السلام عليكم
ارجو من الاخوه الافاضل خبراء الجيب افادتى بخصوص الجيب واجنر موديل 87 بيك اب 4*4 3500 سى سى 6 سلندر من حيث قطع الغيار و الصنايعيه و سعرها لان امامى وحده و عايز اشتريها و محتاج نصايحكم و شكرا
عرض للطباعة
السلام عليكم
ارجو من الاخوه الافاضل خبراء الجيب افادتى بخصوص الجيب واجنر موديل 87 بيك اب 4*4 3500 سى سى 6 سلندر من حيث قطع الغيار و الصنايعيه و سعرها لان امامى وحده و عايز اشتريها و محتاج نصايحكم و شكرا
العربية دي اختفت من زمان ..
كانت متتشرة جدا في التمانينات في الحكومة و شركات البترول و التعدين…
صعب حبتين انك تلاقى حد معاه العربية دى علشان قليلة فى السوق
متابع معاك
دى صورتها مش كدة ؟
http://7rea.com/d/1423901599352.jpg
الواجنييييير لسه عايشه ؟؟
انا بشكركم جميعا و فعلا هى ده صورتها بس بصندوق يعنى ربع نقل
طيب ايه ظروفها من حيث قطع الغيار و خلافه
و ياترى هى احسن و لا بليزر
انا مش حقدر افيدك كتير فى موضوع البليزر النقل .... انا معايا بليزر 2 باب و دى فى الطول زى الواجنر
ميزة الواجنر انها 4 باب ... و حجمها اصغر شوية من البليزر
قطع غيار البليزر موجودة ... غالية شوية على كونها عربية قديمة ... تمانينات .. بس مش غالية كونها عربية دفع رباعى ... النقل فيها 8 سلندر .. موتور جى ام 350 او 305 .. و الاتنين قريبين من بعض جدا .. و فى الغالب فتيس اوتوماتيك
تفرق عن العربيات الملاكى ... ان اغلب النقل كارونة واحدة فقط ... خلفية ... سوست حلزونية امامية .. كارونة خلفية اكبر شوية ... و كمان اكسات اكبر و اقل ارتفاعا عن الارض ... تانك البنزين فى الجنب
ناس كتير بتقلبها ديزل ... و تسقك عليها مواتير الدبابة و الميكروباص ..... اقل من موتور الجامبو عليها مش حينفع
ما اقصدة بكلمة اغلب .... ان دى مواصفات المصنع ... بس انت ممكن تلعب فيها زى ما انت عاوز
يعنى انا شفت نصف نقل دفع رباعى ... ارتفاعها عن الارض قرابة النصف متر ... و كانت مع واحد فى الزمالك و كان عارضها على 60 الف من 3 سنوات
و شفت راكب عليها مواتير جامبو .. ان بى ار و ال ان كيو ار .... و تانكين فى الجانبين
الكلام ده على موديلات السبعينات و التمنينات ... علشان محدش يتخض
و كمان كان عندهم الفورد برونكو ....و دى الى كانت اكتر .. و قليلا من الدودج رام .. و قليلا من البليزر
سألت عن الثلاث ماركات دى فاخبرونى بالتالى ...
البرونكو خلصت من السوق ... و مفيش منها تانى و كانت بتستهلك بنزين !!!! على اساس ان الباقيين اقتصادين فى البنزين ؟؟!! :Copy of majd(4): .. لأ بس البرونكو كانت بتستهلك اكتر
الدودج رام ... كانوا بيسموها ... عربية روسى الامريكى ... نظرا لكثرة اعطالها و سوء قطع غيارها
البليزر الوحيدة الى لسة ماسكة نفسها و فيه منها بيتباع فى السوق
ميزة الامريكانى بصفة عامة .... سهولة و بساطة فى التصميم ... عدم اعتماده بصورة كبيرة على الالكترونيات
مؤمنين بالحكمة الى بتقول ... bigger is beter ... فكل ما تتزنق فى تصميم حاجة .. كبرها
قطع الغيار ... لا يزال ينتج منها جديد حتى الان
العيوب ... الاستهلاك العالى للبنزبن
ثقل وزن العربية الواضح
و طبعا انا فى انتظار راى حضرتك :_Alshmokh15[1]:
لو حتجيب العربية دى غيه او هواية ماشى بس حتاخد معاك وقت ومجهود على ماتشدها وترجعها لأصلها وتبقى عربية تحفة بس المهم تكون حالتها واساسها كويس - لكن لو حتجيبها علشان شغل وتحميل يبقى بلاش الطيب احسن
وعلى فكرة العربيات دى ساعات بيسموها ( هونشو - كومانشى - j10)
ممكن تتشد سبور زى دول
http://i1383.photobucket.com/albums/...psmvtmmk9n.jpg
http://i1383.photobucket.com/albums/...ps4p7vleyc.jpg
http://i1383.photobucket.com/albums/...psphaznznh.jpg
وممكن تتشد كلاسيك زى دى
http://i1383.photobucket.com/albums/...psdzouewxx.jpg
وممكن بين البينين زى دى :)
http://i1383.photobucket.com/albums/...pscg3x9kof.jpg
مشكلة ماكينة الجامبو .... ال ان بى ار .. تمنها غالى .. يعدى ال 15 الف جنيه ... ماكينة 4000 سى سى ... 4 سلندر فقط ... بس السلندرات كبيرة
فيه ال ان كى ار ... ماكينة اصغر شوية و سعرها كان فى حدود 11 الف .. زميلنا مينا كان مسقط الموتور ده على عربية بليزر ... و كان ماشى كويس جدا
بالفعل ... فى التمانينات الوجود الكاسح فى عربيات الدفع الرباعى للسيارات الامريكية ... السيارات اليابانية كانت بتبدأ تدخل السوق الامريكى
و مما لا شك فيه ... جودة سيارات التويوتا و التى اثبتت كفاءة و اعتمادية
فى رايى الشخصى ... اليابانى كويس جدا و مقارنة بسعره ... بس لما سعره بيزيد ... ارجع افكر تانى فى الامريكانى
زميل لى من اليمن ... كان بيقولى ان الناس فى اليمن بتحب اللاند كروزر ... بس بدأت السيارات الامريكية تنتشر تانى لرخص قطع غيارها عن اللاند كروزر !!!!!
الامريكانى القديم .... متعب جدا فى سواقته .. عربية بقالها اكتر من 35 سنة تعمل ... يعنى عربية تحتاج للصيانة كل فترة ... بتاكل بنزين كتير ... لو حضرتك مش بتحب العربيات دى ... متجيبهاش
ممكن حضرتك تدور على حاجة تانية زيها تكون بنت ناس و مفيهاش مشاكل كتير
مع اجواء الحرب في اليمن اللاند كروزر تكسب يا هندسه ,بشوف الاخبار عن ليبيا والعراق اساطيل طويلة هايلكس ولاندكروزر وبيربطوا او يلحموا مدافع عليها .اخف في الجاز وسريعه وغرز وبتستحمل الشقا.وطبعا حضرتك عارف ان gm بتبيع ايسوزو باسمها شيفروليه وفورد بتبيع شغل مازدا باسم فورد رانجر
عربيه لو سليمه تبقى حكايه وعادي هتوفقلها قطع الغيار بس المهم تكون سليمه
اللى اقصده انها مش حاتستحمل معاك مشاوير نتيجة التقادم بتاعها وقلة عدد الناس اللى بتشتغل فيها وتفهم فيها وكمان قلة قطع الغيار فى مصر - لو حاتجددها مظبوظ زى ماقلتلك قبل كده حتبقى عاوزة مبلغ كبير ووقت كبير وصنايعية فاهمين فيها وفاهمين فى الات الجر والعفشة بتوعها . لكن لو حاتشدها شده عادية وتظبيط حاتبقى استخدامها كسيارة غيه ومش عاوزة بهدلة علشان متقعش منك وتبهدلك فى المشاوير البعيدة - علشان تسافر بيها سيوة حاتبقى عاوز عربية تفوت فى الحديد متانة وتحمل وسرعة لأنك ماشى فى صحرا ومعرض فى اى وقت للخطر فى الاحوال اللى احنا فيها دلوقتى - حيبقى مافيش قدامك غير حلين :
**** انك تجيبها وتشدها صح :
١- حتفك الصندوق وحتفك الكابينة وتخلعهم وقبل كده حاتفك الضفيرة والكونترولات او صناديق الفيوزات والتحكم والتابلوة والفرش. تودى الكابينة والصندوق للسمكرى والفرش والتابلوة للسروجى
٢- حتبقى العربية شاسية والات جر وموتور - تفك الكردان الامامى والخلفى وتغير الصلايب وتقيس الكردانين على مخرطة علشان لو فيهم رفه حاتغيرهم.
٣- حاتفك الموتور بالجيربوكس ولو كويس حاتسيبه على جنب ولو فيه مشاكل يبقى تغيره بموتور جامبو زى المهندس احمد ماقالك .
٤- حاتفك العجل بالجنوط وحاتشوف حالة الجنوط وتشوف فيها رفه ولا لأ على الجهاز اللى عند بتوع الكاوتش ولو فيهم مشاكل حاتغيرهم . وطبعاً حاتجيب كاوتش محترم بتاع اسفلت وصحرا All terrain زى مثلاً ماركة BFGoodrich وماركة Michelin latitude cross مقاس P265-70-R15.
٥- حاتقعد الشاسية بعد فك العجل والجنوط على حوامل- وتفك عمود وصلايب الدركسيون والتياش وتبدأ تدور على الصلايب والتياش والبيضات بتوع اى عربية تانية ( اعتقد الشيروكى القديم حاينفع)
٦- حتبدأ تفك العفشة الامامية بالكورونة والاكسات والطنابير وكذلك العفشة الخلفية وتفصصهم بقى صلايب امامية ومقصات وبنوز وسوست وورق ومساعدين وطنابير وبلى ومجموعة فرامل وتيل وكل المستلزمات - وتكشف على الكوارين والاكسات وتشوف هل فيه رايش فى الزيت بتاع الكوارين يعنى حاينفعوا ولا حايتغيروا - سبق وذكرتلك لازم تكون المعلومات الاصلية للعربية متوفرة علشان نعرف نسبة التخفيض علشان لو حاتغيرهم يبقى بنفس المواصفة.( أحيانا بيبقى مكتوب على الكورونة نسبة التخفيض).
٧- تفك التانك وتختبره وتشوف حالته مخروم ولا فيه بارومة والعوامة والطلمبة والخراطيم تتغير كلها - ولو بايظ حاتفصل تانك جديد ولو سليم يبقى يتروق غسيل ودهان ويستحسن كده كده تفصل او تشترى تانك تانى علشان المشاوير الطويلة بتاعة سيوة.
٨- تفك الجاكمان وتشوف محتاج تغيير ( اعتقد يتغير احسن)
٩- حتفك كل المواسير والخراطيم بتوع الفرامل والبنزين وكابل فرامل اليد وبعدين ترمل الشاسية ويترش ايبوكسى وبطانة ولون اسود او توديه عند حد يعالجه فى حوض .
١٠- حاترجع المواسير والخراطيم الجديدة والتانكات زى ماكانت بكلبسات ومسامير جديدة
١١- حاتجمع كل اللى اتفك تانى بعد التجديد ومتنساش تغيركاوتش الصندوق والكابينةومساميرهم.
١٢- لو الموتور كويس يبقى تغيير الجوانات بتاعة الكارتير والكاربراتير والفرن والحر .
١٣- تغيير زيوت الفرامل والمساتر وتغييرالسيرفو وزيت الفتيس وزيوت الكورونات الامامية والخلفية والوسطى (فتييس الغرز).
**** الحل التانى تشوف عربية دبابة عالزيرو او استعمال خفيف وتريح دماغك.
الكلام ده طبعاً علشان حجم الموضوع كله يبقى مفتوح قدامك والقرار ليك .
وتحت امرك فى اى استفسار واحنا معاك متابعين.
متابع معاك فى انتظار رأى الباشمهندس احمد
احب اقول لحضرتك ان العربيات دى حسب حالتها .. و ملهاش سقف معين
و اعمل حساب حضرتك .. الى خارج من شركة حيكون متبهدل شوية .. فلازم حضرتك تتفرج على العربية كويس
كان فيه عربية بليزر نصف نقل فى مطار 6 اكتوبر من غير موتور ... و كانوا حيعرضوها للبيع ... الكلام ده من سنة تقريبا لونها ابيض ..و اساسيتها سليمة