بروح مرحه ياجماعة
الولد أفضل بالطبع
1-البنت في ظل الظروف الحالية بقى صعب جوازها واللي حتى مش هتفكر في الجواز رغم انه فطرة في البنت,المجتمع لايرحم ويقول عانس....بينما الرجل أعزب ولو في الستين هههههه, هوه اللي مش عايز يتجوزهههه

2-البنت اهلها بيخافو يجي نصيبها مع واحد يوريها النجوم في عز الظهر لانها غالبا الطرف الأضعف,الي المفروض يداري على عشه ويصبر,الولد مهما قابل صعوبات في الحياة يظل قادر على رفع الظلم والاهانة عن نفسه واذا مقدرش ممكن يغير نفسيته في الخروج من البيت وقعدة الصحاب,الستات غالبا اسيرات البيوت

3- عروسة 2009 من أهم مواصفاتها عند الكثير جميلة موظفة او وحيدة ابوها وامها عشان تشيل في الجهاز وتساهم او تشيل في مصاريف المنزل_ وفيه فكره غريبة عند الناس وهي المعروض من البنات كتيييير وكتر خير الشاب اللي يفكر يجوز اليومين دول أنا مش بالومهم في ظل الظروف الاقتصادية دي بس بقول ده من جملة الضغوط على البنت او الست

4-الرجل يعمل ويتعب لكن مش كل ساعات اليوم لكنه وقت مايحب ياخذ اجازة ياخذها
وفي مقدوره ان لاينزل من السرير اليوم بطوله ,الست لا ولو جوزها هيوافق ولادها مش بيدوها اجازة,اي مشوار بتعمله ولادها معاها ,الزوج بقى حر طليق بمزاجه يأخذهم وممكن لا

5- الست بتحمل 9 شهور ماتعرف النوم فيهم من ضيق النفس والثقل,وبعدهم سنة من قلة النوم وبكاء الطفل ورضاعه,الرجل بقى بيقفل الباب ويزعق انا عندي شغل بكره
ولوموظفة عادي ومن اطرف ما سمعته (الست ربنا خلقها عندها طاقة جبارة)ليكون عذرا للرجل في القاء معظم المسؤليات على المرأة

6-ناهيك بقى عن تلبية حاجات الولاد من شراء ضرورياتهم,مذاكرتهم خصوصا في ظل تدهور العملية التعليمية -الحفاظ على صحتهم وسلامتهم طعامهم

7-الجمال والعناية الشخصية والاناقة مجهود يميز المرأة بالطبع امام الهجوم الشرس ممن ارتضين ان تكون اجسادهن وميوعتهن باب رزقهن,الرجل بقى مايعيبو الا جيبه ومع الواقع المفروض اليوم مابقاش يعيبه بيكفيه حلاقة ذقنه ولبس نظيف مكوي وبيبقى قمر

أنا ما الوم اي رجل بالعكس الرجل هومصدر الأمان والحنان في اوقات الشدة ويكفي وجوده في حياة زوجته اوبنته او اخته بيحميها كتير
انا اقصد المجهودات اللي بتقوم بها المرأة والضغوطات النفسية لايستهان بها
فهي مركز المنزل والرجل كوكب يدور حول هذا المركز ان اسعدها بالقليل من الكلام الطيب والتقدير اسعدت حياته وبيته

وبرضه في ستات يعني يتفات لها بلاد العبوس الكشور البوز ههههه اللي مايملا عينها شئ