الموضوع: مين احلي صوت في قراءه القرأن ؟

المشاركة الأصلية كتبت بواسطة h_shahin

للأسف معظم الناس تحب تسمع القراء الخليجيين في الوقت الحالى اشتياقا للحرمين لكن القراء الخليجيين للأسف بيحسسونى بالرتابة و الملل (من الآداء ) طبعا معظمهم بيستخدم طبقة صوتية واحدة و طريقة أداء واحدة و نغمة لحنية واحدة و يكررها على طول

لكن مدرسة القراءة و التجويد و الترتيل الراسخة لن تجدها إلا في القراء المصريين
إذا كنت عايز بديل للمغنى الطربى و نفسك تطرب لروعة أداء و لحن و شجن و تغذى مشاعرك و احساسيسك بفن جميل راقى لا شبه حرمانية فيه بل بالعكس يزيد تقربك إلى الله نصيحتى اسمع المقرئين المصريين

أنا شايف كلام حضرتك فيه عصبية غير مبررة
مفيش حاجة اسمها اسمع المصريين ومتسمعش الخليجيين ، كل قارئ أيا كانت جنسيته ليه طابع مميز يميزه عن غيره ومش هتلاقي حاجة مشتركة تجمع أبناء دولة مثلا عن دولة تانية ، كل واحد ليه صوته وتلاوته وخشوعه وده بيرجع لذوق كل واحد
لكن لو هنتكلم حسب الجنسيات وعن مسألة شبهة الحرمانية يبقى متسمعش بتوع الإذاعة المصرية بتوع المياتم لأن تلاواتهم فيها مط في الحروف تصل في بعض الأحيان إلى شبهة حرمانية ده غير الملل بقى بجد لما يقعد يتلو في آية واحدة خمس دقايق ، وأجارك الله بقى من السنيدة اللي حواليه والله الله ياعم الشيخ وتلاقيه بيتلو آية عذاب يقوم واحد قايلك : الله يفتح عليك يا مولانا !!
أنا عن نفسي بحب المنشاوي وبرده بحب القطامي والغامدي والرفاعي ، كل واحد منهم بيبقى ليه وقت معين تحب تسمعه فيه وممكن تحب تسمع واحد دلوقتي وشوية تلاقيك مش عايز تسمعه ونفسك هفتك على واحد تاني ، كله كلام ربنا طبعا بس الصوت بيبقى ليه عامل مهم في توصيل الكلام للقلب
حتى القارئ الواحد بيبقى ليه سور معينة متزهقش من سماعها منه وليه سور تانية تلاقيك بتتجنبها خالص منه

عودة للموضوع بقى
أنا لما بحب أسمع تلاوة فيها خشوع بحب ناصر القطامي ومش كل السور برده ، بعضها زي سورة إبراهيم مثلا
المصحف المرتل - سورة إبراهيم - ناصر القطامي | طريق الإسلام
وبرده مشاري العفاسي بعشق منه غافر وفصلت والشورى بصوته القديم قبل ما يتشهر ويقعد يجمل ويلحن لحد ما بوخ حتى والله تعبت على ما لقيت الروابط بتاعتهم خاصة إنهم مبقوش موجودين كصوت بس في مواقع القرآن الكريم ولقيتهم على يوتيوب بالعافية لأنهم من 1416 هـ يعني من حوالي عشرين سنة ! بس صعب مشاري يعمل زيهم دلوقتي ويبقى بنفس الخشوع ده

https://www.youtube.com/watch?v=TqYqbmLJx9s
https://www.youtube.com/watch?v=Vs-p4DN9HyM
https://www.youtube.com/watch?v=N_GQ03qte0Q