السلام عليكم
السادة الأفاضل ، بيكانتو ٢٠١٣ لم يتم تغيير الزيت التخليقى لها منذ صيانة ال١٠٠٠ حيث أنها لم تُكمِل ٩٠٠٠ كم حتى الآن ،
فهل ننتظر لتغيير الزيت التخليقى بزيت تخليقى أيضاً فى التوكيل عند صيانة ال ١٠٠٠٠ كم أم أن هناك خطورة لطول الفترة (حوالى أكثر من سنة ونصف)
أرجو التفضل بالإفادة و النصيحة الكاملة .
مع خالص تحياتى
لو حابب تغيره مش مشكله
غيره هو والفلتر خصوصا لو العربيه مش بتمشي كتير فعلا
ابقى افتكر بس غيرته على كام عشان تغيره كل 10 ان شاء الله
وطبعا قبل ماتجيب زيت شوف كتالوج العربيه بينصح بلزوجه قد ايه
زي ما قاللك الأستاذ abdulkhaleq... أهم شيء لازم ترجع للكتالوج قبل ما تشتري الزيت علشان يكون مناسب لموتور العربية.. لإن مش كل الزيوت مناسبة لموتور عربيتك.. حتى لو كانت ممتازة مع عربيات تانية.
بشكل عام... الزيت التخليقي مدة صلاحيته سنة من بعد وضعه في الموتور.. والزيت المعدني صلاحيته 6 شهور فقط.
وبما إن حضرتك مش بتمشي بالعربية كتير.. فالأفضل هو التغيير بالمدة.. مش بالمسافة.
على فكرة... لو العربية بتمشي مسافات قصيرة في كل مرة تدور فيها.. يبقى الأحسن الزيت يتغير بسرعة.. لإن الزيت بيتأثر بالتشغيل البسيط ده أكتر من المشاوير الطويلة... خصوصا لو العربية اتطفت قبل ما تمشي 8 كيلومتر بشكل متواصل.
سبب الموضوع ده إن الموتور في بداية تدويره بيكون لسه بارد وما أخدش وضع التشفيل (بسبب انكماش المعادن داخل الموتور) وده بيسبب تسريب للعادم جوه بلوك الموتور ومعاه طبعا بخار المية نتيجة الاحتراق.
وكل ده بينزل في الزيت.. ويخليه يفقد كتير من خواصه.
وعلشان نتخلص من تأثير بخار المية ده.. لازم العربية تسخن وتمشي مشوار طويل يخلي الأبخرة دي تطلع.
عايز تعرف معلومات أكتر.. أنصحك تدخل على المواضيع دي:
http://www.nilemotors.net/Nile/341680-a.html
http://www.nilemotors.net/Nile/418186-a.html