انا شايف ان مشكلة الكورولا الشكل الجديد ان مساعدينها ناعمة بالنسبة للهوندا سيفيك و اوكتافياز لو عايز اغير نظام التعليق علشان يكون رياضي اجيب ماركة ايه و منين؟
عرض للطباعة
انا شايف ان مشكلة الكورولا الشكل الجديد ان مساعدينها ناعمة بالنسبة للهوندا سيفيك و اوكتافياز لو عايز اغير نظام التعليق علشان يكون رياضي اجيب ماركة ايه و منين؟
انت شايف غلط خالص كورولا عفشتها رياضية وانشف من الهوندا وموش محتاجة تعديلات وكلامي علي نسخة الوكيل المصري
طب ليه بتعوم بسهولة جدا و الhandling ضعيف؟؟
السبب ممكن ما يكونش من العفشة بس.
فيه حاجات تانية كتير بتأثر في اتزان العربية.. مثلا: توزيع الوزن.. نوع ومقاس الكاوتش.. أنظمة السلامة الحديثة زي الABS .. ESP
أنصحك تقرا الموضوع ده علشان تقدر تعرف السبب ممكن يكوم من إيه
http://www.nilemotors.net/Nile/375709-a.html
...
شكرا لاهتمامك. انا قريت الموضوع و مفيد جدا.
استنادا بالموضوع لو درسنا اللي اتقال في الموضوع، حنلاقي الكورولا عفشتها طرية و العربية عالية، معني كدة ان مركز الثقل عالي شوية عن الارض و الهواء بيعدي بنسبة كبيرة من تحتها فا العربية بتعلي اكتر عن الارض و الtraction بيقل. و دة عن تجربتي للعربية ظاهر جدا.. الundersteering بيحصل كتيىر في الملفات الصعبة
الله ينور.. حضرتك استوعبت الموضوع كويس وحطيت إيدك على أسباب خافية على ناس كتير..
عموما .. الـUndersteer موجود في كل عربيات الدفع الأمامي بلا استثناء مهما كان نوعها نتيجة وجود معظم الوزن في الأمام..
هو اللي نقدر نعمله بس إننا نقلل الـUndersteer .. عن طريق:
* تركيب كاوتش أعرض
* زيادة المسافة بين العجلات الأمامية
* تركيب أستابليزر رياضي
* تركيب نظام أمان إلكتروني زي الـESP
* دخول الملفات بالأسلوب الصحيح
...
الاستابليزر هو "عمود الميزان"... اقرا المشاركة رقم 3 من الموضوع اللي قلتلك عليه وانت هتعرف إنه مهم جدا.
عموما.. الاستابليزر بيساعد جدا في المنحنيات ويخلي العربية ما تميلش بسهولة.. والاستابليزر الرياضي بيبقى أنشف من الاستابليزر العادي...
وغالبا بيبقى عبارة عن ماسورة مش عمود مصمت... ده بيديك قوة أكبر وخفة وزن في نفس الوقت.
بالنسبة للمساعدين .. أكيد المساعدين الرياضية بتفرق... بس مشكلتها في الراحة...
ميزة الاستابليزر إنه مش بيأثر في موضوع الراحة ده زي المساعدين.. إنما بيفرق في الملفات.
...