الموضوع: اسكندرية ومراكز تدريب it

المشاركة الأصلية كتبت بواسطة mrvolt

حضرتك تقصد اون لاين

طب فيه حاجة بس بالنسبة للشهادات هل دا ضرورى ولا اذاكر اون لاين وامتحن

ولا ممكن اشتغل ف شركة بدون شهادات

في أي مجال في الدنيا الشهادة مش هتغنيك أبدا عن انك تكون بتتقن الحاجة دي وليك سابقة أعمال وخبرات
يعني الاتقان والخبرة بدون شهادة أهم ألف مرة من شهادة بلا خبرة ولا إتقان
وياما ناس مش معاها شهادات في مجال البرمجة مثلا وشغالة زي الفل أحسن من واحد جايب امتيار في حاسبات ومعلومات مثلا
طبعا كلامي ده معروف ومنطقي وأكيد حضرتك عارف كده بس أنا حبيت أأكد عليك مش أكتر إنك تهتم بالكيف لا بالكم يعني متخليش موضوع الشهادة يشتتك عن الغرض الأساسي وهو إنك تتعلم بجد
نرجع بقى لموضوعنا
أيوة تقدر تذاكر وتاخد شهادات معتمدة عالمية من خلال الإنترنت أونلاين والشهادات دي ممكن تكون معتمدة أكتر بكتير من أي شهادة هتاخدها هنا في مصر
لكن في مراكز برده في مصر ممكن تمتحنك علطول علشان تاخد الشهادة العالمية ، يعني مراكز يات مثلا ممكن تقدم على امتحان في برنامج أدوبي فوتوشوب وتكون الشهادة معتمدة من أدوبي
لكن سيبك من إنك تروح مركز علشان تاخد شهادته هو لأنها ملهاش أي قيمة لو مش متقن الشغل فعلا
لذلك نصيحتي ليك وفر فلوسك اللي هتصرفها على الكورسات وحوشها للشهادات العالمية بعد ما تذاكر كويس من خلال الكورسات الأونلاين وبعدين قدم على شهادة في المجال اللي أتقنته