الموضوع: مشكله في هوندا سيتي

المشاركة الأصلية كتبت بواسطة totti999

مشكله في هوندا سيتي مش عارف احلها ازاي سعات بدور العربيه ومشي بيها مشوار طويل واحس برعشه في الدريكسيون طول مانا ماشي وعلى اي سرعه ولاقي الدريكسيون تقيل ولما ابطل العربيه وشغلها تاني الاقي كل الاعراض دي اختفت والدريكسيون يرجع خفيف تاني والرعشه تختفي تماما

مش عارف دي مشكلة ايه بالظبط

بعد ماتبطل بتمشى وتكون خفيفة ولا قصدك وهى واقفة ثانيا فى اى حاجة منورة فى التبلوه وهى فى الحالة ديه ولا لاء وياريت تروح لعفشجى يبص على العفشة من بارات علبة الدريكسيون والكبالن الداخلية ولو كده بس على العلبة نفسها ممكن يكون فى مشكلة فى الحساس او ماتور العلبة عشان البور عندك كهرباء واتاكد ان مفيش اى بوش فيها

والله انا مستبعد انها تكون حاجه في العلبه لان في كذا واحد بص عليها وعلى العفشه وكلهم بياكدو ان العفشه مفهاش حاجه نسيت اقول ان العربيه سعات بتبقى مخنوقه برده والسحب بيقل انا شاكك ان في حاجه في دورة الهواء او البنزين حد يفيدني اروح لمين يكون فاهم كويس ويظبطلي الدنيا

يبقى قدمنا حاجتين بالنبة للهواء ممكن يكون حاس الايدل او فلتر الهوا مش نضيف او عايز يتغير
لو البنزين ممكن الفلتر او البوابة ممكن تروح لمحمد على فى اخر ش جمال عبد الناصر او جسر السويس من الحرفيين كده وهو فى التوكيل وهينضف البوابة ويشوف بلف الايدل ولو الفلتر محتاج يغيره

تم حل المشكله في توكيل هوندا جسر السويس بظبط التاكيهات وتغيير فلتر الهواء والتكلفه حوالي 600 جنيه

600 جنيه فلتر الهوا ب 175 تقريبا يعنى اكتر من 400 مصنعية كتير قوووووووووووووووووى

مش كتيير لان المبلغ يمثل الخبرة لحل المشكلة وايضا الضمان بعد الحل

المشاركة الأصلية كتبت بواسطة ahmedabeed

600 جنيه فلتر الهوا ب 175 تقريبا يعنى اكتر من 400 مصنعية كتير قوووووووووووووووووى

السعر شامل ظبط التاكهيهات وده لوحده خد ساعتين شغل تقريبا

المشاركة الأصلية كتبت بواسطة totti999

السعر شامل ظبط التاكهيهات وده لوحده خد ساعتين شغل تقريبا

انا عارف بس كتير واحنا عارفيين ان ديه اسعار التوكيل عشان كده كنت بقول روح لمحمد على وهو شغال فى التوكيل وتقريبا مش هياخد منك كله اكتر من 200 جنيه وينضف البوابة كمان وهيشيك على العربية كلها خير اهم حاجة ان العربية ظبطت