الموضوع: موقف غريب فى لجنة على الطريق!!

المشاركة الأصلية كتبت بواسطة MohabSaeed

الكلام ده تخريف , هما بس كانو مش لاقين حاجه يعملوها و حبو انهم يشتغلو الشاب و يعملو عليه كارت ارهاب " منظر يعنى " فقالو يعملو عليه الدور ده بس

من حق اى حد انه يسوق عربية والده او اخوه او العكس والده يسوق عربية ابنه , طلاما ان البطاقه بتدل على صله القرابه

و حنروح بعيد ليه . امبارح كنت فى روكسى و انا ماشى فى امان الله امين شرطه و معاه ظابط راح موقفنى و قالى الرخص ... طلعت رخصتى و اديتله رخصة العربيه " باسم والدى " و بص عليا كنت لابس الحزام و بص فى الرخص تانى و رجعهالى و مشيت .

مافيش حاجه اسمها والدى يعملى توكيل بالقياده ....ممكن يعملى توكيل بالاداره علاشان ارخص العربيه و اتعامل مكانه فى المرور , لكن موضوع توكيل القياده ده فلم هندى مش اكتر

لكن فى حاجه مهمه لو العربيه بأسم ولدته مثلا لازم فعلا توكيل بالقياده " لان البطاقه مفهاش اسم الام " و مافيش مايثبت صله القرابه غير شهاده الميلاد , يبقى الاحسن فى الحاله ديه توكيل القياده و الاداره .


يا جماعه اهم حاجه انك تكون عارف حقك فين وانتا بتتكلم مع الناس دول ... مش اى حد يعمل فيلم عليك تتخض و تسلم بكلامه , طلاما انتا ماشى صح و اوراقك صح و عربيتك سليمه "" حط صباعك او ايدك كلها فى عين اطخن طخين "" .

طب ما أنا ممكن أخذ صورة بطاقة مامتى ... فيها إسم الزوج ؟؟
ولا بردوا مش إثبات؟؟

المشاركة الأصلية كتبت بواسطة esoo_90

الاقارب من الدرجة الاولى ليهم الحق فى قيادة السيارة من غير توكيل
يعنى ممكن تركب عربية
والدك
والدتك
اخوك
اختك
من غير توكيل

دول كانوا فاضين وبيستهبلووااااااااااااااا اااااااااااااااا

على فكره الاخ و الاخت مش اقرباء من الدرجه الأولى :)

فعلا انا والدي كان عامل ليا توكيل عشان كده واحيانا كان في ضباط بيطلبو يشوفو التوكيل

الموضوع بسيط جدا فى ترخيص العربية قول لبتاع الكمبيوتر يكتبللك كلمة كدة فى رخصة العربية علشان اى حد يسوقها مش عارف اسمها اية وطبعا ابقى اغمزة باى حاجة انا عملت دة فى ترخيص العربية .موظف الكمبيوتر قالى مين اللى هيسوقها قولتلة انا وبابا بس.قالى حوار التوكيل دة بس غمزتة الغمزة التمام .بس كتبلى كلمة فى الرخصة كدة ان اى حد يسوقها او سواق بيسوقها .وعلى العموم اكيد صاحبك دة كان معاة حد شباب او الملة بتاعتة علشان كدة غلس علية او ممكن يكون .امين الشرطة كان عايز غمزة من تحت كدة بس هو مفتحش دماغة لكن حوار التوكيل دة كلام فاضى لما يجى يجدد الرخصة يعمل الحوار دة....
thxxxx