يا استاذ سيد شكرا على ردك وبالنسبة للاوبل دى عربية حقيرة
اولا لانها جنرال موتورز
ثانيا عشان منصور
وغير كدا الاوبل دى لا تعتبر المانى دى امريكى متمسحة فى المانيا وانا اصلا لما حد يقولى اوبل اقولة لا ماتتركبس لانها عربية زبالة فا انت وقعت فى عربية اوبل وكان الله فى عونك
الكورى وصل لمراحل وتقنية عالية ماننكرش بس ماتساوى كورى رايح المانيا واوربا زى كورى رايح مصر فى فرق كبير بمعنى اننا بيجى لينا هنا الدرجة التانية ودا مش عيب كوريا دا عيب الحرامى الى واخد التوكيل هنا
يعنى مثلا وسائل الامان الى الهيونداى فى اوروبا غير وسائل الامان الى فى هيونداى فى مصر انما الالمان والاوربين عندهم معاير جودة واحدة يعنى هو بيفرض على الوكيل انة عشان ننزلك العربية مثلا (س) لازم وسائل الامان كذا وكذا وكذا يا اما مفيش عربية ودا الى بتعملة فولكس فى عربياتها ومعاها مرسيدس وبى ام وغير كدا اسعار العربيات برة رخيصة غير مصر
انما غبور بيفضى العربية من كل حاجة وبينزلها غالية على الفاضى واسعارها بتقارب عربيات افضل منها كتير بس المشكلة هنا مش فى غبور بالعكس المشكلة فى شعب عمل لحاجة مالهاش قيمة عملها قيمة ان الكورى بيكسب فى اعادة البيع عكس الاوربى ومصاريف صيانتة وتشغيلة زى اليابانى وساعات بيكون غالى كمان
الهيونداى ix35 عربية بلاعة بنزين ومش موفرة فى استهلاكها دا انا عندى الجيتا توفر عنها رغم ان الموتور فى الجيتا ضعيف على جسم العربية عكس الهيونداى الى المفروض بتنط من على الارض
بالنسبة لكلمة جودة وامان فى هيونداى دى انا لا اعترف بها بصراحة بس هى الجودة اتحسنت اه وكويسة اه انما امان لا لان العربية بتنزل متنفضة من وسائل الامان مع ان التكنولوجيا اتوفرت واصبحت رخيصة بس تعمل اية فى وكيل جشع عاوز يكسب اكبر قدر ممكن على حساب ارواح الناس
انا عمرى ما شفت abs نازل اوبشن فى عربيات غير فى الكورى ودى حاجة تزعل مع انة المفروض يكون اساسى فى كل العربيات وبعد كدا لقيتها فى الشارك بجد حاجة تحزن ان وسائل الامان من الكماليات عكس الاوربى الى قولت علية ان وسائل الامان استاندرد يعنى مفيش فيها لعب لا تشيل ولا تحط
سيظل الكورى فى مصر من وجهة نظرى الشخصية درجة ثالثة وليس ثانية لانة ياتى من بعد اليابان التى تصنع سيارات جيدة جدا واداء جيد جدا وفى بعض الشركات تكون ممتازة مثل هوندا والتى تتفوق على بعض شركات السيارات الاوربية فى الجودة والخامات والتصنيع ووسائل الامان والمتانة وقوة التحمل والاداء المتاز
سيظل الكورى من وجهة نظرى سيارات عادية لاقصى درجة ممكنة لانها لا تفى شروطى ومعايرى الشخصية رغم انى كنت قد فكرت فى شراء السيراتو لانها من وجهة نظرى سيارة 3 سنوات واقلب
المفضلات