اللي بيقل ادبه عليك في التوكيل ده مش عارف انه بيته مفتوح من فلوسك وفلوس اللي بيشتروا عربياتهم سواء هو او اللي مشغله...
لكن في الاخر اقول احنا اللي بنعمل كده في نفسنا وبنساعدهم علي الفرعنه والشخص اللي وداك ليه لو ما كانتش عينه مكسوره ما كانش سكت ...
انتوا يا ملاك الشيفروليه والاوبل عارفين سمعة منصور كويس وعارفين اسلوب المسئولين عن خدمة ما بعد البيع وبرده بتشتروا عربياتهم ويا ريتها عربيات تستاهل ...
مين يقول اني ادفع فلوس لناس معروفه بعدم الامانه وعدم احترام العميل علشان ياخدوا فلوسي وكمان يهزئوني...
للعلم انا بقالي سنه من غير عربيه بعد ما بعت السيراتو وبالرغم اني كنت شايف ان الكروز مناسبه ليا كسعر وكماليات وكنت ممكن اشتريها كاش الا اني وليس لاي سبب اخر غير سوء سمعة وكيلها وقسمي علي اني مش هكسبه مني حتي لو جنيه واحد رفضت اجيبها وقررت استني منغير عربيه اكتر من سنه لحد اما اكمل سعر النيو سيراتو واشتريها ...
ولو كلنا عملنا كده كان زمانهم قفلوا وكان زمان الاخ اللي عاملك بالاسلوب ده قاعد في بيتهم او بيشتغل مع صاحب عمل محترم يحاسبه لو عامل العميل بتاعه باسلوب سيء ...
مش هدفع فلوس في عربيه توكيلها منصور حتي لو كانت الماركه الوحيده في البلد
المفضلات