استشاره قانونيه في شراء شقه تمليك
السلام عليكم و رحمة الله و بركاته
دلوقتي انا قدامي شقه تمليك هشتريها
بس العقد الي مع صاحبها مش موضح فيه مساحه الشقه يعني هو مكتوب الشقه في الدور الكام و رقمها كزا و عدد غرفها بس المساحه مش محدده و مكتوب ان ليها حصه في الارض
فهل كده انا ضامن حقي ولا لا ؟
بافتراض لا قدر الله ان العماره وقعت او هيهدوها و يطلعوا برج اخر
موضوع ان ليا حصه في الارض بس مش محدد المساحه هيسبب ليا مشكله ولا هيا بتتقسم علي السكان زي ما هما ؟
وبعدين بقوله اكتب في العقد مساحه الشقه العقد الجديد يقولي لا الجديد زي القديم ميتكتبش فيه
مع العلم الي باني العماره راجل معروف و العماره من 95 تقريبا و شغله نضيف و علي مياه بيضاء
ثانيا:
ايه الاجراءات المتبعه في الشراء و البيع للشقه التمليك
انا بقوله هنروح البنك و تمضي علي العقد و انا امضي و اسلمك الفلوس
بعدين نطلع علي الشهر العقاري تعملي توكيل بيع للشقه
بيقولي لا مش هروح الشهر العقاري انا عاملك العقد و هسلمك العقد ورق الشقه الي معايا
وهروح صحه التوقيع و هجي معاك نغير عدادات الكهرباء و الغاز و التليفون الي اسمك في نفس يوم كتابه العقد مع العلم انه المالك الاول
فهل موضوع الشهري العقاري مهم ولا ملوش لزمه ؟
اتمني الاجابه و شكرا جزيلا :)