الموضوع: مطلوب صبين Rockford Punch XLC 18Inch

عايز اقول لحضرتك على حاجة ..

انا كنت شاري الصب ده من العضو Hanen:
TS-W5000SPL - Premier 12" Competition SPL Component Subwoofer | Pioneer Electronics USA

بس للأسف انا بفتري عليه شوية والجي ام عالي اوي .. فالغطا اللي في نص الصب اللي مكتوب عليه كلمة بايونير (او بريميير زي اللي في الصفحة دي) .. اتقطع من شدة الصوت وطبعاً بقا بيهرب هوا من المكان ده وأداؤه نزل النص

صلحت مكان القطع وسديته كويس بس مكانش ينفع اشغله عشان ملزوق بكلة وبتاخد وقت عشان تنشف .. قلت اشوف نفس الصب اللي حضرتك طالبه وزيادة الخير خيرين .. الاتنين يشتغلو مع بعض ويزلزلو العربية اكتر

شفت عرض بره المنتدى لنفس الصب اللي حضرتك عايزه ... ورحت قابلت صاحب الصب وركبته في عربيتي .. وللأسف الشديد خيب كل آمالي ومتوقعتش الأداء ده خالص مقارنة بالصب بتاعي اللي هو 12 بوصة وقلت اكيد فرق الحجم هيدي صوت رهيب برضه وده ركفورد مش اي حاجة وموديل من الموديلات اللي واخدة حقها

وللعلم الصب بحالة اكتر من ممتازة وزي الجديد .. بعد ما جربته .. فكيته وقلتله اسمع الصب بتاعي ومش مهم اللحام يكون ماسك كويس .. كان فرق السما من الأرض وكان البيس جوه قلبي مش جوه ودني

فنصيحة .. لو حضرتك تقدر تجيب صب زي ده .. مساحة أصغر لكن أداء أقوى بكتير اوي اوي اوي .. مشكلته الوحيدة ان الباور بتاعه عالي جداً وتعبت فلوس ومجهود عشان اشغله مرتاح عشان اجيب جي ام الخرج بتاعه عالي كفاية يشغله ، وكابلات بالجودة انها توصل كهربا كفاية للجي ام من غير ما يقطع حيث انه بيسحب سحب رهيب ، وكاباسيتور يحافظ على السحب ده ما يخليش الأنوار بتاعت العربية تلعب ، وبطارية جديدة خالص بقوة أعلى بدل اللي نيمها في اقل من شهر ، وبوكس بالمواصفات اللي تخليه يطلع صوت محترم .. بس في الآخر نتيجة تستحق المجهود :)

وبالتوفيق ..

المشاركة الأصلية كتبت بواسطة abdelrhman010

طبعا الصب اللى معاك محترم مفيش اى كومنت
لكن انت بردو عندك غلط فى حاجه وهى ان الصبات دى عاوزه جى ام محترم ولازم يكونوا اتنين مع بعض نفس الموديل ونفس الانش اللى هما Rockford Punch XLC 18 Inch
كده مش كل حاجه الصبات دى عاوزه جى ام Rockford مش اقل من T1000 عشان يشتغلوا كويس لكن انا قريب هسمعك خير لو فى نصيب واتقابلنا
وعموما اخويا ربنا يكرمه جاب جى ام Rockford 700s من العضوHanen15 اللى هو الاستاذ محمود الراجل ده انسان محترم جدا جدا طبعا ده من معاملته وذوقه مع اخويا المهندس سامح وابنه حبيبى عبدالرحمن الصغير
بس انا كنت عاوزك تخدمنى وتقولى على رقم الشخص اللى معاه الصب ده بس اهم حاجه نفس الصب والانش اللى انا طالبه وعاوز اعرف السعر اللى كان طالبه لو تكرمت فى رساله

معلش انا ما فهمتش يا باشا ايه الغلط اللي عندي :D

ايه وجه الاختلاف في ان الصبات عايزة جي ام محترم .. ما ده اللي انا قلته في آخر فقرة من كلامي :D

الصب بتاعي يا باشا 2000 وات RMS و5000 وات ماكس وجايبله جي ام 2500 وات RMS كيكر من أمريكا .. مين جاب سيرة جي ام مش محترم اقل من T1000 :)

انا كنت هشتري الـ T1500 bdcp وقبل ما اشتريه دورت في المنتديات وقارنت كويس اوي بين الاتنين واستقريت على الكيكر 2500 Z والحمد لله مش محتاج اتكلم عنه :)

المشاركة الأصلية كتبت بواسطة abdelrhman010

الغلط اللى عندك انك مش بتقدر تعمل تناسق بين السوند سيستم
يعنى لو كنت جبت صبين مثلا rockford xlc 18 مع جى ام rockford t10001bdcp
مع اربع سماعات كينود 500 وات اندونيسى على جى ام pioneer 760 على كاسيت pioneer 8850mp وسمعت الصوت كنت عرفت انا اقصد ايه...
الصوت كان هيبقه حكايه لان الصبات دى عايزه جى ام من نفس النوع وبعدين اللى انت جربته ده مش هو اللى انا طلبته خااااااااااااالص وعلى فكرة الراجل كاتب موديل الصب بس الظاهر انك ماخدتش بالك او انت مش عارف الفرق بين الموديلات old school والصبات الجديده اما بالنسبه للجى ام اللى معاك ولا يحصل نص أداء الجى ام rockford t2500 ده ميمنعش ان الكيكر جى ام كويس بس بردو مش بقتنع بى نهائى

هو الغلط اني مش عارف اعمل تناسق - في العدة اللي حضرتك مشفتهاش - ولا ان الصبات عايزة جي ام محترم ولا هو في غلط وخلاص ؟!

حضرتك الموضوع طالب فيه صبات معينة وقلت لحضرتك تجربتي عن موديل ان شاء الله يكون احسن .. انا بتكلم عن صب 12 .. يعني الـ 18 منه ، ده لو موجود ، هيبقا كارثة تانية .. بالتوفيق