كل من استلم البريليانس Frv

**fawzy2009** · 10-11-2008 10:30 PM

الف مبروك يا استاذ ميزوووووووووووووووووووووو وربنا يسهلك وتقولنا ايه الاخبار بتاعتها اول باول ان شاء الله مستين منك كل جديد لان انت العضو الوحيد اللي معاه العربيه في الوقت ده

**BaZzo0oKa** · 10-11-2008 10:57 PM

المشاركة الأصلية كتبت بواسطة M.Nabil

في اعضاء كتير بتقول ان ابو غالي بيسلم في وقت اقل, بس ده ممكن يكون جر رجل.

مهو الفكره ان فى ناس كتير حاجزتها من هناك
واعتقد انو بيدى معاد بدرى لاكن بياجل يعنى برضو نفس المشكله
انا شوفت عضو كان بيشتكى من المشكله دى
ولا انت ايه رايك...؟

**Rafraf** · 10-11-2008 11:04 PM

BaZzo0oKa

ابو غالى قال لى من اسبوع لما حجزت انى هستلم بعد اسبوعين

و رحت تانى يوم عشان ادفع المقدم قال لى لو لحقت فى اول دفعة هتستلم بعد اسبوعين و لو مالحقتش هتكون على اول السنة الجديدة

انا من رأيى ان كل تأخيرة و فيها خيرة يعنى نشوف على الاقل ردود افعال الناس مش يمكن تكون فيها مشاكل ولا حاجة فـ نسحب الالف جنية الحجز و نوفر فلوسنا!!

**rock828** · 10-11-2008 11:09 PM

سألت واحد قريبي بيشتغل في ابو غالي عالعربية دي
قالي العربية دي زي الزفت واوعي تجبها
كلامو كان كلو عن عيوب فالعفشة

نفس الكلام تقريبا قالهولي واحد بيشتغل فالمصرية
بس ده قالي العربية دي وحشة بدون ذكر اسباب

العربية شكلها جميل جدا وامكانياتها جامدة جدا
سعرها حلو جدا ورخيص بالنسبة لامكانياتها
بس ده في نفس الوقت يخليك تقلق هي ليه
نازلة رخيصة كده؟

**Rafraf** · 10-11-2008 11:12 PM

rock828
عضو جديد

منين عرف كل الكلام دا و العربية لسه نازلة من اسبوع!!!

فى ناس كدا تموت فى الاشاعات من قبل ما تشوف العربية ليه لانها صينى!!

العربية ماكملتش اسبوع عرفو منين مشاكلها؟

وبعدين عفشة بورش سيئه :) دى انضف حاجة فى البريليانس هى عفشتها!!

**M.Nabil** · 10-11-2008 11:28 PM

المشاركة الأصلية كتبت بواسطة mezo2k

العربيه زي الفل والثبات جامد جدا والعفشه هكذا الماتور لسه في التليين وانا تحت امركم في اي اساله

في سؤال تاني محيرنا كلنا, انت حجزت العربية دي منين وقالك تستلمها بعد اد ايه وسلمهالك قبل ولا بعد الميعاد المتفق عليه؟
اعتقد من ردك عالسؤال ده ممكن نقدر الكلام اللي بيتقال من انهي توكيل اصدق واقرب الي الصدق.

**BaZzo0oKa** · 10-11-2008 11:52 PM

المشاركة الأصلية كتبت بواسطة Rafraf

rock828

عضو جديد

منين عرف كل الكلام دا و العربية لسه نازلة من اسبوع!!!

فى ناس كدا تموت فى الاشاعات من قبل ما تشوف العربية ليه لانها صينى!!

العربية ماكملتش اسبوع عرفو منين مشاكلها؟

وبعدين عفشة بورش سيئه :) دى انضف حاجة فى البريليانس هى عفشتها!!

كلامك تمام
وانا اتاكدت من الموقع الرسمى بتاعها

**mezo2k** · 11-11-2008 09:50 AM

الحمد لله وعقبالكم كلهم انا استلمت العربيه من 10 ايام
سعرها كان 70000
من البافاريه بروكسي
لونا ابيض
والله يا جماعه الحمد لله العربيه زي الفل في كل حاجه العافشه حكايه والثبات - الموتور زي الفل بس مستني اقارن مع الالنترا والانسر والجين 2
الفرامل كويسه جدا - والنور فعلا رائع
لما استلمتها كان فيها شويه ملحوظات وانا بستلمها قلولي رخص وتعالي نعمل عليه فحص سريع
وفعلا رحت يوم السبت
و تم تربيط العفشه وضبط باب السائق عشان كان تقيل شويه في الغلق
وكله تمام
وعلي فكره مركز الصيانه هيتنقل الي القطاميه عند معرض محمد زكي الي في اخر طريق مدينه نصر ورايح للدانري
والضمان 60000 او 3 سنوات

وعقبالكم كلكم وبلاش اشاعات عن العربيه الي ركبها بس هو الي ياريت يحكم
عليها

وانا تحت امركم في اي اساله ---

**mezo2k** · 11-11-2008 10:52 AM

انا حجزت من البافاريه روكسي اول يوم ما نزلت واستلمت بعد 5 ايام
وانا شريها كاش

وده كانت اول دفعه عدد معدود من السيارات

والناس ده موعهدها تمام
ممكن بس هتلقي شويه لغبطه عندهم عشان هم هيتنقلوا من روكسي الي فرع جديد في طريق مدينه نصر القطاميه -- جنب محمد زكي للسيارات -- مبني جديد يتسع للمبيعات الي عندهم

:k4: معلومه هامه جدا العربيه ديه مستورده 100%
مفيش اي حاجه منها معموله هنا في مصر

ما عدا الهاي لين بس فيها الجنوط وحساسات الركن و فوانيس الشابوره والانزار بس هو الي متركب في التوكيل هنا بمصر

وارجو عدم التضليل بمعلومات غير صحيحه

وربنا يحفظنا كلنا ----