http://www.nilemotors.net/Nile/408060-a.html
انصحك تقرأ شويه عن الفلوانس قبل ما تقرر
عرض للطباعة
http://www.nilemotors.net/Nile/408060-a.html
انصحك تقرأ شويه عن الفلوانس قبل ما تقرر
يا باشا احنا مقدرين انك وقعت في عربية ميجان أي كلام كرهتك في الفرنساوي كله بس مش معني كده ان الناس كلها عربياتهم زي عربيتك.. بالعكس المفروض تساعد الناس بخبرتك في العربية بدل ما تكرههم فيها.
أنا بالنسبة لي معايا لوجان من ٢٠١٠ عاملة ١٥٥ ألف وعربية ميجان ٢٠٠٩ عاملة ١٠٢ ألف والحمد لله بدون أي مشاكل حتي الآن غير في مرة وحيده مع الميجان المروحة بتاعتها باظط وربنا ستر. قبلهم كان معايا كيا سيفيا أوتو عملت بيها ٢٣٠ ألف كيلو. وعندي عربية تاكسي فيرنا شغالة الحمد لله٬ عشان بس متفكرش اني بقول كده تحيز.
- لما فكرنا في عربية جديدة لأخويا فكرنا نغير ونجيب ميتسوبيشي شارك أو كيا سيراتو..
الشارك عربية حلوة بس علي قدها.. شكل قديم من برا وجوة٬ عزل سيء٬ باور تقيل٬ فتيس قديم ٤ نقلات ولما سوقتها كان في تأخير بسيط لما تهدي وترجع تطلع تاني..العفشة ناشفة بشكل ملحوظ والشنطة ضيقة
الفلوانس بقي العكس تماما..قمة في الشياكة والأناقة من الخارج والداخل .. عفشة حرير.. واسعة جدا والباور كهربا طبعا٬ بلوتوث إلخ..حتي جبنا الفئة اللي فيها زينون عشان متبقاش ناقصها حاجة
عيب الفلوانس من وجهة نظري يتلخص في ان مساحات التخزين الداخليه قليلة عن الميجان وإن العفشة الخلفية تورشن بيم.
السيراتو لما دورنا علي نفس امكانيات الفلوانس في الفئة دي لقناها زيادة ١٥ ألف جنيه٬ طبعا صرفنا نظر من غير ما نقعد فيها حتى :d :d
اه٬ وبالنسبة للمشكلة اللي انت حطيتها في الموضوع ده عيب شداد شكمان٬ مشكله تافهة جدا بتحصل في كل العربيات :)
طبعاً الرينو فلوانس تكسب، وأفضل بكثير من الشارك
فلوينس . . افضل
انا فاهم الميجان وحافظها الحمد لله
وعارف انا بقول ايه
الميجان عربيه مش بتاعة شغل مش اعتماديه عايزه تجيبها زيرو وتحافظ عليها كأنها ابنك الصغير
95 % من الميجان اللى فى سوق المستعمل ( عربيات زباله ) :)
انا عارف بقولك ايه برضو لانها شغلتى
العربيه دى لو كانت بدون مشاكل واعطال سعرها مكنش هيوصل ل 50 الف و 55 ألف :)
الفلوانس 2015 لمؤخذه لو مش صناعه فرنساوى لاء دى لو صناعة سودانيه ( اسمها زيرو )
ولسه مش اتمرمطت زي اختها الميجان :)
وحكايه انهم نزلوها بفتيس ومكنه يابانى دى نقطه ايجابيه لانهم اقتنعو انهم فاشلين
وانا ايه يخلينى اشتريها اصلآ ؟
ما انا قدامى عربيه يابانى 100 %
ده انا اشترى الكورولا اول فئه حتى لو فاضيه تمامآ هتبقى افضل
تعالى افرجك على عربيات رينو ميجان وفلوانس وستروين وبيجو بيتشالو قد ايه على ظهر الونش
اللى بتروح مراكز خدمه واللى بنوديها التوكيل :)
كتر خيرهم والله بيأكلونا عيش برضو
واضح ان حضرتك معلوماتك عن الفوانس ضعيفه جدا ... اختﻻف شامل عن الميجان
الفوانس من 2010 بدون مشاكل
والفيس لفت من 2013 بدون مشاكل
انت بتحسسني انك عايش لوحدك في الدنيا ههههه احنا كلنا عندنا أصحاب عندهم عربيات بيجو ورينو (معرفش حد معاه ستروين بصراحة) عمري ما شفت انهم اشتكو شكوى فظيعة يعني
مثلا عندي واحد صاحبي معاه ميجان من 2005 عاملة 170 ألف كيلو لو فتحت الكبوت بتاعها يعتبر أنظف من عربيتي كمان :)
مش ذنب الناس انك دايما شايف العربيات المتبهدلة ام 55 ألف!
وانت حافظ الميجان واحنا ملاكها مش حافظينها؟ أنا بعمل اكتر من 100 كيلو في اليوم على فكرة وعارف يعني ايه اعتمادية! أنا في سنة واحدة عامل بيها أكتر من 40 ألف كيلو واللوجان وصلت لرقم 140 ألف كيلو في 4 سنين!! اعتمادية ايه بقى اللي بتقول عليها؟ أنا أصلا في الشغل باستمررا ومعنديش وقت أضيعه في أي أعطال ولا صيانة للعربية!
موضوع انهم فاشلين أو مش فاشلين ده حوار يخصهم، أنا اللي يهمني العربية امكانيتها عاملة ازاي وسعرها عامل ازاي، ان شاله يحطلها فتيس تويوتا أنا هخسر ايه يعني :)
انت مقتنع بالشارك أو بأي عربية تانية ربنا يباركلك فيها يارب وتبقى أحسن من المرسيدس ده شيء يفرحنا مش يزعلنا.
انا مجبتش سيرة اللوجان على فكره
اللوجان افضل عربيه فرنساوى ( منعدمة الاعطال ) 0 مشاكل
وبالتالى ماسكه سعر فى سوق المستعمل
بعكس الميجان تمامآ اللى كلها على بعضها مشاكل x مشاكل
وبالتالى سعرها وصل ل 50 الف جنيه من بعد ما كانت ب 140 الف !
لمؤخده الكورولا ال 2005 سعرها حاليآ معدى ال 100 الف !
مع ان ركوبه الميجان افضل منها
ولكن دى عربيه اعتماديه اثبتت نفسها فى السوق
انت بقى عربيتك بسم الله ما شاء الله معملتش فيها اي حاجه لغايت دلوقتى ( ما شاء الله حاله شاذه )
ربنا يباركلك فيها