الموضوع: تحليل لاستبدال الدولار فى الوردات والضادرات من روسيا ليه تاثير على الجنية

المشاركة الأصلية كتبت بواسطة maio_do

تحليل كويس بس فيه نقطة انا مش فاهمها ليه التعامل هيبقى بده او ده فقط مايبقى الصادرات بالمصرى والوردات بالرويل

طب و روسيا هتعمل ايه بالجنيه المصري دة كله اكيد هتعيد ضخه في الخليج او ممكن تدينا صاروخ متين و تبدله للسياح و هما جايين مصر

و بعدين احنا لو السياح الروس دفعوا روبل هنغيرة دولارات علشان نستورد بيه حاجات تانيه مع بقاء مشكلة كبيرة و هي تنسيق دة مع الفنادق و البازازات ... الخ او علي الاقل السياح يغيروها من الصرافه او البنك حاسس التحكم فيها صعب شويه

ياريت حد يفهمنا اكتر - بعيدا عن الهوي السياسي سواء مع او ضد -

اعتقادي انه موضوع غير ذي جدوي لدوله بنستورد كل شيء و مش بتصدر حاجة


ملحوظه : اعتقد عبد الناصر عمل كدة زمان مع المعسكر الشرقي بس كان نظام مقايضه مش عملات - لكن في ساعتها كنا بنصدر حاجات كتير فالموضوع كان جايب همه و موفر فلوس

متابع

المشاركة الأصلية كتبت بواسطة m.mosaad

طب و روسيا هتعمل ايه بالجنيه المصري دة كله اكيد هتعيد ضخه في الخليج او ممكن تدينا صاروخ متين و تبدله للسياح و هما جايين مصر :_alshmokh15[1]:

و بعدين احنا لو السياح الروس دفعوا روبل هنغيرة دولارات علشان نستورد بيه حاجات تانيه مع بقاء مشكلة كبيرة و هي تنسيق دة مع الفنادق و البازازات ... الخ او علي الاقل السياح يغيروها من الصرافه او البنك حاسس التحكم فيها صعب شويه

ياريت حد يفهمنا اكتر - بعيدا عن الهوي السياسي سواء مع او ضد -

اعتقادي انه موضوع غير ذي جدوي لدوله بنستورد كل شيء و مش بتصدر حاجة


ملحوظه : اعتقد عبد الناصر عمل كدة زمان مع المعسكر الشرقي بس كان نظام مقايضه مش عملات - لكن في ساعتها كنا بنصدر حاجات كتير فالموضوع كان جايب همه و موفر فلوس

كلامك منطقى برده بس فيه عملات كتير احنا بنعمل بيها اية ريال ودينار وعملات باقى الدول ماعنديش فكرة نظام التعامل عايزين حد خبره فى الاقتصاد والمجال عموما يفهمنا الوضع اية

زي ما استاذ أحمد كمال وضح. نشوف بيجيلنا منهم ايه وبنوديلهم ايه عشان نفهم
اللي اعرفه ان دخل السياحة الروسية 2 مليار دولار تقريبا.

التلات شهور اللي فاتوا السياحة الروسية انخفضت بمقدار كبير, معرفش بالظبط كام لاننا معندناش أجهزة تقدر تقدم معلومات دقيقة. بس كفاية انك تعرف اغلب فنادق شرم الشيخ كان عندنا غرف شاغرة في رأس السنة. ودا يدل على الانهيار اللي حصل في السياحة الروسية. طبعا بسبب أزمة البترول والروبل.

طيب لما انت تحول ال 2 مليار دول لروبل. انت هيحصلك عجز في المقابل للدولار
اللي انت حاليا عندك عجز رهيب فيه ادى لرفع السعر الرسمي 50 قرش. والدولار عندك أهم من اي عملة أخرى. مهما كانت العملة دي ايه قيمتها

ربما اللي فكر في القرار دا فاكر انه كدا هيجذب سياحة زيادة لما يوفرلهم السياحة بالعملة الروسية وتخيل ان كدا السياحة هتزيد مثلا (ومستبعدش ابدا يبقى تفكير العباقرة دول كدا).
وجهة نظري ومن شكل الزيارة والدعايا المفرطة لها. انها ابتزاز لأمريكا بس حركة بلدي أوي وباينة, وروسيا هتستفيد منها لما تبيعلنا شوية سلاح مركون عندها وتستفيد من هبوط عملتنا في تسهيل بعض الصادرات عشان يساعدهم في الازمة اللي عندهم.

قارن الزيارة دي بزيارة أردوغان لروسيا, اللي وقعوا اتفاقية تبادل تجاري بمبلغ (100 مليار دولار). دا يخليك تعرف حجمك وتفهم الموضوع ماشي ازاي بعيد عن الدعايا الإعلامية الفارغة

المشاركة الأصلية كتبت بواسطة هيثم مجدي

وجهة نظري ومن شكل الزيارة والدعايا المفرطة لها. انها ابتزاز لأمريكا بس حركة بلدي أوي وباينة, وروسيا هتستفيد منها لما تبيعلنا شوية سلاح مركون عندها وتستفيد من هبوط عملتنا في تسهيل بعض الصادرات عشان يساعدهم في الازمة اللي عندهم.

السلاح الروسي الخليج دافع تمنه

وعيب لما تقول عالـ s-300 شوية سلاح مركون عندها :)

وفقا لإيتار تاس بتاريخ ١٧ يناير ٢٠١٤ خط الانتاج تم توجيهه لتلبية مشتريات عميل شرق أوسطي وتم تمويه المعدات بالأصفر

المشاركة الأصلية كتبت بواسطة أحمد كمال

الروبل ده ورق تواليت حضرتك

أول مرة أتفق معاك :)

عموما أعتقد ان العائد الايجابي اللي هيرجع على مصر هو ازدهار السياحة الروسية مرة أخرى

خصوصا بعد أزمة الدولار في روسيا أدى لتراجع السياحة في شرم والغردقة