مع كل ماقيل من عيوب
اﻻ ان مبيعاتها عاليه جدا
الشكل الجديد انتشر في فتره زمنيه قليله
اﻻ ان السياز هاتكتسحها
عرض للطباعة
مع كل ماقيل من عيوب
اﻻ ان مبيعاتها عاليه جدا
الشكل الجديد انتشر في فتره زمنيه قليله
اﻻ ان السياز هاتكتسحها
كان لازم يفهموا الناس الحقيقة و بعدين الناس هى اللى تقرر الصنى م شيابانى على الأطلاق نيسان لفظتها من زمان فأصبحت بنت غير شرعية العربية الأصلية بتتجمع و تتصنع فى الهند وده سر الشكل العجيب بتاعها الموتورر بيتصنع بالكامل بالصين و الغريب أن العربية رغم كل هذه اللخبطة عربية جيدة فيماعدا الثبات و الصاج الضعيف و مشكلة الفرامل و الموديل ال ex التابلوه و العدادات منظرهم حاجة كده يعنى ما تحسش أنك راكب عربية بجد و كان من الأفضل لأنهم يركبوا التابلوه و العدادان بتاعة السوبر صالون
الموتور بيتقغل في الهند، وأجزئه مصنعة في اليابان.
أسم صنى تم بيعه بالكامل الى شركة Dongfeng Motor الشرك الصينى لنيسان اليابانية
الموتور HR15DE نتاج تعاون مشترك بين شركتى نيسان و رينو و الموتور منفذ بالكامل فى شركة Aichi Machine Industry و هى شركة يابانية و تقوم شركة Dongfeng Motor على أعتبار أن نيسان تملك %50 من أسهمها بتصنيع الموتور
بعد ان نصحت ثلاثة من زملائى بشراء الشكل الجديدعلى خلفية شرائى للشكل القديم سوبر صالون و مراكز الصيانة الجيدة , ندمت اشد الندم فالثلاثة يشتكون من سوء التصنيع و انحدار مستوى مراكز الصيانة و حدث معى فى ابى رواش عدم توافر قطع الغيار البسيطة (لمبة الصالون , كوعة ردياتير, لمبة تكييف) عدم تمكنهم من اصلاح لمبة شبورة بعد 3 زيارات, تأخير شديد فى المواعيد , عدم غسل السيارة, سوء المعاملة ........للأسف
اتفرجت على السوبر صالون النهاردة في سمير ريان والعربية عامة كويسة ومش حاسس فيها بالتقفيل "المصري" يعني تقريبا نفس جودة التقفيل الهندي والاتنين طبعا لا يرقون لمستوى التقفيل الياباني بس بصفة عامة دي احسن حاجة ممكنة في الفئة السعرية دي خصوصا وكمية الاوبشنز اللي في العربية تخليك تتغاضى شوية. بالنسبة للمشاكل والذي منه الله أعلم بس صديقي معاه موديل 2014 وبيسافر بيها شهريا دمياط وانا سافرت معاه مرة والعربية كانت ممتازة ومافيهاش مشاكل "محسوسة" بالنسبالي كراكب أمامي والراجل بيسوقها بقاله سنة مااشتكاش من حاجة غير شوية تزييق في الفرامل.
اعتقد توكيل نيسان افضل من توكيل سوزوكي
في الفئه السعريه لحد ال 110 النيسان هي الافضل
واللي معترض
يقول ما هو البديل
انا عن تجربتي مع نيسان صني 2015 فيس ليفت ..
وبكل أمانة سيارة فوق الممتازة ولم اعاني من أي مشاكل فيها لحد الآن وبالنسبة للثبات فهي مثل باقى جميع السيارات الجديدة كلها خفيفة بعد 140 وانا سافرت بيها أكثر من مرة طرق سفر طويلة وتمام ..
بالنسبة للتجميع والعزم مناسب جدا مع قوة الموتور وتشغيل التكييف ومعاك الأسرة .. انا حصل معايا موقف مفاجئ على الدائرى واحد كسر عليا فجأة والحمد لله ربنا ستر وكان رد فعل السيارة بفضل الله فوق الممتاز فى المراوغة والثبات مع الفرامل ( كان اختبار مفاجئ لنظامي abs &ebd ) .. بالنسبة لاستهلاك للبنزين ..ممتاز بتشم بنزين ! بتعمل تقريبا 20 كيلو / اللتر
بس تنكها صغير نسبيا 41 لتر ..
بالنسبة للصاج خفيف شوية وكل الجديد كده لأن ده اتجاه شركات التصنيع علشان موضوع مقاومة الهواء وتوفير البنزين وعزم المحركات يتحول لتسارع ( بقت كلها الومونيوم هيا كمان) .. قطع الغيار متوفرة وأسعارها معقولة وغير مبالغ فيها ..
بالنسبة للجودة ..تكفي انا تحمل اسم الصانع الياباني العريق نيسان ..وهو يحترم بخصوص موقف عيب تيل وطنابير الفرامل اللى بتاكل بسرعة فى موديل 2012 و2013 وتحسب له جرأته فى التعديل وتغيير مجموعة الفرامل بالكامل بدون مقابل ( بعكس مثلا وكيل هيونداى غبور ولا شيفروليه منصور اللى بيلزق الحاجة حتى لو كانت محتاجة فعلا تتغير ! )
تجربتي مع التوكيل فى الصيانة _ السبع اوتو سيرفس المعادي القاهرة .. أشهد انهم ناس محترمين ومهنين للغاية .. عندهم زحمة بس الحل انك تحجز قبل الزيارة عن طريق التليفون أو موقعهم اون لاين .. أول ما رحت تم تخصيص مهندس ليا وسمع مني كل حاجة بالتفصيل واخد المفتاح وطلع معايا وشاف العربية بنفسه واخد المفاتيح وانتظرت تقريبا ساعة ونص لساعتين فى الاستراحة المحترمة جدا وفيها وأي فأي مجاني وكافيه وشاشة بتعرض دور عربيتك وصل لحد فين ..كمان بيوفروا باص مجانا لو عايز تعمل شوبنج فى كارفور