انا و الله مش عارف اقول لك ايه شكرا
انا كمان مهندس مدنى و انا عارف الفرق بين الكورى و الالمانى و كان عندى سكودا a4 و دلوقتى اوبترا طبعا كان فى فرق لصالح السكودا لكن برضه كل واحده ليها ميزتها يعنى السكودا عمرها موقفت مننا على الطريق و كانت موديل2000 و مكنتش باعملها صيانات و كنت ساعات بحط لها بنزين ٨٠ و كنت مبهدلها و كنت ساعات بحمل سيراميك فى شنطتها و مكنتش بتقول لا:-)
اما الاوبترا طبعا مش بتاعة الكلام ده لكن موتور قوى و قليلة الاعطال مع انى مش بعملها صيانات و تكييف حلو
يعنى اقصد من الكلام ده كله ان كل واحده ليها مميزات لكن تظل مميزات الالمانى احسن و بعدين احنا بنقارن سكودا موديل 2000 و اوبترا موديل 2008 و السكودا اللى كسبت مع انها قديمه يعنى المفروض نقارن الاوبترا بسكودا موديل2008 و ساعتها هيبقى فى فرق رهيب لصالح سكودا
يعنى انا اقصد بالكلام ده ان التيجوان حلوه بس شكلها من بره مش حلو اوى و كمان شكلها صغير اوى من بره
هى طبعا لا تقارن بالكورى لكن اللى خلاها تقارن بيه ان الكورى دلوقتى فى مصر زى الرز يعنى وانتا ماشى فى الشارع هتلاقى اغلب العربيات اللى بتشوفها كورى بس شنطة السوبارو 380 لتر يعنى زى التيريوس تبقى كويسه كفايه ان اختبار الثبات بتاعها هى و البيجو العربيتين بس فى العربيات العاليه اللى مركبلهاش سنادات بدل الاكصدام علشان لو اتقلبت اثناء الاختبار و ده معناه ان هم واثقين فى ثباتهم
و اسف انى طولت عليكم