مفيش اي ازعاج واتمني تكون استفدت من رديالسلام عليكم ورحمة الله وبركاته
عليكم السلام ورحمة الله وبركاته
جبت 323 / 82 ودي كدا تعتبر أول عربية في حياتي أركبها :d :d :d
اولا مبروك علي العربية وربنا يديك خيرها ويكفيك شرها
المهم العربية عاوزة شوية شغل وانا مش عارف اعمل الحاجات دي فين وتكلفني كام , وانا متأكد إني جيت المكان الصح علشان أسأل
بص انا ما ركبتش قبل كده كده مازدا بس هقولك علي اللي اعرفه
عاوز
1- اغير الأربع أبواب , هل فيه أبواب بتيجي متلونة ولا لازم اوديها للسمكري ؟؟ ودا يكلف كام ودا يكلف كام
فيه ناس قالتلي لازم تحرق السمكرة اللي في العربية كلها وترش على نضافة
انت الاول لازم تشوف السمكري هيقولك ممكن يظبط الابواب او لازم تشتري استيراد
ولو اشتريت استيراد بدون بارومه مش هيحتاج سمكره , هيحتاج رش مع باقي العربيه بس
2- عاوز اعمل زجاج كهرباء , دا يكلفني كام ؟ ؟
ممكن يتعملوا الاربعه ب 400 جنيه زي الفل
3- عاوز اجيب جلد للمساحات , المساحات نفسها شغالة كويس , اجيب الجلد دي منين ؟؟
انت بتشتري المساحات كامله وبتركب الفرشه بس "الجلده" وبتشيل الدراعين هتحتاجهم بعد كده او ممكن تركبهم كاملين افضل تمنهم 20 جنيه
4- هو الإكسدام سعره كام ؟ لو جديد ؟ وسمعت ان فيه منه مستعمل استيراد بيبقى سعره أأقل , هل دا صحيح ؟ ؟؟ وبكام
هتلاقي اكصدامات استيراد وهيبقي سعره كويسه
5- عصاية الفتيس برضه بكام ؟؟ وهل هي أنواع ؟ ولو أنواع كل واحد بكام وايه الأفضل ؟
برضه هتجيبها استيراد
6- فرش العربية زبالة جدا , عاوز اجيبلها فرش جلد ( مش دا تقريبا أفضل حاجة ؟ ) يتكلف كام ؟؟
السروجى اللى هينجد لك الكراسي او هيغيرلك بكراسي تانيه من عنده, ممكن يركب عليها كراسي عربيه تانيه موديل مختلف , فكره الجلد انه بيعيش بس هو بيسخن اوي لو بتركن عربيتك في الشمس في الصيف بيبقي لا يطاق :d
التكلفه تقريبا هتبقي في حدود 1200 جنيه
والأهم من كل دا بقى أعمل الحاجات دي فيييييييييين ؟؟ يعني عاوز اعرف سمكري يكون خبرة وأمين وكمان أسعاره كويسة إن أمكن
فكره انك تلاقي صنايعي كويس وامين دي لازم تسئل جيرانك او الناس اللى حواليك علشان تشوف تجربتهم ايه
اهم حاجه خد بالك ان الموضوع هيصرف جامد وان الواحد بيبقي عامل حسابه علي مبلغ معين بيتفاجئ انه صرف ضعف المبلغ ده !
فنصيحه الاول حدد اولوياتك "علي حسب المبلغ اللى معاك" انت عاوز تعمل ايه الاول وخدها واحده واحده
وحاول ما تصرفش كتير علي العربيه لان المستعمل مهما تصرف عليه ما بيشبعش
ده رابط لوحد زميلنا هنا في المنتدي لكن عربيته كانت 128 شوفه صرف قد ايه "صرف اكتر من تمن العربيه"
http://www.nilemotors.net/nile/339586-128.html
http://www.nilemotors.net/nile/404926-128-5-a.html
أنا عارف إني ازعجتكوا جدا , بس إن شاء الله ألاقي إجابات لكل أسألتي هنا
شكرا مقدما , وجزاكم الله خيرا
أخوكم أحمد زايد ( مدرس :d )
المفضلات