مشكلتي مع النترا 2015 ارجوكم سرعه الرد من اهل الخبره

**minaamoun** · 13-02-2015 01:15 AM

لو سمحتوا لسه جايب النترا 2015 هاي لاين زيرو وكيل عملت بيها 1500 كيلو وفي كذا ملاحظه بعد صيانه الالف كيلو :

اولا: لما اكون ماشي علي 60 او 70 واشيل رجلي من علي دواسه العربيه تهدي مره واحده بمعني اصح تكن بصوره مش طبيعيه.

ثانيا: اتفاجئت بمطب فدوست فرامل مره واحده حسيت ان في حديد بيحك في الطنبوره ( كإن تيل الفرامل حديد) وبصوت عالي جدا والفرامل كانت ضعيفه جدا.الموضوع ده اتكرر مرتين.

ثالثا: صوت الموتور حاسه عالي نسبيا بعد الصيانه بالنسبه لعربيه زيرو ماكملتش شهر.

رابعا: العربيه بعد 100 بتعوم ومش بتبقي ثايته خالص مع اني في صيانه الالف كيلو قالي ربطنا عفشه وكله تمام.

خامسا: في المطبات والنقر الصغيره بحس ان العجل الامامي بيتنطط والعربيه بتهبد من امام.

سادسا: فولت امبارح واول ماطلعت من البنزينه حسيت ان العربيه مخنوقه وسحبها ضعيف جدا ولما ادوس شويه بنزين تنط مره واحده.

كل الملاحظات دي ظهرت بعد صيانه الالف مع العلم اني عملت صيانه الالف بمركز صيانه هيونداي بطريق مصر الاسماعيليه.

ارجوكم حد يفيدني انا مش طايق العربيه وحاسس ان فلوسي رميتها علي الارض

**meka1990** · 13-02-2015 03:15 AM

لو قبل الصيانه الكلام ده مكانش موجود روح اقلبلوهوم الدنيا هناك لكن لو كان موجود يمكن تكون بعض من الحاجات دي العادي بتاع العربيه

**fooz843** · 13-02-2015 10:00 AM

بص يا سيدي كل ده انا تعرضت ليه في الاول بردو اول ما جبت العربيه فنا خد كل حاجه لوحدها ونناقشها
1-موضوع ان العربيه تكن لما تشيل رجلك اعتقد انه مش عيب اوي لان انت شايل رجلك والعربيه مش بتسحب طب انت عايز منها ايه
2-موضوع الحديد اللي بيحك في الطنبوره لما تدوس فرامل فجاه ده من abs فلو حضرتك عندك يبقي ده صوته ولو مش عندك اكشف علطول في التوكيل ولو ان انا عارف انه من abs لان هاي لاين بيبقي في abs
3- صوت الموتور لو عالي نسبيا اتاكد من الزيت اللي محطوط بعد الصيانه لان فيصيانه الالف هو ما بيلعبش في اي حاجه غير تغيير زيت وتربيط عفشه ده لو عملوها اصلا وصوت الموتور لازم يتغير بعد صيانه الالف لان زيت التليين بتاع الالف غير زيت اللي بعد كده (ده فعلا لو اصوت متغير نسبيا مش متغير جامد) واتاكد مره تانيه من نوع الزيت اللي محطوط
4-موضوع العوم ده عيب معروف في الالنترا بس مش علي100 ممكن علي140-150 فحاول تتاكد من تربيط العفشه وياريت بره التوكيل
5-عيب غريب بس مقدرش اقولك انه عيب حاجه غير العفشه
6- وانت مغمض سحب العربيه عباره عن (بوجيهات نظيفه-فلتر هوا نظيف-بنزين نظيف)وفي حالتك دي لنصحك بالاتي غير المحطه اللي بتمون منها -نظف فاتر الهوا وحتحس ىبفرق جامد زصدقني من فلتر الهوا