الموضوع: الطمع والسذاجة

يا باشا التجاره مش عيب و كل واحد ليه الحق انه يشوف اسعار السوق قبل ما يحط سعره
مثلا انت راجل مستعجل او مزنوق في الفلوس هتنزل عربيتك ارخص غيرك معندوش مشكله لو العربيه قعدت معاه سنه علي ما تتباع
المشكله الحقيقيه في سعر الدولار اللي بيزيد كل يوم و بيرفع معاه سعر الجديد و بالتالي سعر المستعمل

محدش قال ان التجارة عيب لكن الشغلانة دى بالذات فييها لعب كتير اوى والناس الكويسة فيها مش كتير والله على اللى بنسمعوه من اللى جربوا

الاخ اشرف ماله سعر الدولار بالموضوع هو انت بتشترى دهب ولا بيت ولا ارض حتى دى سلعه مستهلكة مش معمرة ايه ياجماعة وبعدين متشوف الزيرو تلاقى عربية النترا 2007 بسعر اوكتافيا 2007 حاجة غريبه اوى وبعدين لامؤخذه يعنى محدش بيبيع عربية الا ولازم يكون فيها لايمكن تركب مستعملة وتحس انك راكب زيرو او على الاقل كسر زيرو لازم تلاقى حاجة غلط اسلوب بقى التجار ده مش تمام على رفع الاسعار وبعدين كلها كام شهر لما نشوف زيادة البنزين تانى دى هنبيع عربياتنا ولا ايه الدنيا

لسه قارى مش شوية موضوع واحد عمله انه اشترى عربية ريجاتا فيها بروما وصرف عليها اكتر من 7000 وخسر لما باعها وكان واحد صحبه اوى اللى ملبسه فيها العملية مبقتش مضمونة بس والله فيه ناس كتييير محترمة الاولى هنا اننا ناخد حذرنا اذا كان مع قريب او غريب

وتيجى تتكلم يقولك السوق عرض وطلب

المشاركة الأصلية كتبت بواسطة sadek9518

الواحد اما يفكر فى الشرا المستعمل بالذات فاول حاجة بيتجهلها هى مواقع البيع عن طريق الانترنت الدوبزل او كونتكت او او اللى بيحصل ان سعر العربية بيبقى مثلا 50 وبيبقى قابل للتفاوض كمان بس اللى بنلاقه اسعار خيالية بيزود 5 ويمكن 10 على السعر ودى بتبقى اللعبة فيه فعلا ناس فاهمة بتنزل اسعار معقولة جدا فانت عندك هنا جيش من التجار قاعدن على المواقع دى لشقط اى عربية سعرها معقول وبعد فترة تنزل نفس العربية بنفس الصور وزايدة كيلو مترات وزايدة كماان فلوس وفلوس مبالغ فيها فعشان كده متوسط اسعار العربيات دى بيزيد وبيحصل ان متوسط سعر العربية ده يزيد كمان فى الشارع ودى تبقى الكارثة لما تيجى تفاصل مع واحد وتقوله ان سعر عربيتك كذا لان ده سعرها الطبيعى يقولك لالالالا انت بتهين العربية ومش عارف ايه واحيانا يقتنع فى الاخر واحيانا تانية بتتباع العربية بالسعر ده لوجود اشخاص سذج يفتكروها فرصة وطبعا التاجر بيبقى شاطر وكل تاجر وليه قصة يحببك فى عربيته وبالتالى انت لما تيجى تبيع هتبيع على اساس المبلغ اللى اشتريت بيه العربية فيه امثلة كتير مثلا كان فيه حد هنا عارض عربيته كانت تقريبا مش متذكر اوى اكسيل 97 على 46000 جنيه ليييييييييه ولما ملاقاش استجابة او عرف سعرها الحقيقى نزلها كذا مرة المهم الحكاية دى كبيرة وهتضر السوق كله جااااامد والموضوع فى الاخر طمع تجااار وسذاجة مشتريين وسلبية مننا ...

كلام مظبوط فعلا الواحد اليومين دول بيشوف حاجات غريبه تلاقى واحد معاه عربيه موديل كام وسبعين وعايز يبعاها ب 80000 افضل شئ اللى عايز يجيب عربيه يبعد كل البعد عن المستعمل حتى لو كان كسر زيرو
نصيحه لوجه الله الناس مبقاش عندها ضمير يا راجل حتى لو كان اخوك وبيبعلك عربيه متامنلوش ده زمن اسوووووووووووووووووود

المشاركة الأصلية كتبت بواسطة ashrafwolf

يا باشا التجاره مش عيب و كل واحد ليه الحق انه يشوف اسعار السوق قبل ما يحط سعره
مثلا انت راجل مستعجل او مزنوق في الفلوس هتنزل عربيتك ارخص غيرك معندوش مشكله لو العربيه قعدت معاه سنه علي ما تتباع
المشكله الحقيقيه في سعر الدولار اللي بيزيد كل يوم و بيرفع معاه سعر الجديد و بالتالي سعر المستعمل

اللى انا قصدى عليه ان التجار قاعدين مستنين الناس اللى بتبيع بسعر حلو وتشترى وتنزل نفس العربيات بسعر مبالغ فيه ده ضرب فى السوق
طب جرب تنزل عربيتك بسعر حلو وشوف كام تاجر هيتصل بيك
هو ده قصدى