مساعدة في تشطيب الحمام و المطبخ
ناوية ان شاء الله أوضب الحمام و المطبخ في شقتي بس مش عارفة أبتدي منين.
أتفرج على أطقم حمام حلوة و أسعار كويسة فين؟؟ و برضه بالنسبة للسيراميك ايه أحسن الانواع و أحسن أماكن للشراء؟؟ ونفس الشئ بالنسبة للخلاطات.
الحمام عندي 2x2 متر ,بالنسبة للمساحة دي تأسيس السباكة و مصنعياتها تبقى في حدود كام؟؟ و بالنسبة لتركيب السيراميك مصنعيته كام؟؟ و هل أنا بأجيب واحد يشيل المقاولة كلها سباكة و صحي و سيراميك و لا كل حاجة لوحدها؟؟
بالنسبة للمطبخ ايه انواع الأحواض و اسعارها و أماكن الشرا؟ و السيراميك و المصنعيات؟؟
يا ريت كمان بالتقريب لو تقولولي الشغل ده ياخد وقت قد ايه لأننا ساكنين في الشقة.
لو حد يقدر يقول لي خطوة خطوة كدة بالراحة عشان مش عارفة أبدأ منين أو أسأل فين. بالمناسبة أنا ساكنة في الهرم فلو أماكن الشرا قريبة يبقى أحسن