حد يعرف تاجر بيبيع نظارات شمس هاي كوبي..بعيدا عن المحلات عشان بيغلوا السلعه بطريقه بشعه
عرض للطباعة
حد يعرف تاجر بيبيع نظارات شمس هاي كوبي..بعيدا عن المحلات عشان بيغلوا السلعه بطريقه بشعه
في شارع اسمه عبد العزيز جاويش بعد ميدان باب اللوق فيه كل ما تشتهي الانفس في النظارات جمله و قطاعي روح و ادعيلي
فعلا المنطقة دي هي مخبأ النضارات الهاي كوبي في مصر كلها واللي كل التجار بيشتروا منها ويبيعوا بأضعاف مضاعفة
المنطقة دي بالضبط جنب مخرج محطة مترو محمد نجيب عند تقاطع كده مش فاكر اسمه بالضبط بس هتسأل على حارة النضارات ألف من هيدلك وهتلاقي محلات أشكال وألوان
لو هتجيب حتة واحدة أو اتنين هيعتبرك زبون قطاعي وهيحسبلك النضارة النظر من 100 - 150 جنيه اللي هي بتتباع برة على إنها إيطالي ب400 و 500 والنضارة الشمس من 200 - 300 جنيه اللي بتتباع برده مش أقل من 600 جنيه ، ده بالنسبة للحاجات الكواليتي العالية اللي مش هتعرف تفرق بينها وبين الأوريجينال بس طبعا في أسعار أقل لحاجات كوبي عادية
لكن طبعا التجار بيتباعلهم النظر في حدود 60 جنيه والشمس في حدود 120 جنيه
الخلاصة فاصل على أد ما تقدر ولو تقدر تجيب تشكيلة ليك وللعيلة مثل أو لأصحابك يبقى خش عليه دخلة التجار وفاصل معاه وقوله كده هتبقى عليا بخسارة بس طبعا متكذبش وتقوله أنا تاجر وانت مش تاجر
حد يعرف ازاى اعرف النظاره زجاجها Polarization
ولا ء
هو الهاى كوبى دة مش بيضر العين ؟
السؤال الأزلى بقى
هل فية نضارات original فى مصر يعنى عند محلات سيتى ستارز وكدة الحاجات الى معدية ال 1000 جنية دية اصلى ولا اشتغالة
مفروض بيبقى في Test عند البياع بيوريك حاجة بالنضارة تقدر تتأكد منها إذا كانت Polarized ولا لأ
وممكن برده تجرب انت بنفسك زي كده مثلا
https://www.youtube.com/watch?v=eqe-tpXrEiU
مش كله
في محلات ممكن تبيع نضارة بأكتر من باكو على إنها أورجينال ومتكونش أورجينال
بس غالبا بيكون أورجينال خاصة لو جبتها من التوكيل زي توكيل منير نصيف بتاع RayBan مثلا
ولو لقيت النضارة مكتوب عليها Made In China ممكن تكون أورجينال متقلقش لأن خط الإنتاج بيكون اتنقل من إيطاليا للصين بس نفس الشركة ونفس الجودة والعكس برده لو لقيت Made In Italy مش شرط تكون أورجينال ممكن تكون هاي كوبي مضروبة
لكن كمستخدم عادي صعب تفرق في الأول بين الأورجينال والهاي كوبي إلا بعد فترة هتلاقي الهاي كوبي بتتمسح أو بتقشر مثلا وكده
أنا شخصيا لو هجيب حاجة أورجينال هفضل إني أجيبها أونلاين من المصدر رأسا مش من محل أو وكيل أو موزع في مصر
اسمها الصوافه متفرعه من شارع محمد فريد عند مخرج مترو محمد نجيب
عليك وعلى باب اللوق .!
طب طالما كلكوا عارفين المكان ...امال مين اللي بنضحك عليه في المحلات بقي ههههههههههههه
لو نظاره شمس نوع ممتاز + بولاريزد. ممكن تعمل كام في باب اللوق
و في حد عنده خبره وتجربه شراﺀ
هو بولاريزد يعنى ايه :)
طب هي الهاي كوبي نفس جوده الاوريجينال ولا الموضوع مش مستاهل
رنج الاوريجينال في النظر ايه ؟
وايه رايكم في c&co هل كل اللي عنده اوريجنال
اللى خارج القاهره
ومش هيروح باب اللوق
يشترى من فين ؟؟
متابع
ان شاء الله ساكون في القاهره اخر الاسبوع القادم ومحتاج نضاره شمس وساعه كمان:))
محتاج نوع كويس بالنسبه للنضاره والساعه
طيب يارجاله ايه رايكم لو حد محتاج نضارة ممكن نظبط يوم ننزل فيه نشتري
الاحد ماينفعش اجازه
شوفو اليوم المناسب ومعاكم ان شاء الله
بسم الله الرحمن الرحيم
النضارة لما يكون ازازها غامق حدقة العين بتوسع و تسمح بدخول كمية كبيرة من الاشعة الفوق البنفسجية
مما يضر العين كعدسة و شبكية
النضارة لو هاى كوبى نضيف لازم بيكون فيها uv protection 100% او اعلى و دى بتتقاس عند معامل النضارات و فى المحلات الكبيرة
جبت نضاره prada ب 230 جنيه
بعتذر عن عدم المقابلة والاتفاق
لاجراء عملية جراحية يوم امس..شفاكم الله
شفاك الله وعفاك
الف سلامه
يا ريت اللى اشترى من هناك
يصور لنا صورة النظارة اللى اشتراها
ويبقي كتر خيره لو نزل اكثر من صورة للنظارات اللى شافها
ويقول لنا الاسعار قبل الفصال والسعر اللى اشترى بيه
متابع
لانى بسال عن النظارة الشمس بعدسات مضمونه انها تحافظ على النظر بطرق علمية و تكون بولاريزد
و يكون شكل الاطار كبير ولامم على الوجه ليحجب اكبر قدر من الاشعه
وكمان على الشنابر الطبية السميكة الاطار ويفضل اللى على شكل u
بالنسبة للعدسات ايه اللى يخلية متاكد انها مش مضروبة
وايه اللفروق اللى ياخد باله منها
وهل يجب ان يكون معها منشور بالمواصفات والحماية من الاشعه البنفسجية والحمراء
اشتريت النهارده بيرسول 175عدسات زجاج مش بلاستيك
شويه كده وانزل صورتها
اﻻسعار بيبتدي من 250وانت شطارتك في الفصال
اشتريت النهارده بيرسول 175عدسات زجاج مش بلاستيك
شويه كده وانزل صورتها
اﻻسعار بيبتدي من 250وانت شطارتك في الفصال
[IMG]http://store1.up-00.com/2015-03/1426622780791.jpg[/IMG]
[IMG]http://store1.up-00.com/2015-03/1426622781922.jpg[/IMG]
[IMG]http://store1.up-00.com/2015-03/1426622782813.jpg[/IMG]
[IMG]http://store1.up-00.com/2015-03/1426622783674.jpg[/IMG]
[IMG]http://store1.up-00.com/2015-03/1426622784615.jpg[/IMG]
مكتوب علي العدسهuv 100% protection
مش عارف ايه هي الحمايه المقصوده
tempred glass
مع حفر للعلامه علي العدسه persol
لكن عايزاقول ان العدسات الزجاج بتفرق جامد في الرؤيه والوضوح عن العدسا ت البلاستيك
انا باستعمل نضارات شمس من حوالي 20 سنه وماكانش في كوبي ايامها
كان معايا ريبان امريكي حفر
وبيرسول ايطالي اصلي
النضاره بجوده عاليه جدا
ماتتفرقش عن الاصلي الا في فينش بسيط وغير ملموح الا لواحد فاهم قوي
المحلات كلهم حوالي 5 او 6 محلات المعروض كتير قوي يخليك تتوه الا لو انت نازل محدد عايز ايه
زي ماقولت الفصال انت وشطارتك
المعروض لو واحد مش فاهم في حاجات تعبانه جدا تخلص علي 100 جنيه لكن هو بيعرض علي 220
وفي حاجات جيده دي اخرها كان 175
النضاره لها 3 جراب وبها كتالوج بالانجليزيه:)
و3 مناديل وكارت وكلهم مكتوب عليهم برادا
العدسه بلاستيك محفور فيها اسم برادا تمنها 250 جنيه نزلت 20 جنيه من تمنها( ومش بالساهل).
معظم المحلات متمسكين بتمنها 250 جنيه
اترككم مع الصور
http://www2.0zz0.com/2015/03/18/09/201662798.jpg
http://www2.0zz0.com/2015/03/18/09/419505900.jpg
http://www2.0zz0.com/2015/03/18/09/624666179.jpg
http://store1.up-00.com/2015-03/1426662601021.jpg