الموضوع: أقل كلمه تتقال للراجل ده " أنت حرامى "

فيه ناس بتلعب دايما على نقطه عدم معرفة المشترى هو بيشترى ايه من اساسه و دى حرام بس بيقولك شطارة و تجارة و بيحللوا الحرام لنفسهم دول المفروض لو فيه ناس عندها ضمير تحاكمهم زيهم زى الارهابيين الى بيحللوا لنفسهم اى حاجه نفس المبدأ مع اختلاف الاسماء و المحرمات
خلاصه الموضوع شوفت اعلان استفزنى لاسبرانزا 516 موديل 2011 طبعا عارفين سعرها لما كانت فبريكا بكام ؟ كانت ب60 الف جنيه
بقدرة قادر و سبحان الله تبقى مستعمله و بقالها 4سنين فى الشارع لأ و سعرها يزيد
شوفت الاعجاز العلمى
فلازم قبل مانكمل نقول
لا تخرج الا لما تقول سبحان الله
واحد مع احترامى للحراميه عارض اسبرانزا 516 موديل 2011 الفئة الثانيه
طالب فيها كام ؟
30 الف جنيه
لأ استنوا ده مش سعرها كدة و بس
رغم انه فيه ناس بتبيعها بالسعر ده
لأ ال30 الف دول مقدم
و 540 جنيه على 84 شهر يعنى 7 سنين
الأجمالى = 30.000 × ( 540×84 ) = 75.360 جنيه
يعنى هات عربيه صينى اى نعم محترمة و اثبتت كفاءة
اركبها 4 سنين
اكسب فيها 15 الف بعد ماتطلع عين ابوها
من حكم فى ماله فما ظلم بس بالعقل
ده المقدم نفسه فيه ناس بتعرض عربياتها بيه
مش قولتلكم
لا تخرج قبل ان تقول سبحان الله

الموضوع بسيط:
حضرتك ما تشتريش منه و شوف غيره بس كده و خلاص

اللي جاد في البيع بيطلب سعر متناسب مع سعر السوق لمثيل العربية
لو السعر مغالي فيه يبقي تتربي في عزه

المشكلة الحقيقية هي تحديد السعر لأن أعلانات النت مجانية و كل واحد بيحاول يرفع السعر يمكن يقابله زبون يدفع من غير نقاش و ده يخللي اللي عنده عربية عايز يبيعها يطلب سعر زي أعلانات النت (أللي هي مغالي في أسعارها) و بيبقي فاكر أن ده متوسط سعر السوق

من تجاربي أن سعر أعلانات كونتاكت كار و غيرها بتكون عادة أغلي من القيمة السوقية بحوالي 5 الي 10 ألاف جنيه و ممكن أكتر علي حسب العربية