في رأي مهم جدا للاسباب الاتية :
1. كلمة واحد بيجري دي تقصد بيها اكيد اكيد فوق سرعة 100 او 120 صح؟
و اكيد سرعة 80 مثلا ده مش جري , صح ؟
طيب شوف الفيديو ده لعربية BMW الفئة الخامسة (مش الثالثة) و دي من اكتر العربيات المعروفة بالثبات الرهيب و هي بتختبر علي سرعة 80 كم/س ايوة 80 كم/س مش 100 ولا 120 لما بيفصل ال ESP و يكسر الدركسيون في ملف او عشان يتفادي عائق (رجاء مشاهدة الفيديو اخر التعليق)
ها ايه رأيك ؟
تخيلت نفسك بعربية اقل كتير من ال BMW 5 (اكيد لا اقصد التقليل لأنها اعلي من كل العربيات اللي في المقارنة) و كمان من غير ESP و كمان علي سرعة بسيطة زي 80 كم/س ؟؟
و ما اكثر المواقف الفجائية في مصر اللي بتحتاج تفرمل بقوة و تنقل حارة سريعا او تكسر الدركسيون و تفادي اي عائق ؟
*سؤالي لحضرتك :
لو حضرتك مبتجريش اعلي من 80 كم/س , وبتاخد ملفات عالهادي و متحكم في عربيتك و بتثق في ثباتها زي ال BMW وواثق من طرق مصر و تفكير السائقين و ظروف الطريق هل ال ESP مهم ؟
منتظر رد حضرتك
مصدر معلومة ان اختبار ال BMW 5 في الفيديو انه علي سرعة 80 كم/س :
ESC systems are assessed by performing a series of tests in which steering and yaw behaviour can be simultaneously evaluated. These are called the “sine-with dwell” tests and are based on an actual double lane change manoeuvre. They are carried out at 80 km/h with sudden steering wheel rotations up to 270 degrees.
لينك المصدر من ال EuronCap صاحب الاختبار :
ESC | Euro NCAP - For safer cars crash test safety rating
<a href="http://www.youtube.com/watch?v=2D7TlqetmOE">YouTube Link</a>